2009 онд Агаарт хөөрснөөс хэдхэн минутын дараа шувуун сүрэгтэй мөргөлдсөн онгоцыг аврав. Хадсон голд, тэр дундаа олон хүн амьдардаг бүс нутаг орчимд ослын буулт хийсэн тус онгоцонд зорчиж явсан 155 хүнийг бүгдийг нь аварч чадсан юм. Хэдийгээр сүүлд нь олон удаагийн шүүх хурлаар орсон ч түүнийг америкчууд "Салли" хэмээн хүндэтгэж, хожим нь кино хүртэл хийн алдрыг нь мөнхөлсөн байдаг.
Энэ өдөр дэлхий дахинд болсон үйл явдлууд
1913.06.15. Монгол Улсын Ерөнхий сайд Т.Намнансүрэн тэргүүтэй төлөөлөгчид Хаант Орос улсад айлчлав. Айлчлалын үеэр Сангийн бүх хэргийг захиран шийтгэгч сайд н.Чагдаржав, Хаант Орос улсын бүрэн эрхт төлөөлөгч И.Кростовец нар долоон зүйл гэрээнд гарын үсэг зурж, Монгол улс хоёр сая рубль зээлэхээр болжээ.
1943.06.15. АНУ-ын Батлан хамгаалах яамны байр-Пентагон байшинг 1943 оны нэгдүгээр сард барьж дуусгасан байна. Пентагоныг анхнаасаа тэгж барина гэж зураг төсөл гаргаагүй.Барилгын талбайн хажуу дахь таван зам болон тэдгээрийн гол замууд 180 градусаар нийлж байсан нь л энэхүү пентагон хэлбэрийн байшинг барихад хүргэжээ. Барилгад төмөр бараг ашиглаагүй. Учир нь металл төмрүүд тэр үед батлан хамгаалах яамны аж үйлдвэрлэлийн хэрэгцээнд туйлын чухал байсан аж. Тэндээс хэмнэгдсэн металлаар бүхэл бүтэн эсминец хөлөг онгоц бүтээхэд хангалттай байсан гэж зарим мэргэжилтнүүд тооцоолсон гэнэ.Пентагон нь таван давхар ба газар дороо мөн хоёр давхрын төвшинтэй. Албан тасалгаа, танхимууд нь 28 км-ын урттай таван хонгилын дагуу байрлажээ. Сайн тооцоолсон архитектурын төлөвлөлтөөр хамгийн алслагдсан хоёр цэгийн хоорондын замыг туулахад ердөө долоон минут л зарцуулдаг аж. АНУ-ын Батлан хамгаалах яамны төв байранд нийт 26 мянга орчим хүн ажилладаг байна.
1934.06.15. Газар хөдлөлтийн түүхэнд хамгийн хөнөөл дагуулсан газар хөдлөлт Балба болон Бихарт болж 6-10,7 мянган хүн амиа алджээ. Газар хөдлөлтийн чичирхийлэл 10 магнитудаас давж байсан гэдэг.
1936.06.15. Дэлхийн хамгийн анхны шилэн барилга АНУ-ын Охайо мужийн Толедо хотод баригджээ. Уг барилгыг "Оуэнс Иллинойсын шил" компани эзэмшдэг байсан юм.
1967.06.15. АНУ-ын мэргэжлийн хөлбөмбөгийн аваргын төлөөх "Супер боул"-ын анхны тэмцээн Лос Анжелес хотноо болов. Шигшээ тоглолтод "Грин Бей Пакерс" баг "Канзас Сити Чифс"-ийг 35:10 онооны харьцаагаар ялж, "Супер боул"-ын анхны аварга болжээ.
Эх сурвалж www.zms.mn
