АНУ-ын Конгрессын Төлөөлөгчдийн танхим дахь Бүгд найрамдахчууд Орос, Хятад, Ираны эсрэг шинэ хориг тавих, Ливанд үзүүлж байгаа тусламжийг хязгаарлах санал гаргахаар бэлтгэж байгаа гэж Конгрессын гишүүн Грег Стьюби Fox Business телевизээр ярихдаа мэдэгджээ. “Тийм ээ, бид ийм санал гаргана, мягмар гарагт өргөн барина” гэж ноён Г.Стьюби асуултад хариулаад хууль тогтоогчид саналаа энэ долоо хоногт багтаан нийтэлнэ гэжээ. Грег Стьюби бас энэ “шинэ хориг” Орос, Хятад Ираны гадаад бодлоготой холбоотой гэсэн байна. “Ираны эсрэг зэвсгийн хоригийн хугацаа аравдугаар сард дуусна. Хятад, Орос, Ираны эрх баригчдад зэвсэг нийлүүлэх нь зүйтэй гэж бид үзэхгүй байна” гэж тэр онцолжээ.
Г.Стьюбигийнхээр Иран, Иракийн хоорондох эдийн засгийн хамтын ажиллагаанд хүндрэл учруулах арга хэмжээ авах нь зүйтэй гэнэ. Үүнээс гадна Ливанд үзүүлж байгаа Америкийн тусламжийг хязгаарлах хэрэгтэй гэжээ. Телевизийн сурвалжлагч ярианыхаа үеэр АНУ-ын Конгресс дахь бүгд бүгд найрамдахчууд “Ираны эсрэг түүхэн дэх хамгийн том хориг” тавих гэж байгааг мэдэгдсэн байна. Үүний өмнө АНУ Иран улсыг цөмийн хөтөлбөрөө зогсоох, Бушер дэх цөмийн цахилгаан станцын ажлаа зогсооход хоёр сарын хугацаа өгч байсан. Үүний зэрэгцээ “цөмийн дарамтаа” үргэлжлүүлсээр байвал Иранд үзүүлэх шахалтаа чангаруулна гэж Вашингтон амлаж байсан юм. Израилийн Ерөнхий сайд Биньямин Нетаньяху дэлхий дахины хамтын нийгэмлэгийг АНУ-ын жишээг даган Ираны эсрэг хориг тавихыг уриалсан.

ЭХ СУРВАЛЖ: "АРДЧИЛАЛ ТАЙМС" СОНИН