Америкийн Time сэтгүүл өөрийн ээлжит дугаарынхаа хавтсыг цагдаа нарын ажиллагаанаас болж амь үрэгдсэн Жорж Флойд ба бусад хар арьстнуудад зориулж гаргана. Шинэ дугаар нь зургаадугаар сарын 15-нд хэвлэлээс гарах юм.
Шинэ дугаарын хавтсанд нэртэй зураач Тайтус Кафарын зурсан хүүхдээ тэвэрсэн хар арьстан эхийн хөргийг тавьжээ.
“Кафар бүтээлээ дуусгахын тулд зураг дээрхи хүүхдийн дүрсийг цоолон авч эхийн амссан зовлонг үзүүлсэн байна. Миннеаполис хотын цагдаагийн офицер Флойдыг унагаад хүзүүнд нь өвдөглөн боймлож байсан бөгөөд Флойд 8 минут 46 секундын турш талийгаач эхийгээ дуудаж байлаа” гэж сэтгүүлд бичжээ.
Флойдын эх Ларсения 2018 оны тавдугаар сарын 30-нд нас барсан ба хүү нь хоёр жил нэг хоногийн дараа цагдаагийн үйлдлээр алагдсан юм. Зураач өөрийн зургаас хүүхдүүдийнх нь эсрэг энэ их хилэгнэлийн хэрэг явдалд хүчин мөхөсдсөнөө ойлгохгүй байгаа эхийн дүрийг харж байгаа ажээ.
“Хар арьстан хүмүүсийн эсрэг хүчирхийллийн ээржит тойргоор зүгээр өнгөрөх зуур би хар арьстан эхийг нүдээ аньж, хөмсгөө зангидаад өөрийн хохиролын контурыг тэвэрсэнээр зурлаа” гэсэн зураачийн үгийг сэтгүүлийн сайтад бичжээ.
Зургаас гадна, ихэнх нь цагдаагийн үйлдлээр амь үрэгдсэн 35 эрэгтэй, эмэгтэйчүүдийн нэрийг хавтсан дээр бас л анх удаагаа улаан дэвсгэр дээр бичин гаргажээ.
М.Цогт
