Мобиком Корпораци ХХК нь нийгмийн хариуцлагын хүрээнд COVID-19-ын эсрэг шат дараалсан арга хэмжээг хэрэгжүүлж байгаа бөгөөд энэ ажлын хүрээнд утасгүй интернэтийн үйлчилгээг Улсын Нэгдсэн 1-р эмнэлэг, Нэгдсэн 3-р эмнэлэг, Халдварт Өвчин Судлалын Үндэсний Төв зэрэг эмнэлгүүдэд үнэ төлбөргүй нэвтрүүлсэн. Энэ удаад Эх Хүүхдийн Эрүүл Мэндийн Үндэсний Төв болон Гэмтэл Согог Судлалын Үндэсний Төв эмнэлгүүдэд “Мобинет Wi-Fi” утасгүй интернэтийн үйлчилгээг нэвтрүүлжээ.
Ингэснээр улсын хэмжээний томоохон эмнэлгүүдээр үйлчлүүлж байгаа үйлчлүүлэгчид болон эмч, эмнэлгийн ажилтнууд 8 дугаар сарыг дуустал үнэ төлбөргүй интернэт ашиглах боломжтой боллоо. Та интернэтээ ашиглахдаа утасныхаа Wi-Fi тохиргоог идэвхжүүлээд Мобинет Wi-Fi сүлжээнд холбогдон цагийн хязгааргүй, хүссэн үедээ интернэтэд хандаарай. Мэдээж бусад үүрэн операторын хэрэглэгчид Мобинет Wi-Fi ашиглах боломжоор бүрэн хангагдсаныг дуулгахад таатай байна.