Шинэ коронавирусийн тархалтаас урьдчилан сэргийлэх зорилгоор Япон улсын зарим сургуулиуд ажиллахгүй байгаа бол зарим сургуулиуд нь танхимын сургалтаа эхлүүлэх гэж бүхий л арга хэмжээг авч байгаа талаар хэвлэл мэдээлэл онцолж байна.

Тухайлбал, Точиги мужийн Ояама хотын Кину дунд сургууль нь сурагчдаа бүлэг бүлгээр 2020 оны тавдугаар сарын 15-ны өдрөөс хүлээн авч эхэлсэн. Өнгөрсөн Даваа гаригт сургуулийн нийт сурагчдын тал хувь нь буюу 124 сурагч сургуульдаа ирсэн байна. Агаар дуслын замаар халдварыг тараахгүйн тулд сургуулийн багш, ажилчид нь сурагчдын ширээнд гялгар хаалт байрлуулж, бүх талд нь хоосон ширээ байхаар сурагчдыг суулгаж байгаа юм байна.