Орос улс энэ жил арвин ургац хурааж, хүнсний бүтээгдэхүүнээр өөрийгөө бүрэн хангана гэж ОХУ-ын ерөнхийлөгч Владимир Путин мэдэгдсэн байна.

Тэрээр “Орос улс энэ жил хүнсний үндсэн бүтээгдэхүүүнээр өөрийгөө бүрэн хангах төдийгүй дэлхийн зах зээлийг эзэлж тэргүүлэх экпортлогчдын эгнээнд орно” гэжээ.

В.Путин өнөөгийн төвөгтэй нөхцөлд газар тариалангийн үйлдвэрлэлийн хөгжлийн хурдацыг хадгалахын чухлыг дурдаад, коронавирусийн халдварын тахалтаас болоод иргэдийн болон тариалангийн аж ахуйн нэгжүүдийн орлого буурах эрсдэл байгааг анхааруулсан байна.

Ийм учраас тариаланчдыг шатахуун, түүхий эд худалдан авахад нь дэмжлэг үзүүлэхийн чухлыг Оросын ерөнхийлөгч мэдэгдэлдээ дурьджээ.

“Эдийн засгийн бусад салбаруудын нэгэн адил газар тариалангийн салбарт тулгамдаж байгаа бэрхшээлийг шийдэх нь стратеги зорилтын нэг хэсэг. Оросын хөдөө аж ахуйн бүтээгдэхүүний өрсөлдөх чадварыг дээшлүүлэх, эх орны бүтээгдэхүүний эрэлтийг эх орондоо төдийгүй дэлхийн зах зээл дээр өсгөх явдал чухал байна” гэж тэрээр онцолсон байна.

Орос улс энэ жил 77 сая тонн улаан буудай хураан авч 35 сая тонн үр тариа экспортод гаргахаар байна гэж АНУ үүний өмнө урьдчилан таамаглаж байсан. Гэхдээ Оросын өмнөд нутагт ган нүүрлэж ургац алдаж мэднэ гэж эрх баригчид түгшиж буй.

Эх сурвалж: "Ардчилал таймс" сонин