Америкийн  ардчилал, тэгш эрх, боломжийн бэлгэдэл нь Цагаан ордон  юм. Түүнийг  Ирланд хүний зураг төслөөр босгож, олонд танигдах дүр төрхийг нь Британи хүн хийж өгчээ.

1817 он

Төрийн тэргүүний өргөөг босгох даалгаварыг Ирланд уран барилгач Жеймс Хобан шийдэхдээ хамгийн гол нь нарийн тэгш хэмийг барьсан Антикийн горимд хандсан байв. 1792 онд суурийг нь тавсан саарал байшинг зургаан жилийн дараа шохойн, будааны цавуу, казеин болон тугалаг зэргийн хольцоор  будан түүнийг цагаан өнгөтэй болгожээ. 

Англичуудтай хийсэн дайнд Америкчууд тусгаар тогтнолоо хадгалан үлдсэн ч гол өргөөгөө алджээ. Англичууд 1814 онд шатаасан байрнаас зөвхөн хана үлдсэн ба түүнийг нурна гээд буулгасан байв. Тэгээд бүр эхнээс нь сэргээн засварлажээ.

Энэ ажилд нь Британи уран барилгач Бенжамин Генри Латроб (дээд зурагт түүний төсөл) нэгджээ. Арваад жилийн ордон бэлэн болж баганатай хагас дугуй галерейн буянаар өргөө бидний танил дүрд оржээ.

1880 он

XIX зууны дунд гэхэд байшин өөр хоёр галерейгаар нэмэгдэж, усны суваг, төвийн халаалттай болжээ. Зууны сүүлчээр түүнийг цахилгаан сүлжээтэй болсон байна. Баруун жигүүрийг нь өргөтгөн 1909 онд түүнд улс орны болон дэлхийн хувь заяаны асуудлуудыг шийдсэн анхны зууван танхим бий болсон юм.

2015 он

Тэгш эрх ба боломжийн бэлгэдэл болсон Цагаан ордон  хоёр зууны турш олон нийтэд нээлттэй болсон ба түүнийг үзэх гэсэн хүсэлтийг наад зах нь гурван долоо хоногийн өмнө өгсөн байх ёстой. Харин тэргүүний ахуй амьдрал нь харийн нүднээс далд байдаг билээ.

М.ЦОГТ