Хятадын Ухань хотоос анх шинэ төрлийн коронавируст халдьар дэгдэж байсан. Саяхны мэдээгээр зөьхөн Ухань хотод халдварын улмаас нас бар хүний тоо 2579 байсан юм.
Тэгвэл өчигдөр тус хотодкоронавирусийн халдварын улмаас амиа алдсан хүмүүсийн тоогоо 50 хувиар нэмэгдэж 3869 болжээ.
Нас баралтын тоо огцом нэмэгдсэн нь өмнө нь мэдэгдээгүй, эмнэлгээс гадна нас барсан хүмүүсийн тоог нэмсэнтэй холбоотой гэж тус улсын эрх баригчид тайлбарласан байна.
Өнөөдрийн байдлаар дээрх тоог нэмснээр Хятад улсад нас баралтын тоо 4632 болж, 77944 хүн эдгэжээ.
Харин нийт халдварын тохиолдол 83730 бүртгэгдээд байна.
Энэ талаар “Тахлын эхэн үед эмнэлгийн багтаамж хүрэлцээгүй, эмч сувилагч цөөн, эмнэлгүүдийн ихэнх нь төвдөө тоо баримт тогтмол тайлагнадаггүй байсан зэргээс шалтгаалан албан ёсны тоо дутуу бүртгэгдэж байсныг залрууллаа” гэж Ухань хотын эрүүлийг хамгаалах албаны хүн мэдээлжээ.
Хятадын талаас мэдээлж өвчний мэдээллийн талаар нуугаагүй гэж мэдэгдсэн бөгөөд халдварын голомт Ухань хотод 11 сая оршин суугчид олон сарын турш хатуу хөл хорионд байсан хэмээн тайлбарлажээ.
Коронавирусийн өвчлөлийн талаар олон эрдэмтэн, судлаачид дэлхийн аль ч улс оронд нас барсан хүмүүсийн тоо бодит байдлаас зөрүүтэй, зарим нас барсан хүмүүсийг яг коронавирусийн халдвар авснаас болж нас барсан эсэхийг тогтоож чадаагүй олон тохиолдол байгаа гэж үзэж байна.
