Шинэ төрлийн коронавируст халдварын цар тахал оргил үедээ хараахан хүрээгүй байна гэж Дэлхийн эрүүл мэндийн байгууллагаас мэдэгджээ.
ДЭМБ-ын төлөөлөгч Маргарет Харрис “Бид одоо ч гэсэн цар тахлын оргил үеийг ажиглаагүй байна. Европт коронавирусийн халдварын тархалтын өнөөгийн байдал “маш тодорхой бус” байна. Итали, Испанид шинээр өвчлөгсдийн тоо “бага зэрэг” буурах хандлага ажиглагдаж байгаа боловч Турк, Их Британи зэрэг бусад оронд өвчлөл нэмэгдсэн хэвээр байна” гэж мягмар гаригт болсон хэвлэлийн хурлын үеэр хэлжээ.
Коронавируст халдварт өвчний дэгдэлт одоогийн байдлаар дэлхийн 213 оронд бүртгэгдээд байгаа. Халдварыг цар тахлын хэмжээнд хүрснийг ДЭМБ гуравдугаар сарын 11-нд мэдэгдсэн юм. Хамгийн сүүлийн мэдээллээр, дэлхий даяар 2 cая орчим хүн коронавирусийн халдвар авч, 120 мянга орчим хүн нас барж, 1.3 сая хүн энэ өвчний улмаас эмчилгээ хийлгэж байна.
