Өнгөрсөн лхагва гаригт буюу энэ сарын 25-ны өдрийн 20:00 цаг орчимд Сүхбаатар дүүргийн 18-р хорооны нутаг дэвсгэр Цагаан худгийн автобусны буудлын урд замд явган зорчигч Ө-г Тоёота Приус маркийн автомашин мөргөж амь насыг нь хохироожээ.
Уг ослын, хэргийн газрын үзлэгээр "явган зорчигч иргэн Ө нь гарцгүй газраар зам хөндлөн" гарч байжээ.
Мөн Тоёота Приус маркийн тээврийн хэрэгслийн жолооч иргэн Д нь хурд хэтрүүлсэн байж болзошгүй нь тогтоогдсон гэж Сүхбаатар дүүргийн Замын цагдаагийн хэлтсээс мэдээллээ.
Одоогийн байдлаар хэрэг бүртгэлийн ажиллагаа явагдаж байгаа аж.
Өнгөрсөн онд тус дүүрэгт зам тээврийн ослын улмаас 15 хүний амь нас эрсэдсэний 13 нь явган зорчигч байжээ.
Сэрэмжлүүлэг: Иргэд гарцтай газраар зам хөндлөн гарах, жолооч нар хурд хэтрүүлэхгүй байхыг анхааруулж байна.