Баян-Өлгий аймгийн авто замын орох, гарах хөдөлгөөнийг өнгөрсөн шөнө 00:00 цагт нээлээ.
Баян-Өлгий аймаг коронавирусийн халдварын эрсдэлтэй тохиолдол бүртгэгдэж, урьдчилан сэргийлэх зорилгоор сэжигтэй тохиолдлын хариуг гарсны дараа замаа нээхээр болсон. Мөн тус аймаг халдварын эрсдэлтэй бүсэд тооцогдож байгаа.
Гуравдугаар сарын 17-ны байдлаар Баян-Өлгий аймгийн хэмжээнд дөрвөн байранд нийт 192 хүн тусгаарлагдсан бөгөөд гуравдугаар сарын 14-нд Казахстанаас ирсэн 59 иргэнийг гэр гэрт нь тусгаарлан, хяналт тавьж ажиллаж байгааг тус аймгийн Засаг дарга А.Гылымхан мэдээлсэн юм.
Харин өмнө нь бүртгэгдсэн дөрвөн сэжигтэй тохиолдлын шинжилгээний хариу бүгд сөрөг гарчээ.
