АНУ-ын Apple компани шинэ коронавирусийн эсрэг тэмцэхээр олон сая тооны амны хаалтыг өөрийн улс болон Европын улс орнуудад хандивлахаар болсноо зарлалаа.
Энэ талаар Apple-ийн гүйцэтгэх захирал Тим Кук "Бид АНУ болон Европ дахь эмнэлгийн мэргэжилтнүүдэд сая сая амны хаалтыг хандивлахаар боллоо. Бидний эрүүл мэндийг сахин хамгаалахад бүхнээ зориулж буй баатруудад талархаж байна" гэж өөрийн твиттер хуудсаараа мэдэгдсэн байна.
Одоогоор хандивын нийт тоо хэмжээг зарлаагүй байгаа ч АНУ-ын дэд ерөнхийлөгч Майк Пенс Apple компаниас хоёр сая амны хаалт хандиваар хүлээн авч буйгаа мэдэгдсэн байна.
Мөн Amazon болон Facebook компаниуд жижиг бизнесүүдийг дэмжих, мөн хөл хорионы улмаас ажилгүйдэлд өртөөд буй иргэдийг ажилд авна гэдгээ мэдэгдсэн байгаа. Түүнчлэн Элон Маск эмнэлгийн зориулалттай агааржуулагч үйлдвэрлэнэ гэдгээ зарласан бол Жек Ма эмнэлгүүдэд тоног төхөөрөмж хандивлаж эхлээд байгаа юм.
Ийнхүү дэлхийн технологийн компаниуд шинэ коронавирусийн эсрэг тэмцэж байна.