Өчигдөрийн байдлаар Хятадын Ухань хотод коронавирусийн халдвар авсан шинэ тохиолдол нэг бүртгэгдсэн талаар тус улсын Эрүүл мэндийн хорооноос мэдээлэв.
Шинээр халдвар авсан хүн нь Хубэй мужийн Ардын эмнэлгийн эмч бөгөөд түүний хувьд ойрын үед эмнэлэг дээрээ байрлан ажиллаж байсан учраас халдвар тархаагаагүйг онцолжээ.
Сүүлийн зургаан хоногт Ухань хотод бүртгэгдсэн, шинээр халдвар авсан анхны тохиолдол болсон байна.
Мөн сүүлийн дөрвөн хоногийн хугацаанд Хятад улсад коронавирусийн халдвар авсан шинэ тохиолдол бүртгэгдээгүй байсан ч өчигдөр буюу 23-ны өдөр дөрвөн тохиолдол илэрсэн байна. Энэ нь дотооддоо илэрсэн байна.
Өчигдөр Хятадад шинээр халдвар авсан 78 тохиолдол бүртгэгдсэний 74 нь гадны улс орноос ирсэн иргэдээс илэрсэн аж.
