Сирийн нутаг дэвсгэрт үйл ажиллагаа явуулдаг алан хядагч террорист “Хайат Тахрир аш Шам” бүлэглэл Сирид ажиллаж байгаа Оросын сэтгүүлчдийг хөнөөсөн хүнд өндөр шан харамж өгнө гэжээ.
Энэ тухай тус бүлэглэлтэй нягт холбоотой байдаг суртал нэвтрүүлэгч тараасан байна.
Vesti.ru хэвлэлд мэдээлснээр алан хядагчид Оросын цэргийн сурвалжлагч Евгений Поддубный, Олег Блохин нарыг хөнөөвөл 25 мянган ам.доллароор шагнана гэж зарласан гэнэ.
Зарим эх сурвалжын мэдээлснээр бол Евгений Поддубныйн толгойг 50 мянган ам.доллароор үнэлсэн гэж байгаа. Үүний зэрэгцээ Сирийн Идлиб мужид ажиллаж, Туркийн хүчнийхэнтэй хамт эргүүл хийж байгаа Оросын цэргийнхнээс хэн нэгнийг олзолж авчирсан хүнийг 100 мянган ам.доллароор урамшуулна гэж бас мэдээлсэн байна.
Эх сурвалж: "Ардчилал таймс" сонин