Монгол улсын Ерөнхийлөгч Х.Баттулга БНХАУ-д айлчлаад эх орондоо ирсний дараа сайн дураараа 14 хоногийн хугацаагаар тусгаарлагджээ.
БНХАУ-д шинэ төрлийн коронавирусийн халдвар дэгдсэнээс хойш тус улсад айлчилсан анхны төрийн тэргүүн болсон юм. Тэрээр халдварын тархалтын бүс нутгаас ирсэн даруйдаа дагалдан явсан төлөөлөгчдийнхөө хамтаар урьдчилан сэргийлэх тусгаарлалтад оржээ. Айлчлалын бүрэлдхүүнд нийт 11 хүн байсан байна.
Дэлхийн 43 оронд тархаж, 81200 гаруй хүн халдварлаж, 2800 гаруй хүн нас барсны дийлэнх нь Хятад улсад бүртгэгджээ.
Одоогийн байдлаар манай улсад шинэ төрлийн коронавирусийн халдварын тохиолдол бүртгэгдээгүй байна.