Хятад улсад өчигдөр буюу энэ сарын 26-ны оройны байдлаар шинэ коронавирусийн халдварын тохиолдол 2744 бүртгэгдэж, 461 хүний биеийн байдал хүнд байна. Мөн тус халдварын улмаас нас барсан хүний тоо 80 хүрч, 51 хүн бүрэн эдгэрсэн гэж тус улсын Үндэсний эрүүл мэндийн хорооноос өнөөдөр өглөө мэдээллээ.
Түүнчлэн сэжигтэй тохиолдлын тоо 5794 хүрсэн байна.
Мөн коронавирусийн халдвар авсан хүмүүстэй ойр байсан 32799 хүн бүртгэгдсэнээс 30453 хүн эмнэлгийн хяналтад байгаа бол 583 хүнийг гэр лүү нь буцаажээ.
Одоогоор коронавирусийн халдвараар тус улсын засаг захиргааны бүс болох Хонконг 8, Макао 5, Тайваньд 4 илэрсэн бол Тайландад 7, Японд 3, БНСУ-д 3, АНУ-д 3, Вьетнамд 2, Сингапурт 4, Малайзад 3, Балбад 1, Францад 3, Австралид 4 тохиолдол өнгөрсөн ням гаригийн байдлаар тус тус бүртгэгджээ.
