x

Медведевийг огцруулж, Мишустиныг томилсон шалтгаанууд

Ерөнхийлөгч Владимир Путин жил тутмын илгээлтээ Холбооны хуралд танилцуулсан нь улс төрийн дээд хүрээнийхэн болон нийгэмд асар өргөн мэтгэлцээн үүсгэлээ. Энэ бол яахын аргагүй түүхэн явдал мөн. Ерөнхийлөгчийн зүгээс засаглалын эрх мэдлийг шилжүүлэх үйл явцыг гэнэт эхлүүллээ.  Энэ асуудлаар олон улс төр судлаачид, сэтгүүлчид өмнө нь байнга ярьж байсан хэдий ч уг үйл явц хэтийн ирээдүйд болно гэж таамаглаж байсан юм. Гэтэл Путин шилжилтийг нэн даруй эхлүүлэхээр шийдсэн тухай, Медведевийг огцруулж, түүний оронд Мишустиныг томилсон шалтгааны талаар Оросын “pravda.ru” цахим хуудсанд бичсэн нийтлэлийг орчуулан хүргэж байна.

ПУТИН ЕРӨНХИЙЛӨГЧИЙН АЛБАН ТУШААЛАА ОРХИХ БОДОЛТОЙ БАЙГАА ЮУ?

Шинжээчдийн үзэж байгаагаар, Ерөнхийлөгч Путин      

  • Үндсэн хуульд оруулах нэмэлт өөрчлөлтүүд;
  • Засгийн газрын эрх мэдлийг танах;
  • Ерөнхийлөгчийн засаглалын эрх мэдлийг хязгаарлах;
  • Парламентыг бэхжүүлэн хүчжүүлэх;  
  • Төрийн зөвлөлийн эрх хэмжээний тухай заалтуудыг Үндсэн хуульд оруулах талаар ярьсан нь тэрбээр ойрын жилүүдэд Ерөнхийлөгчийн албан тушаалаа орхих бодолтой байгааг харуулж байгаа ажээ.                                                                                                                                                                    Д.Медведев: ГҮЙЦЭТГЭХ ЗАСАГЛАЛЫН ТЭРГҮҮН НЬ ЕРӨНХИЙЛӨГЧ БАЙХ НЬ ЗҮЙТЭЙ

Ерөнхийлөгч илгээлтээ уншиж танилцуулсны дараа Дмитрий Медведевийн тэргүүлсэн засгийн газар бүрэн бүрэлдэхүүнээрээ огцорлоо. Гэхдээ “Коммерсантъ” сонины нийтлэлчдийн тэмдэглэн хэлснээр, Дмитрий Анатольевич Оросын улс төрийн тогтолцоог шинэчлэхээр төлөвлөж байсан ба үүнийгээ Путинд санал болгон танилцуулж байжээ. Уг шинэчлэл нь ерөнхийлөгч нь гүйцэтгэх засаглалын тэргүүнээр ажилладаг АНУ-ын загвараар хийгдэх ёстой байсан тухай “Коммерсантъ”-ад бичсэн байна.

Төрийн тэргүүн илгээлтдээ “супер ерөнхийлөгч”-ийн засаглалаас “ерөнхийлөгч-парламентын бүгд найрамдах улс”-ын тогтолцоонд шилжих нь зүйтэй гэсэн байр сууриа маш тодорхой томьёолсон юм. 

Нэмж хэлэхэд, засгийн газар нь өөрөө шийдвэрээ гаргаад огцорч байгаа гэдгийг Д.Медведев хэдэнтээ мэдэгдсэн. Эл шийдвэр нь засгийн газрын кабинетийг эмхлэн бүрдүүлэх журмын талаарх нэмэлт өөрчлөлтүүдийг Үндсэн хуульд оруулах тухай зарлан мэдэгдсэнтэй холбоотой. Нөгөөтэйгүүр, энэ нөхцөлд зохих шийдвэрүүдийг гаргах боломжийг В.Путинд олгохыг Медведев хүссэн байна.  

ЗАСГИЙН ГАЗРЫГ ТАРААНА ГЭДГИЙГ МЕДВЕДЕВ МЭДЭЖ БАЙСАН

Ерөнхийлөгч нь засгийн газрыг ямар нэгэн тайлбар, шалтгаангүйгээр огцруулах эрхтэй гэсэн Үндсэн хуулийн заалтыг баримтлан засгийн газрыг огцруулж байгаа тухай Путиний зарлиг гарсан. Түүнээс гадна, засгийн газрыг тараах гэж байгаа талаар Медведев өөрөө мэдэж байсныг шинжээчид хэлж байна. Учир нь, 1 дүгээр сарын 15-наас хойших Медведевийн ажлын төлөвлөгөөг огт бөглөөгүй байснаас үндэслэн улс төр судлаачид ийм дүгнэлт хийжээ.  

“ХЭН НЭГНИЙ ТОЛГОЙ ХИЙСЧ ОДНО”

Мэдээлэлд ойрхон эх сурвалжуудын батлан ярьж байгаагаар бол, Ерөнхийлөгчийн 5 дугаар сард гаргасан зарлигуудыг хэрэгжүүлэх талаар яамдууд хангалтгүй ажиллаж байгаад Путин маш сэтгэл дундуур байжээ. Үүний сацуу, шинэ Ерөнхий сайд Михаил Мишустин засгийн газарт эрс өөрчлөлтүүд хийнэ гэж мэдэгдсэн нь зарим сайд нарыг засгийн газрын бүрэлдэхүүнээс гаргах нь зүйтэй гэсэн Путиний заавар-зөвлөмжийг биелүүлэх гэж буй хэрэг хэмээн улс төр судлаачид дүгнэж байна. 

МЕДВЕДЕВИЙГ ОРЛОГЧОО БОЛГОСОН НЬ  

Ингээд Путин Оросын Аюулгүй байдлын зөвлөлийн орлогч даргаар ажиллахыг Медведевт санал болгосон нь өөрийнхөө орлогч болгохоор дуудсан хэрэг юм. Түүнчлэн Медведев эрх баригч намын даргаар хэвээр үлдэх боловч 2024 онд ямар өөрчлөлтүүд гарах вэ гэдэг нь том асуудал мөн...

МИШУСТИНЫГ ЕРӨНХИЙ САЙДААР ТОМИЛСОН ШАЛТГААН

В.Путин яагаад Михаил Мишустины нэрийг ОХУ-ын Ерөнхий сайдын албан тушаалд дэвшүүлсэн бэ? Үүнд 6 үндсэн шалтгаан байгааг Болгарын “Стандарт” сонинд дурдсан байна.

МИШУСТИНЫ ЗАСГИЙН ГАЗРААС ЮУ ХҮЛЭЭЖ БОЛОХ ВЭ?

Ерөнхийлөгч В.Путин Д.Медведевийн халааг авах хүнээр Оросын татварын албаны даргыг нэрлэсэн нь “гэнэтийн санамсаргүй” шийдвэр байсан тухай дээрх сонинд онцлон тэмдэглэсэн байна.

Янз бүрийн хувилбарууд яригдаж байсан. Харин төрийн албанд 20 жил ажилласан өндөр албан тушаалтныг Путин сонгосон нь ямар шалтгаантай вэ? Дашрамд дурдахад, төрд 20 жил ажиллах явцдаа Мишустин “Дойчбанк”-ны харьяа нэгэн хөрөнгө оруулалтын компанид 2 жил удирдах албан тушаал хашсан байна. Мишустиныг Ерөнхий сайдаар томилохоор шийдвэрлэсэн нь дор хаяж 6 шалтгаантай гэдгийг “Стандарт” сонинд дурджээ.  

МИШУСТИНЫГ БАРУУНЫХАН ХҮНДЭТГЭН ҮНЭЛДЭГ

1.Мишустин бол төрийн удирдлагын тогтолцоонд инновацийг нэвтрүүлэх талаар манлайлан ажилладаг хүмүүсийн нэг юм. Тэрбээр татварын албанд автоматжуулалтын чиглэлд шинэчлэл хийж, цахим гарын үсэг, татвар төлөгчийн хувийн дугаар зэргийг нэвтрүүлсэн байна. Мөн татварын байгууллагуудад нэг цонхны үйлчилгээг бий болгожээ.

2.Мишустин бол хатуу гараар удирддаг хүн. Бизнесийн салбарт маш нарийн тодорхой хяналт тогтоосон хүн гэж түүний тухайд ярьдаг. Мишустины үед маш өргөн хүрээтэй татварын шалгалтуудыг явуулж байсан боловч тэрбээр өөрөө ярихдаа “татвар-бизнесийн харилцаанд эв найртай байхыг үргэлж эрхэмлэсээр ирсэн” гэдэг.   

3.Мишустин олон улсын татварын байгууллагуудтай амжилттай хамтран ажиллажээ. Үүний тод жишээ бол Орос улс мөнгө угаах, оффшор бүст мөнгө нуух явдалтай тэмцэх зорилгоор хэрэгжиж буй BEPS олон улсын төсөлд оролцож байгаа явдал юм. Төслийн хүрээнд Орос улс татварын мэдээлэл солилцох системд нэгдсэн ба ингэснээр улс орон бүрийн талаарх шаардлагатай мэдээллийг онлайнаар авах боломжтой болсон байна. Төсөлд оролцож байгааг Путин сайшаажээ. 

4.Шинэ технологи, шинэ программ хангамж ашигласны үр дүнд хурааж буй татварын мөнгөн дүн дээд амжилт тогтоохоор хэмжээнд хүрч байна. 2017 онд хураасан татварын хэмжээ өмнөх онтой харьцуулахад 20 хувиар, 2018 онд 23 хувиар тус тус өссөн ба 2018 онд татварын орлого 21,3 их наяд рубльд хүрсэн нь Орос улсын нэн шинэ түүхэн дэх дээд амжилт юм.  

5. Путинтэй найз нөхдийн харилцаатай бөгөөд 2015 онд тэрбээр “Эх орны өмнө гавьяа байгуулсны төлөө” IV зэргийн одонгоор шагнуулсан байна. Путин, Мишустин нар Хоккейн шөнийн лигт хамт тоглодог ба Мишустин хоккейн ЦСКА багийн хөгжөөн дэмжигч ажээ.  

6.Мишустин бол хангалттай хэмжээний орлоготой хүн. Түүний хувийн амьдралын талаарх мэдээлэл төдийлөн их байдаггүй боловч тэрбээр татварын тайлангаа олон нийтэд ил болгожээ. 2018 онд Мишустин эхнэрийн хамтаар 65 сая рублийн орлого олсон ба эхнэрийнх нь цалин хоёр дахин нэмэгдсэн аж.  

Хамгийн сүүлд ирсэн мэдээллийг үзвэл, Төрийн Дум дахь “Нэгдмэл Орос” намын бүлэг Мишустиныг Ерөнхий сайдаар томилохыг дэмжсэн байна.

Б.Адъяахүү /montsame.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Ерөнхийлөгч Х.Баттулга Говь-Алтай аймагт ажиллаж иргэдийн саналыг сонсов 8 цаг 56 минутын өмнө "Монголчууд өөрсдөө усан цахилгаан станц барьж, ашиглах хэмжээний туршлага хуримтлуулсан" 9 цаг 5 минутын өмнө Говь-Алтай аймгийн 186 ээжид “Эхийн алдар” одон гардуулав 9 цаг 14 минутын өмнө Гэр хорооллын айл өрхөд интернетийн хүртээмжийг нэмэгдүүлнэ 9 цаг 24 минутын өмнө Хуурамч мэдээлэлтэй дагнан тэмцэх нэгж шинээр байгуулжээ 9 цаг 36 минутын өмнө Цэргийн дүйцүүлэх алба хаагчид сургалтад хамрагдаж байна 10 цаг 22 минутын өмнө Т.Мөнхсайхан: Өндөр настны эрүүл мэндийг дэмжих чиглэлд үндэсний хэмжээний бодлого хэрэгжүүлэх шаардлагатай 10 цаг 52 минутын өмнө Сайн дурын нийгмийн даатгалд гар утсаараа хамрагдах заавар 11 цаг 11 минутын өмнө Налайхын замын зорчих хэсгийн өнгө хучилтын ажил эхэллээ 11 цаг 20 минутын өмнө Хүчирхийллийг тэвчдэггүй ХҮН БАЙ 11 цаг 42 минутын өмнө Арваннэгдүгээр сараас бүх эмийн сан хөнгөлөлттэй үнээр эм худалдана 12 цаг 6 минутын өмнө Хууль, тогтоомж зөрчсөн 16 улсын 127 гадаадын иргэнийг Монгол улсаас албадан гаргажээ 12 цаг 52 минутын өмнө Гишүүн асан Г.Солтанаас 7,8 сая төгрөгийг албадан гаргуулж, 3 жилээр хорих ял оноолоо 13 цаг 30 минутын өмнө Гуравдугаар эмнэлэг үйлчилгээний ажилтнуудаа дохионы хэлний цуврал сургалтанд хамруулж байна 13 цаг 48 минутын өмнө ОХУ-д айлчилж буй сайд Н.Энхтайван өнөөдөр ирж, 21 хоног тусгаарлагдана 13 цаг 54 минутын өмнө Согтуугаар тээврийн хэрэгсэл жолоодож ноцтой осол гаргажээ 14 цаг 3 минутын өмнө Намайг гэр хорооллын Бат-Үүл гэдэг! 14 цаг 18 минутын өмнө Ц.Мөнхцэцэг: Цөөн хүүхдийг кембрижийн хөтөлбөрөөр шалгаруулж, өндөр зардлаар сургахыг эсэргүүцэж байгаа 15 цаг 20 минутын өмнө Аравдугаар сард хийх тусгай үүргийн нислэгийн хуваарь 15 цаг 35 минутын өмнө Ц.Элбэгдорж: Хэрвээ би хулгай хийсэн бол коммунизмын орхидсууд намайг наркозгүй хагална 16 цаг 21 минутын өмнө
iИх уншсан
Ж.Баясах: Өмнөд Монголын бичиг соёлын асуудалд АНУ-ын Конгре... Эрх мэдэлд дагалдах нь Автобусны үнийг 200 төгрөг болгочихвол АН-ыг дэмжье Цэвэршилтийн тухай эмч танд юуг хэлээгүй байж болох вэ? Ерөнхийлөгч Х.Баттулга, Ерөнхий сайд У.Хүрэлсүх нар онцгой с... Хайртай хүндээ хайр ерөөх ухаан буюу Долли Партоны “Мөрөөдли... Михаил Афанасьевич Булгаков "Ган хоолой" Монгол улс дампуурлын ирмэгт ирлээ Ц.Элбэгдорж: Олон орны Ерөнхийлөгчийг хааныхаа хөшөөнд мөргү... Ц.Элбэгдорж: Хэрвээ би хулгай хийсэн бол коммунизмын орхидсу... АРДЧИЛАЛ ба ТҮГЖРЭЛ Намайг гэр хорооллын Бат-Үүл гэдэг! Ц.Мөнхцэцэг: Цөөн хүүхдийг кембрижийн хөтөлбөрөөр шалгаруулж... С.Амарсайхан: Хүчирхийлэл үйлдэж буй этгээдүүдийн эцэг э... П.Цэвэгмид: Монгол улс Венийн конвенцээс гарвал наад зах нь ... Сайд аа! МУИС-ийн элсэлтийн авлига цахим хэлбэрт шилжив үү? ЗГ-ын тайлбар: Б.Сүндэръяад хэзээ ч ажлын санал тавьж байгаа... "Иргэдийн хуралд эрх мэдэлтнүүдийн ГАР ХӨЛ биш ИРГЭДИЙН ТӨЛӨ... Талийгаач охиныг эмээ, өвөө дээрээ Архангай аймагт байхад нь... 40 сая төгрөгийн шагналтай НӨАТ-ын урамшууллын тохирол ням г...
Top