УИХ-ын гишүүн Ц.Мөнх-Оргил өнөөдөр Эдийн засгийн байнгын хорооны хуралдааны үеэр нэгэн ноцтой мэдэгдэл хийлээ. Арванхоёрдугаар сард буюу ҮАБЗ-ийн шийдвэртэй зэрэгцэн 10 саяас дээш төгрөгийн нэмэлт зээл авсан олон хүмүүс байна. Гаргасан зээлийн хэмжээ 100 гаруй тэрбум төгрөг давсан... гэв.
Мөн энэ асуудал ҮАБЗ-ийн гишүүдтэй холбоотой эсэхийг асуухад Хөдөлмөр нийгмийн хамгааллын сайд С.Чинзориг "ҮАБЗ-өөс зөвлөмж гаргах сургаар, мэдээлэлд ойр байдлаа ашиглан зээл авсан эсэхийг шалгахад хэцүү. Асуудлыг албан ёсоор арванхоёрдугаар сарын 30-ны өдөр Засгийн газрын нууц хуралдаанаар хэлэлцсэн. Монголбанкны ерөнхийлөгчтэй тэтгэвэр барьцаалсан зээлийг зогсоох талаар ярьсан. Тэтгэврийн зээлийг тэглэх асуудлыг төсвийн харилцаанаас тусад нь зохицуулах зарчим баримталсан" гэв.
Хэрвээ Ц.Мөнх-Оргил гишүүний хийсэн мэдэглэл үнэн бол тэтгэврийн зээлийг тэглэх асуудал Ерөнхийлөгчийг мэдэгдэл хийхээс бүр өмнө улс төрийн хүрээнд буюу тарсан байх нь. Нэгдүгээрт энэ бол сөрөгч хүчний зүгээс биш, эрх барьж байгаа намын гишүүд дотроосоо хийсэн мэдэгдэл. Хоёрдугаарт салбарын сайд нь өөрөө энэ мэдээллийг үгүйсгэж чадсангүй. Тэгэхээр энэ бүхэн юуг илэрхийлээд байна вэ?
