x

Г.Батхүү агсны үхэл гэнэтийн учрал байсан уу, гэмт хэрэг болсон уу?

УИХ-ын дэд дарга асан, АН-ын дэд дарга Г.Батхүү Төрийн ордонд гэнэтийн, золгүй байдлаар амиа алдсанаас хойш хоёр сар гаруйн хугацаа өнгөрлөө. Түүнийг өнгөрөгч тавдугаар сарын 17-ны оройн 19.20 цагийн орчимд Төрийн ордны нэгдүгээр давхарт (дээрээс унасан байдалтай) нас барсан байхыг нь олсон билээ.

Талийгаачийг хамгийн түрүүнд олсон гэх УИХ-ын гишүүн О.Баасанхүү хэрэг гарсны маргааш “УИХ-ын чуулган 18.00 цагт тарсны дараа хүмүүстэй уулзчихаад өрөөнөөсөө гартал хүн газар хэвтэж байсан. Төрийн ордон тусгай хамгаалалттай газар учраас харьяаллын дагуу эхлээд ТЕГ-т мэдэгдсэн. Дараа эмнэлгийн 103 ирж, нас барсан гэдгийг нь баталсны дараа нөхцөл байдлыг баримтжуулсан фото зураг авч цагдаагийн байгууллагад өгсөн. Шууд хараад Г.Батхүү агсныг байна гэж таниагүй. Талийгаачийн толгойны орчим нэлэнхийдээ цус болсон, хамар, амнаас нь цус гарсан байсан” хэмээн ярьсан.

Үүний дараа ЦЕГ-аас мэдэгдэл гаргасан. Мэдэгдэлд,

"2019 оны тавдугаар сарын 17-ны өдрийн 19:57 минутад цагдаагийн байгууллагад "Төрийн ордны нэгдүгээр давхрын баруун жигүүрт хүн нас барсан байна" гэсэн дуудлага ирсний дагуу Нийслэлийн цагдаагийн газраас жижүүрийн шуурхай бүрэлдэхүүн хэргийн газарт шуурхай очиж хэргийн газрын үзлэгийг явуулсан. Нийслэлийн цагдаагийн газрын Мөрдөн шалгах газарт прокурорын байгууллагын хяналтын дор хэргийн шалгалтын ажиллагаа явагдаж байгаа. Нийгмийн сүлжээгээр энэ хэрэгтэй холбоотой буруу ташаа мэдээлэл гарч, олон нийтийг төөрөгдүүлж байна. Цагдаагийн байгууллага хэргийг шалгаж байгаа учраас хэрэгтэй холбоотой худал ташаа мэдээлэл тарааж, олон нийтийг төөрөгдүүлөхгүй, талийгаачийн ар гэрийнхнийг нь хүндэтгэхийг хүсч байна" гэсэн билээ.

Мөн АН-аас талийгаачийн үхлийн шалтгааныг гаднын нөлөөтэй гэж үзэж буйгаа мэдэгдэж, хэргийг шалгаж буй цагдаагийн байгууллагын үйл ажиллагаанд итгэлгүй байгаа тул Олон улсын парламентын холбоонд хандан тусламж хүсэх болсноо мэдээлсэн.  

Эл явдлаас хойш хоёр сар гаруйн хугацаа өнгөрчээ. Гэсэн ч цагдаагийн байгууллага хэргийг мухарлаж, өмнө тархсан “буруу ташаа” (өөрсдийнх нь хэлснээр) мэдээллийг залруулсангүй.

Хэрэг явдал болсноос хойш 11 хоногийн дараа буюу тавдугаар сарын 28-нд Шүүхийн шинжилгээний үндэсний төв шинжээчийн дүгнэлт гаргаж, урьдчилсан байдлаар талийгаачийг “өвчний улмаас нас бараагүй, өндрөөс унаснаас үүдсэн гэмтлийн улмаас нас барсан” гэсэн байдаг. Өөрөөр хэлбэл цус харвах, зүрхний шигдээс болох гэх мэт эрүүл мэндээс шалтгаалсан гэнэтийн, зуурдын зүйл тохиогоогүй гэсэн үг.

Тэгэхээр нэг бол талийгаачийг хоёрдугаар давхрын гонхноос хэн нэг нь түлхсэн, эсвэл өөрөө үсэрсэн гэсэн үг. Учир нь Засгийн газрын хуралдааны танхимын үүдтэй залгадаг хоёрдугаар гонхноос хүн гэнэ сэргүй хальтраад, эсвэл хөл алдаад өөрөө уначих боломжгүй л дээ. Метр шахуу өндөртэй чулуун хашлагыг давуулж шидэх, эсвэл өөрөө авирч гарах хэрэгтэй болно.

Харин Хууль зүй, дотоод хэргийн сайд Ц.Нямдорж хамгийн сүүлд сэтгүүлчдэд хийсэн мэдээлэлдээ “Талийгаачийн үхэлд гаднын нөлөө байхгүй. Цагдаагийн байгууллага ажлаа хийгээд дууссан. Удахгүй хэргээ боогоод нийтэд мэдээлэх байх. Би хэргийн материалтай танилцах эрхгүй учраас үүнээс илүүг хэлэх боломжгүй. Харин та нар талийгаачийн ар гэрийнхнийг бодоод янз бүрийн батлагдаагүй мэдээлэл битгий цацаад бай. Хүний зовлонгоор улс төр битгий хийгээд бай” гэх мэтээр зандраад өнгөрсөн билээ. Үүнээс хойш дахиад сар гарны хугацаа өнгөрчихлөө. Харин “өнөө маргаашгүй нийтэд мэдээлнэ” гэсэн цагдаагийн байгууллага хэргийн шалгалтын үр дүнг мэдээлсэнгүй.

Уг нь бол хоёр сар гаруй шалгасных гэнэтийн учрал тохиолоор амиа алдав уу, гэмт хэргийн золиос болов уу? гэдгийг ялгаж салгаад, нэг мөр хэлчих хэрэгтэй юм. Гэмт хэргийн шинжтэй байгаад хэрэгтнийг илрүүлж чадаагүй байгаа бол тэрийгээ ч гэсэн хэлэх хэрэгтэй л дээ. Түүнээс биш дээрээс ямар “бошго” үзүүлэхийг хүлээгээд тэнгэр хараад суугаад байж болохгүй л дээ, цагдаагийн байгууллага. Ядаж л Хууль зүйн сайд нэг удаа ам нээснийх хэлсэн үгээ гүйцээх хэрэгтэй шүү дээ. Өөрт нь хамааралгүй юм бүхэнд оролцох мөртлөө өөрөөс нь шалтгаалах юухан хээхэнд ч хуруу хүргэдэггүй нэг сүрхий "цагаан гартай" нөхөр байна.

Одоо бүр гэмт хэрэгтэй тэмцэх, илрүүлэх ажил нь Хууль зүйн сайдын биш, Хэрэг эрхлэх газрын даргын, УИХ-ын гишүүдийн ажил болсон. Эрдэнэтийн 49 хувийн “хулгайг” Л.Оюун-Эрдэнэ, С.Зориг агсны хэргийг Ж.Батзандан “байцаах” жишээтэй. Хууль зүйн сайд л ганцаараа хийх ажил алга. Явж явж улсын наадамд түрүүлсэн бөхөд цол олгох нь салбарын сайдын чиг үүрэг юм биш үү? Цагдаагийн байгууллага ажлаа хэрхэн хийх нь харин Ц.Нямдорж сайдад падлийгүй юм байна.

Б.СЭМҮҮН   

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • Баатар (202.9.42.197)
    Нямдорж мэтийн тархи толгой дотор сэтгэхүйн ѳмхийрчихсѳн зѳвхѳн ѳѳрийн үр хүүхэд хамаатан садан хамсаатнуудтайгаа нийлж тѳрд ѳндѳр алба хашиж амьдрах бодол сэтгэлтэй эд хѳрѳнгѳ болон хүн шахаж хаана хямдаар хусаж болох юу байна түүнийг ашиглаж явдаг хүн чононууд шудрага царай гаргаж монголын тѳрд бугшичихаад буг болоод суугаад байгаа учраас л ард түмэн улс орон ядуу дорой байна шүү дээ энэ хүнийг магтаад байдаг мал шиг сэтгэхүйтэй нѳхдүүд сохроор хѳѳрцѳглѳн давхиж ѳмѳѳрхѳѳ больцгоо хулгайчийг хулгайч нар л ѳмѳѳрѳх байх
    2019 оны 08 сарын 02 | Хариулах
  • зочин (202.21.107.13)
    Нямдорж хууль зүйн сайд гэхээсээ илүү сөрөг хүчнийхээ нэр.төрийг яаж унгаж намдаа кок авах талаар толгойгоо гашилгаж байгаа байх тэгээд ч сөрөг хүчний намын дэд даргын үхэл Түй ч хамаагүй байх оо
    2019 оны 07 сарын 23 | Хариулах
  • ГОК (66.181.184.222)
    ИСМЭЛ НЯМДОРЖ С.ЗОРИГИЙН АЛЛАГЫН ЗАХИАЛАГЧДЫН ХАМЖИГЧ !!! ТЭРЭЭР ЛУ.БОЛД , БАТЗАНДАН НАРЫН ӨЧҮҮХЭН ЭРХ АШИГ , ХУВИЙН ӨС ХОНЗОН ДЭЭР ТОГЛОЛТ ХИЙН ТОМ ХЭРГИЙН ЗАХИАЛАГЧДЫГ ИЛРЭХ АЖЛЫГ ЗАМХРУУЛАХАД АШИГЛАЖ БАЙНА !!!
    2019 оны 07 сарын 23 | Хариулах
  • Zochin (206.75.50.138)
    Yag unen.Bid hunii tuluu amidardaggui.Uuriinhee tuluu l amidardag.
    2019 оны 07 сарын 23 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 6 мин Шөнийн автобус 22:00-02:00 цагийн хооронд үйлчилж байна 2 цаг 12 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 17 мин Засгийн газар: Төрийн өмчит компанийн тоог 85 болгон цөөлнө 3 цаг 1 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 14 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 31 мин Мэдээж “Ар нь түүз!” 9 цаг 43 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 0 мин Улаанбаатарт өдөртөө 8 хэм хүйтэн 10 цаг 8 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 11 мин Д.Трамп Хятадад Ким Жөн Унтай уулзаж магадгүй гэв 10 цаг 16 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 21 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 27 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top