x

Хөгжлийн бэрхшээлтэй улсаар тоглох муухай!

Монгол улсын эдийн засгаас Орос улсын эдийн засаг 100 орчим дахин, Хятадын эдийн засаг 1000 дахин том. Оросын хүн ам Монголынхоос 48 дахин их, гэхдээ нэг хүнд ноогдох ДНБ нь гурав дахин их. Хятадын хүн ам Монголынхоос 500 орчим дахин их, гэхдээ нэг хүнд ноогдох ДНБ нь 1,5 дахин их аж.

Нэг үгээр хэлбэл манай эдийн засгийн хүч чадлыг хоёр хөршийн эдийн засгийн хүч чадалтай харьцуулах ч аргагүй, хажууд нь дэндүү бичил. Хэрэв зээ газар доорх баялгийг нь тооцох юм бол бүр ч жиших аргагүй. Хэдийгээр Монголтой харьцуулахад хоёр хөрш ийм хүчирхэг эдийн засагтай боловч барууны хөрөнгө оруулагчдын араас хөл алдан гүйсээр. Татваргүй бүс нутаг гаргаж өгнө, болдог бол халдашгүй байдлыг нь онцгойлон үзчих санаатай. 

Жишээ нь, гурав хоногийн өмнө л гэхэд Оросын сангийн сайд асан, улсдаа нөлөө бүхий эдийн засгийн бодлоготон Алексей Кудрин, Америкийн хөрөнгө оруулагч Майкл Калвиг Оросын шүүхийн шийдвэрээр гэрийн хорионд оруулсан явдлыг хөрөнгө оруулагчдыг үргээсэн "эдийн засгийн шок боллоо" хэмээн адгав. Оросын ерөнхийлөгч Путин эл хэрэг явдалд хувийн зүгээс онцгой анхаарах болно гэдгээ хөрөнгө оруулагчдад амлаж байна. Орос орон Америк, Европтой түнжин хагаран муудалцан бараг л дайтахдаа тулсан хэдий ч хөрөнгө оруулагчдыг нь бол зүгээр л "зулгуйдаж" байна шүү дээ! Орос ингэх нь аргагүй. Барууны хөрөнгө оруулагчдад "зулгуйдан" эдийн засгийн сүпер гүрэн болохын үлгэр жишээг Хятад тэдэнд харуулсан. 

Хятад, Дэн Сяопины үеэс л барууны хөрөнгө оруулалтын тусламжтайгаар Америкийг өөрийг нь хөгжлөөрөө гүйцэж түрүүлэх алсын хараатай, нээлттэй хаалганы бодлого явуулна гэдгээ шууд зарласан. Одоо ч тэр зорилгоо хэрэгжүүлсээр буй. Өөрийнх нь хүчийг ашиглан өөрийг нь гүйцэж түрүүлнэ гэдгээ ийм ил тод шударгаар зарласан бодлого түүхэнд байгаагүй биз ээ. 

Хятад уг бодлогоо гайхалтай тууштай, хүлээцтэй, тэвчээртэй явуулсныг яана гээч. 1999 оны 5-р сарын 7-нд НАТО-гийн бөмбөгдөгч онгоц Белград дахь Элчин сайдын яамыг нь андууран бөмбөгдөн сүйтгэхэд хүртэл хятадууд сулхан эсэргүүцэх төдийгөөр тус хэрэг явдлыг тэвчин өнгөрөөж билээ! 

Өдгөө Хятад тэвчээртэй байсныхаа "шан"-г хүртэж байх шиг байна. Дэлхийн хоёр дахь том эдийн засаг боллоо. Америк Хятадад хамгийн их өртэй улс боллоо. Америк гэлтгүй дэлхийн эдийн засгийн байдал Хятадаас хамаардаг боллоо. Өнөөдөр Хятад ямар ч ааш авир гаргасан лав эдийн засгийн хориг зэрэг арга хэмжээг барууныхан авч зүрхлэхгүй. Хятадад эдийн засгийн хориг тавьбал Европ, Америкийн эдийн засаг унах эрсдэлтэй. Барууны эдийн засаг Хятадын эдийн засгийн "барьцаанд" орсон нь энэ аж. Гэтэл Оросын эдийн засагт хориг тавилаа гээд барууны эдийн засагт ноцтой нөлөө үзүүлэхгүй билээ. 

Хятад гадаадын хөрөнгө оруулалтыг татан хөгжиж чадсан бодлого оросуудад том хичээл, сургамж болсон нь эргэлзээгүй. Тэгээд Орос барууны хөрөнгө оруулагчдыг татаж "эрхлүүлэх" янз бүрийн оролдлогуудыг одоо ч хийсээр байна. Эдгээр оролдлогууд Хятад Америкийн хоорондын худалдааны дайнаас болоод удахгүй өгөөжөө өгөх байх. Барууны хөрөнгө оруулалт Орос руу зугуухан цутгаж мэднэ. 

Үүнийг гадарласан Си Зиньпин саяхан Санкт-Петербургийн хөрөнгө оруулагчдын чуулга уулзалтад оролцон Путинд панда баавгай бэлэглэн найр тавьж, Хятадын хөрөнгө оруулалтын орон зайг хамгаалах чиглэлээр урьдчилан сэргийлэх алхмыг хийх шиг боллоо. 

Хятад улс өнөөдөр гадагшаа хөрөнгө оруулах, зээл өгөх чадалтай том эдийн засагтай болсон. Гэхдээ л барууны хөрөнгө оруулагчдыг урин дуудсан хэвээр байгаа. Нэн ялангуяа Илон Маск мэтийн өндөр технологийн салбарын хөрөнгө оруулагчдыг оруулан "эрхлүүлэх" тусгай бүсүүдийг байгуулсаар, хөрөнгө оруулагчдад төрөл бүрийн хөнгөлөлтүүдийг амласаар байгаа аж. Тэр битгий хэл, нээлттэй эдийн засаг, чөлөөт худалдааг хамгаалагч гүрэн болчихсон Хятад,Трампын протекционизмыг зад эсэргүүцэж байна шүү дээ. 

Ийнхүү хоёр хөрш маань, дахин цохон дурьдахад, маньтай зүйрлэхийн эцэсгүй хүчирхэг эдийн засагтай хэрнээ барууны хөрөнгө оруулалтын "хойноос гүйсээр" байна. Гэтэл Монголын төр найгүй мунхгаа гайхуулан хөрөнгө оруулагчдыг хөөж туун, 1930 оны барууны капиталыг шахан зайлуулах хийтэй ажлаа сэргээн хөөрцөглөж, "их үргээлэг" хийж сууна даа. 

Их үргээлгийн ард хоёр хөрш байгаа гэсэн мэдээлэл тархаж байна! Магадгүй, хий хардлага ч байж болзошгүй. Мөнөөх гадаадын капиталыг шахан зайлуулах 30-аад оны кампанит ажлын ард Зөвлөлтийн коммунистууд зогсож байсан түүхтэй болохоор ийм хардлага төрсөн биз. Эсхүл хэдхэн жилийн өмнө "Хаан резорс" хэмээх Канадын компанийг Монголоос хууль бусаар хөөж гаргуулах ажлыг Монголын Ерөнхий сайдаар өөрөөр нь хийлгүүлээд, үүний улмаас үүссэн нөхөн төлбөрийг бараг долоо дахин нугалж монголчуудад үүрүүлсэн хошин шог гэмээр хэрэг явдлын ард Оросын этгээдүүд байсныг мэдэх болохоор тэгсэн биз. 

Хэрэв зээ энэ хардлага үндэстэй байх ахул, харин манай хоёр хөршийн хувьд их л дорд орсон хэрэг болно. Завсар нь хавчуулагдсан "нэг муу" жижиг улсаар хавсайдаж тоглоно гэдэг хоёр сүпер гүрнүүдийн хувьд яавч нэр төргүй хэрэг мөн. Тэр тусмаа, политик устсан төрөөсөө болоод "хөгжлийн бэрхшээлтэй" болчихсон буурай, жижиг Монгол улсаар тоглох бүр муухай! 

Монгол хөгжлийн бэрхшээлтэй байхын зовлонг мэднэ. Ийм үед амин хувийн эрх ашгийнхаа төлөө улсаа ч алахаас сийхгүй адгийн улстөрчдөөр төр дүүрсэн байдаг. Тэдгээр улстөрчдийг, урд хөрш маань худалдаж аваад өөрийнхөө төлөө зүтгүүлж байсан, хойд хөрш маань айлгаж байгаад өөрийнхөө төлөө зүтгүүлж байсан түүх бий. 

Тэр түүхийн ул мөр арилж дуусаагүй байтал өдгөө муу улстөрчдийн үе эргээд иржээ. Одоо манай төрөөр дүүрэн айсандаа Оросын гар хөл болох, шунагтаа Хятадын гар хөл болох улстөрчид байна. Монголчуудын хэрсүү хэсэг нь үүнийг гадарласан. Тэгээд, хөгжье гэж байгаа улс бүр хөрөнгө оруулагчдыг урьж байгаа энэ үед улсаа сүйдлэхээр санаатай тэнэгтэж, их үргээлэг хийж буй Загджав мэтийн "бандитууд"-ыг хараад, арай түүхийн хэрэг явдал давтагдаж байгаа юм биш биз хэмээн хардаж байна! 

Хоёр хөрш маань хөгжлийн бэрхшээлтэй болчихсон манай улсаар тоглохгүй зөнд орхивол өөрсдөд нь магадгүй хэрэгтэй. Юу гэвэл дунд нь хавчуулагдсан буурай Монгол хөгжин цэцэглэвэл манай хоёр хөршийн сайн санааны алдар цуу дэлхийн улс орнуудад түгэж, итгэл найдварыг нь олох буй заа!

Э.Бат-Үүл

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • т (49.0.212.105)
    Түс тас үнэн байдлыг хэлжээ. Монголын өнөөдрийн байдал ийм л байна. Хийрхэлд автсан массын толгой эрэгчихсэн..Нухцтай байдлыг бодогсод цөөнх болчихсон. Эмэгнэлтэй байдал давтагдах бий.
    2019 оны 06 сарын 13 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 14 мин Шөнийн автобус 22:00-02:00 цагийн хооронд үйлчилж байна 2 цаг 20 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 24 мин Засгийн газар: Төрийн өмчит компанийн тоог 85 болгон цөөлнө 3 цаг 9 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 22 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 39 мин Мэдээж “Ар нь түүз!” 9 цаг 50 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 8 мин Улаанбаатарт өдөртөө 8 хэм хүйтэн 10 цаг 16 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 19 мин Д.Трамп Хятадад Ким Жөн Унтай уулзаж магадгүй гэв 10 цаг 24 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 29 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 34 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top