x

"Эрдэнэт" үйлдвэр "ТОП 100" ААН-ийг 17 дахь удаагаа тэргүүллээ

Өнгөрөгч баасан гаригт Засгийн газар, МҮХАҮТ-аас хамтран Монгол Улсын 2018 оны “ТОП 100” аж ахуйн нэгжийг нэрлэлээ. Энэ ёслолын үеэр Ерөнхий сайд У.Хүрэлсүх “өнгөрөгч онд Монгол Улсын ДНБ-ий өсөлт 8,6 хувьд хүрч, сүүлийн таван жилийн хамгийн дээд түвшинд” хүрснийг зарлав.

Топ 100 ААН-ийн борлуулалтын орлого өмнөх оноос таван их наядаар өсч, 30 их наяд хүрсэн нь ДНБ-ий 96 хувийг эзэлжээ. Дээрх 100 компанийн төлсөн татварын хэмжээ өмнөх жилээс 29 хувиар өсч, 4.1 их наяд төгрөгт хүрсэн нь манай улсын татварын нийт орлогын 50 хувьтай тэнцсэн байна. Түүний дотор уул уурхай, түүнийг дагасан бүтээн байгуулалт, ханган нийлүүлэгчдийн үйл ажиллагаа өссөн дүнтэй гарчээ.

Ер нь топ 100-г эрэмбэлэхдээ Сангийн яам, татвар, гааль, нийгмийн даатгалын болон статистикийн байгууллага, Санхүүгийн зохицуулах хорооноос гаргасан статистик мэдээлэлд үндэслэн, ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн таван үндсэн үзүүлэлтээр гаргадаг. “Эрдэнэт” үйлдвэр 17 дахь удаагаа жагсаалтыг тэргүүллээ. Жагсаалтын эхний аравт,

Эрдэнэт үйлдвэр ТӨҮГ,

Эрдэнэс Тавантолгой ХК,

Оюутолгой ХХК,

Хаан банк,

Энержи ресурс ХХК

Монголын алт (МАК) ХХК

НИК ХХК

Худалдаа хөгжлийн банк,

Голомт банк,

Улаанбаатар төмөр зам ХНН багтсан байна.

Ёслолын үеэр МҮХАҮТ-ын Ерөнхийлөгч О.Амартүвшин “Жил жилийн эрэмбэд жагсдаг топ 100 компани бол улсын татварын орлогын дийлэнхийг нуруундаа үүрдэг, Монголын эдийн засгийн гол хөдөлгөгч хүч юм. Төр, засгаас эдийн засгийн хөгжлөө хурдасгая, төр хувийн хэвшлийн түншлэлийг жинхэнэ утгаар нь хэрэгжүүлье гэвэл топ компаниудаа дэмжихээс өөр аргагүй. Том компаниуд нь эргээд жижиг, дунд үйлдвэрлэлээ дэмжээд, зах зээлээ хөгжүүлэх нь чухал. ТОП ААН-үүд нь татварынхаа суурийг бүрдүүлдэг бол жижиг дунд үйлдвэрлэгчид ажлын байраа хадгалж, нэмэгдүүлэх ёстой” гэсэн юм.

Сонирхуулахад, “Эрдэнэт” үйлдвэр 2017 онд 34.5 сая тонн, 2018 онд 36.6 сая тонн хүдэр олборлож, 2017 онд 31.4 сая тонн, 2018 онд 31.5 сая тонн хүдэр боловсруулжээ. Зэсийн металл авалт 2016 онд 87.5 хувь байсан бол 2017 онд 89.2 хувь, 2018 онд 89.5  хувьд  хүрч, үйлдвэрлэлийн 40 жилийн түүхэнд түүхэн дээд амжилт тогтоосон байна. “Эрдэнэт үйлдвэр” ХК 2017 онд 580 тэрбум, 2018 онд 655 тэрбум төгрөгийг улс болон орон  нутгийн төсөвт төвлөрүүлсэн байна.

Хувьцаа эзэмшигчид 2017-2018 онд үйлдвэрт 151,1 сая ам долларын хөрөнгө оруулалт хийж, үйлдвэрлэлийн үндсэн цех дамжлагуудын техник, тоног төхөөрөмжийн найдвартай ажиллагааг 10-20 хувиар дээшлүүлжээ. Геологи хайгуулын өрөмдлөгийн ажлын хэмжээг 2017 онд хоёр дахин, 2018 онд 3,2 дахин нэмэгдүүлснээр үйлдвэрийн насжилтыг наанадаж 60 жилээр уртасгаж, бүтээгдэхүүний нэг төгрөгт ногдох зардлыг 2016 онд 78,4 мөнгө, 2017 онд  66,4 мөнгө 2018 онд 65,5 мөнгөөр бууруулжээ.

Гэхдээ энэ бол тус үйлдвэр төр, хувийн хэвшлийн хамтарсан хувьцаат компани байх үед хүрсэн амжилт. Харин одоо бол үйлдвэрийн 49 хувийг “Монголын зэс” компаниас төрийн өмчид шилжүүлэн авч, 100 хувь төрийн өмчит үйлдвэрийн газар болоод байгаа. Тиймээс төр өөрийн өмчийг хэрхэн зөв удирдан залах вэ, “төр хамгийн муу менежер” гэгддэг, эсвэл төрийн өмч гэхээр эзэнгүй юм шиг үздэг байсан өмнөх үе рүүгээ буцах уу, үгүй юу? гэдгийг ирэх жилийн энэ өдөр харах боломжтой.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 42 мин Шөнийн автобус 22:00-02:00 цагийн хооронд үйлчилж байна 1 цаг 48 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 52 мин Засгийн газар: Төрийн өмчит компанийн тоог 85 болгон цөөлнө 2 цаг 37 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 50 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 7 мин Мэдээж “Ар нь түүз!” 9 цаг 18 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 36 мин Улаанбаатарт өдөртөө 8 хэм хүйтэн 9 цаг 43 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 47 мин Д.Трамп Хятадад Ким Жөн Унтай уулзаж магадгүй гэв 9 цаг 52 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 57 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 2 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top