x

Д.Энхбатыг эрүүдэн шүүсэн хэргийг ч бас хамтад нь шалгуулья, Ц.Нямдорж сайд аа!

УИХ өнгөрөгч баасан гаригт хуралдсан УИХ-ын нэгдсэн чуулганаас С.Зориг агсны хэргийг мөрдөн шалгасан явдлыг “мөрдөн шалгах” түр хороо байгуулах тухай УИХ-ын тогтоолын төслийг дэмжжээ. Тогтоолыг төсөл батлагдвал УИХ-ын 75 гишүүн шүүхийн архивт орсон 14 мянга гаруй (14926) хуудас хавтаст хэрэг болон нууцын зэрэглэлтэй 74 хуудас материалтай танилцах юм байна.

Тогтоолын төслийг санаачлагчдын нэг УИХ-ын гишүүн Л.Болд нэгдсэн чуулганд танилцуулахдаа “2018 оны гуравдугаар сард ОУПХ-ны удирдах зөвлөлөөс Монголын парламентад ирүүлсэн албан бичигт дурьдсанаар, С.Зориг агсны хэргийг шүүн тасалсан ажиллагаа нь шударга шүүхийн зарчимд нийцэхгүй, хууль ёсны болон итгэл төрүүлэхүйц болсон гэж үзэхгүй байна” гэв. Тиймээс уг хэргийг шударга шүүхээр шийдвэрлэсэн гэдгийг баталгаажуулах үүднээс УИХ дэргэдээ парламентын хянан шалгах чиг үүргийг хэрэгжүүлэх шинэ хороо байгуулахыг ОУПХ-ноос уриалсны дагуу тогтоолын төслийг санаачилсан гэв.

Бидний мэдэж байгаачлэн эл үйл явдал өнгөрөгч гуравдугаар сарын 20-нд Хууль зүйн сайд асан Ц.Нямдоржийн хийсэн мэдээлэл, УИХ-ын гишүүд болон сэтгүүлчдэд үзүүлсэн “эрүүдэн шүүсэн” гэх бичлэгээс үүдэлтэй.

Сануулахад, өмнө нь С.Зориг агсны аллагын хэрэгт буруутгагдаж, Францаас хулгайлагдаж ирсэн Дамирангийн Энхбатыг хүн амины хэрэг нь нотлогдохгүй болохоор “улсын нууц задруулсан” хэргээр яллаж, уг хэргээр жил гаруй хоригдоод суллагдсаныхаа дараа, ердөө долоо хоногийн дараа эрүүл мэндийн шалтгаанаар нас барсан байдаг. Уг хүн төрийн нууцтай холбоотой ямар нэг ажил, албан тушаал эрхэлж байгаагүй тул түүнд тохсон хэргийн учир одоо ч “нууц” хэвээр үлдсэн.

Харин түүний өмгөөлөгч нь хорих ангид нэвтэрч, үйлчлүүлэгчийг нь хулгайлсан, эрүүдэн шүүсэн тухай ярилцлага, бичлэгийг олон нийтэд цацсаныхаа төлөө мөн л “төрийн нууц задруулсан” хэргээр яллагдаж байв. Энэ үед Ц.Нямдорж сайд Хууль зүй, дотоод хэргийн сайдаар ажиллаж байлаа. Ер нь бол тав дахь удаагаа энэ салбарыг толгойлж байгаа хүн л дээ.

Тэгэхээр хэрвээ тэр үеийн хууль, шүүхийн байгууллагын үзэмжээр харвал Б.Содномдаржаа, Т.Чимгээ нарын бичлэгийг задалсныхаа төлөө одоогийн Хууль зүй, дотоод хэргийн сайдтан өөрөө “төрийн нууцын” хэргээр явчих магадлалтай байж. Гэвч өнөөдөр цаг үе өөр болсон. Т.Чимгээ, Б.Содномдаржаа нарыг “эрүүдэн шүүсэн” гэх асуудлыг АТГ-аас эрүүгийн хэрэг үүсгэн шалгаж, уг хэргийг үйлдсэн тагнуулын хоёр ажилтанг яллагдагчаар татаад байгаа.

Түүнээс гадна уг хэрэгт хяналт тавьсан УЕП-ын орлогч асан Г.Эрдэнбатын хэлснээр Т.Чимгээ, Б.Содномдаржаа нар нь хэргээ хүлээгээгүй, өөрөөр хэлбэл тэдний өгсөн мэдүүлэгт тулгуурлаж яллах ажиллагааг явуулаагүй, харин мөрдөн шалгах ажиллагааны явцад олдсон бусад нотлох баримтуудад тулгуурлаж ял оноосон гэж мэдээлсэн. Мөн энэ хэргийн материалыг хоёр ч удаа нууцаас гаргасан (эхний удаа Ерөнхийлөгчийн зарлигаар, хоёр дахь удаагаа Засгийн газрын тогтоолоор) тул хүссэн хүн бүр хүсэлт гаргаад эрүүгийн хэргийн архиваас үзэх боломжтой болсон.

Товчхондоо, энэ хэрэг Монголын хууль, шүүхийн байгууллагын түүхэнд том сорилт болж байна. Харин нөгөө талаас гадаад талдаа бол маш том “хар пиар” боллоо. Хууль зүй, дотоод хэргийн сайдын зүгээс хоёр жил шахуу явуулсан “хилсээр яллалаа, хэрэг зохиолоо” гэдэг сурталчилганы үр дүнд ОУПХ Монголын хууль, шүүхийн байгууллагад эргэлзэж буйгаа илэрхийлжээ. Мөн парламентаараа энэ асуудлыг хэлэлцүүлж, хариу үр дүнгээ мэдээлэхийг шаардсан байна.

Яг үнэндээ ОУПХ бол хэрэг мөрддөг, шалгадаг газар биш л дээ. Тиймээс эрүүгийн хэргийг шалгах, нотлох асуудлаар хуулийн байгууллагад чиглэл өгдөггүй. Харин зүгээр манай парламентын гишүүдийн (Ц.Нямдорж нарын) удаа дараа явуулсан гомдлын дагуу л хариу үйлдэл үзүүлж байгаа хэрэг. Тэгээд ч УИХ-ын дэд дарга Л.Энх-Амгалан Катар улсад болсон ОУПХ-ны 140 дүгээр чуулганд оролцох үеэрээ ОУПХ-ны Хүний эрхийн хорооны хуралдаанд оролцсон. Ингэхдээ уг хэрэгтэй холбоотойгоор тус хорооноос шаардсан баримт бичиг, асуултуудын хариултыг Монголын холбогдох байгууллагуудаас гаргуулан тус хороонд хүргүүлж, уг хэргийг шалгах явцад эрүү шүүлт тулгах зэрэг хуулиар хориглосон ажиллагаа явуулсан байж болзошгүй үйлдэлд эрүүгийн хэрэг үүсгэн шалгаж байгаа тухай танилцуулсан байдаг. Одоо УИХ-ын Түр хороо нь байгуулагдаад, ажлынхаа үр дүнг тайлагнах юм байгаа биз.

Харин үүний өмнө Д.Энхбат, Л.Санжаасүрэн нарт тохиолдсон хэргийг хэрхэн шийдвэрлэсэн бэ? УЕП-ын орлогч асан Г.Эрдэнэбатын хэлснээр Д.Энхбат нарыг эрүүдэн шүүсэнтэй холбоотой ямар нэг баримт прокурорт байдаггүй юм байна. Өөрөөр хэлбэл, тухайн үед хуулийн байгууллага уг хэргийн мөрөөр ямар нэг шалгах ажиллагаа явуулаагүй, явуулсан байлаа ч түүнийгээ устгасан гэсэн үг. Тэр ч байтугай Л.Санжаасүрэнгийн цацаж, “төрийн нууц задалсан” хэргээр яллагдахад хүргэсэн ярилцлага, бичлэг ч бас устсан байх магадлалтай болоод явчихлаа.

Ямар ч байсан тухайн үед НҮБ-ын Хүний эрхийн хорооноос томилогдсон тусгай илтгэгч/шалгагч/ Манфрэд Новак гэж эр Д.Энхбат, Л.Санжаасүрэн нарын хэрэг дээр ажиллаж, Ерөнхийлөгч Н.Багабандиас эхлээд Хууль зүйн яамны дээд албан тушаалтнууд, прокурор, шүүх, цагдаагийн удирдлагууд, хүний эрхийн байгууллагууд, УИХ-ын гишүүд, өмгөөлөгчидтэй уулзаж, хорих ангиудаар явж, Д.Энхбат болон бусад хоригдол, хорих ангийн ажилтнуудаас мэдээлэл авсан байдаг. Тусгай илтгэгчийн үзсэнээр Д.Энхбатыг олон улсын эрх зүйг ноцтойгоор зөрчиж шийтгэсэн тул нэн даруй суллах, эрүү шүүлтийг хийсэн, тарчилган зовоосон этгээдүүдийн эсрэг шүүх ажиллагааг эхлүүлэх хэрэгтэй гэсэн байдаг.

Тэгэхээр Ц.Нямдорж сайдын шударга ёсны эрэл хайгуул, эрүү шүүлтээс ангид байх хичээл чармайлт хэрвээ үнэний хувьтай бол өөрийг нь Хууль зүйн сайд байхад үйлдэгдсэн Д.Энхбатыг хилсээр ялласан, эрүүдэн шүүсэн асуудлыг ч гэсэн хамтад нь шалгуулахыг хүсье.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 14 мин Шөнийн автобус 22:00-02:00 цагийн хооронд үйлчилж байна 2 цаг 20 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 25 мин Засгийн газар: Төрийн өмчит компанийн тоог 85 болгон цөөлнө 3 цаг 9 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 22 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 39 мин Мэдээж “Ар нь түүз!” 9 цаг 51 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 8 мин Улаанбаатарт өдөртөө 8 хэм хүйтэн 10 цаг 16 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 19 мин Д.Трамп Хятадад Ким Жөн Унтай уулзаж магадгүй гэв 10 цаг 24 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 29 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 34 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top