x

Ц.Нямдорж Хууль зүйн сайд уу, яллагдагчийн өмгөөлөгч үү?

Өнгөрөгч долоо хоногт УИХ-ын гишүүн, Хууль зүйн сайд Ц.Нямдорж олон нийтэд хандаж мэдээлэл хийхдээ “С.Зоригийн хэргийг шалгаж шийдвэрлэхдээ хэргийн холбогдогч нарт зохиомол хэрэг тулгаж хүлээлгэсэн, эрүүдэн шүүсэн байна. Энэ бичлэгийг нийтэд ил болгоно, хилсээр ял хүлээсэн хүмүүсийг би өөрөө хөөцөлдөж суллуулна” гэсэн билээ.

Өчигдөр хуралдсан МАН-ын бүлгийн хуралдаанд Ц.Нямдорж сайд энэ асуудлаар мэдээлэл хийж, гишүүдэд бичлэгийг үзүүлжээ. Ингэсний эцэст “эрүүдэн шүүсэн бичлэгийг олон нийтэд ил болгох ёстой” гэдэг шийдвэрийг намын бүлгээс гаргав. Мөн энэ асуудлаар УИХ-аас ажлын хэсэг байгуулж, ҮАБЗ-өөр хэлэлцэх, энэ асуудал нэг тийш шийдэгэх хүртэл уг хэрэгт хяналт тавьж байсан прокурор болох УЕП-ын орлогчийн томилгоо хойшлуулах шаардлагатай гэж үзсэн байна. УЕП-ын орлогч Г.Эрдэнэбатын бүрэн эрхийн хугацаа өнгөрөгч нэгдүгээр сард дууссан тул УИХ-ын ээлжит бус чуулганаар орных нь хүнийг томилохоор яригдаж байсан юм.

Мөн энэ өдөр АТГ-аас цаг үеийн асуудлаар сар бүр хийдэг ээлжит мэдээллээ хийв. Энэ мэдээллээр “С.Зоригийн амь насыг хөнөөсөн хэрэг гурван шатны шүүхээр эцэслэн шийдэгдсэн. Шүүхийн шийдвэр хүчин төгөлдөр байгаа учраас яллагдагчдын гэм буруугийн талаар ярих боломжгүй. Хэргийг шалгаж байх явцдаа зарим хүнийг эрүүдэн шүүсэн, гүйцэтгэх ажлын хууль тогтоомж зөрчсөн гэдэг асуудал яригдаж, прокурорын байгууллагаас хэрэг бүртгэлийн хэрэг нээгээд ирүүлсэн учраас мөрдөн шалгах ажиллагаа явуулж байна. Мөрдөн шалгалтын явцад зарим нэг хууль зөрчсөн нотлох баримт бидэнд хураагдсан. Гүйцэтгэх ажлын нууцтай холбоотой учраас дэлгэрэнгүй мэдээлэх боломжгүй” гэсэн билээ.

Ямартай ч хэргийн холбогдогчдыг эрүүдэн шүүсэн гэх бичлэгийг МАН олон нийтэд үзүүлэх юм байна. АТГ-ынхан бол эсрэг байр суурьтай байх шиг байна. Гүйцэтгэх ажлын нууц гэж ярьж байна. Тэгэхээр Хууль зүйн сайдын энэ шийдвэр хууль зөрчсөн эсэх талаар хуульчид хожим хариулл өгөх биз. Харин эрүүдэн шүүсэн бичлэг илэрснээр уг хэргийг “зохиомол” гэж үзэж болох уу?

Нэлээд олон жил мөрдөгчийн ажил хийсэн туршлагатай мөрдөгч хүн ингэж ярьсан юм. Эрүүдэн шүүх асуудал яагаад гардаг тухай.

Гэмт хэрэг хийсэн хүн эхлээд шууд хэргээ хүлээдэг. Гэвч 2-3 сар, түүнээс удаан хугацаанд хоригдоод, нийгмээс тусгаарлагдаад ирэхээрээ мэдүүлгээсээ буцаж эхэлдэг. Хүлээх ялаасаа айж эхэлдэг. Тэгэхээр хавтасч хэргээ боогоод яг сайхан шүүхэд шилжүүлэх гэж байсан мөрдөгч уурлаад “Чи муу яахаараа хэргээ хүлээдэггүй юм” гээд шанаадчихдаг. Нөгөөх нь “Энэ нөхөр намайг эрүүдэн шүүсэн” гээд гомдол гаргачихдаг. Ингээд ганц удаагийн үйлдлээр хэдэн сар, жилээр цуглуулсан хэргийн материал, нотлох баримт ямар ч үнэ цэнэгүй болдог юм аа гэж.

Учир нь хэргийг мөрдөн шалгах явцдаа ЭХХШАТ (Эрүүгийн хэрэг хянан шийдвэрлэх тухай) хуулийн аль нэг заалтыг зөрчсөн (тухайлбал, эрүүдэн шүүсэн гэх мэт) нь тогтоогдвол энэ нь шүүх энэ хэргийг хэрэгсэхгүй болгох үндэслэл болдог. С.Зоригийн хэргийн холбогдогч нарт ч гэсэн энэ хамаатай. Өөрөөр хэлбэл, мөрдөн шалгах ажиллагааны явцад хэргийн холбогдогч нарыг эрүүдэн шүүсэн нь баримтаар тогтоогдвол тэдэнд оноосон ял хүчингүй болно, хэргийг бүр эхнээс нь шалгах шаардлагатай болно гэсэн үг.

Гэхдээ энэ нь Ц.Нямдорж сайдын хэлсэн шиг шууд утгаараа “зохиомол хэрэгт тулгаж ял хүлээлгэсэн” гэсэн үг биш. Харин хэрэг хянан шийдвэрлэх ажиллагаа хуулийн дагуу явах ёстой, ямар ч тохиолдолд хүний үндсэн эрхийг зөрчиж болохгүй (эрүү шүүлтээс ангид байх) гэсэн хуулийн шаардлага. Үнэхээр зохиомол хэрэг байсан уу, эсвэл хэргийн шалгатын явцад алдаа гарсан уу гэдгийг хуулийн байгууллага л шалгаж тогтоох ёстой. Үүнийг таван удаа Хууль зүйн сайдаар ажиллаж байгаа Ц.Нямдорж гэдэг хүн мэдэхийн дээдээр мэдэж байгаа.

Тэгээд ч энэ хэрэг гурван шатны шүүхээр шийдэгдсэн, шүүхийн шийдвэр хүчин төгөлдөр байгаа нөхцөлд Хууль сайд нь дангаараа “Хэргийн холбогдогч нар гэм буруугүй” гэдэг мэдэгдлийг хийх эрхгүй. Энэ бол нэг талаас шүүхийн хараат бус байдалд халдаж байгаа хэрэг. Хоёрдугаарт, хэргийн мөрдөн шалгалтад хөндлөнгөөс нөлөөлөх гэсэн оролдлого.

Учир нь яг одоо хэргийн захиалагчийг илрүүлэх ажиллагаа явагдаж байгаа. Энэ хэрэгт хяналт тавьж ажилласан УЕП-ын орлогч Г.Эрдэнэбат хэрэг шүүхээр шийдэгдсэний дараа “Хэргийн захиалагч үндсэндээ илэрчихээд байгаа. Мөрдөн шалгалтын ажил явагдаж байна” гэсэн. Түүнээс хойш бараг арван сарын хугацаа өнгөрөөд байна. Уг нь Ц.Нямдорж сайдын хувьд хэргийн холбогдогч нарыг эрүүдэн шүүсэн асуудлаас илүү хэргийн захиалагчийг хэзээ зарлах вэ гэдэг асуудал анхаарал татаж байх ёстой. Учир нь Хууль зүйн сайдын үүрэг бол гэмт хэрэгтэй тэмцэх, түүнийг илрүүлэх. Харин мөрдөн шалгах ажиллагаа хуулийн дагуу явагдсан эсэх нь прокурорын хяналт тавих ёстой асуудал.

Гэтэл Ц.Нямдорж сайд яг л яллагдагчийн өмгөөлөгч шиг ярьж байна. Хууль зүйн сайд хүн батлагдаж нотлогдоогүй мэдээллээр ийм мэдэгдэл хийх ёсгүй. Нөгөө талаас харвал хорин жил Хууль зүйн сайд хийчихээд энэ хэргийг илрүүлж чадаагүй, илрүүлэхийн төлөө хуруугаа ч хөдөлгөөгүй хүн энэ дайны мэдэгдэл хийх нь аргагүй. Ашиг сонирхол нь хамгийн ихээр хөндөгдсөн, айж сандарсан хүн л ийм зүйл хийдэг.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (18)

  • зочн (103.212.119.127)
    Тэтгэвэртээ гараад өмгөөлөгч хийх бэлтгэл Ккк.
    2019 оны 03 сарын 29 | Хариулах
  • irgen (66.181.160.30)
    ene nymdorj gedeg hudalchdorj gedeg hvnees mongolin tor salahgvi bol bolohoo blaa shidarga ys togtooj bgaa baatruud boloh hvvk oyunerdene zandan bold battulga nar chini odoo oorin hvmvvsee huuli shvvhed chihne tegeed urid talaa bvgdig harluulj osh honzon bodno mongolin tor im tsokleer ywaad bhuu vneheer shudarga us togtooj ard tvmendee vilchlehvv tsag hugatsaa bvgdig haruulnaa bidnii nvdig ulam sohloj tawilttai jvjig ih togloj bnadaa.....
    2019 оны 03 сарын 29 | Хариулах
  • zochin (202.126.89.149)
    eniig bichsen huniiheer bol Nyamdorj said huruugaa hodolgono geheer hereg ilruulehiin tuld olon hun barij horij eruu shuult yavuulj hereg tulgah baij, chi bolon chinii ah duu naraas iim heregt orootsoldoj helmegdej baisan bol chi gulug tsarailaad Nyamdorj saidiig shutchihsen guij yavah baih daa,
    2019 оны 03 сарын 29 | Хариулах
  • Нямдорж гэдэг төрийн хутгуурыг төрөөс хурдан зайлуулах хэрэгтэй. (103.57.94.201)
    Нямдорж зайлаа
    2019 оны 03 сарын 28 | Хариулах
  • Дорж (202.9.43.167)
    Нямдоржийг сайн шалгаач хуулийнхаан маш олон удаа ажилыг хэсгийг сольсон одоо 3 шатны шүүхийн шийдвэрийг худлаа гэж байна энэ ер нь захиалагч нь юм бишүү нөгөө хулгайчууд нь захиалагчаа хэлэх гээд байгаа юм байхдаа тэгээд эмнэлэгт хэвтүүлж шоронгоос гаргана гээд байгаа юм бишүү
    2019 оны 03 сарын 27 | Хариулах
    • zochin
      zahialgchiig ni ilruuleegui baij zahialgaar hun alsan geed bas deer ni tsoriin gants gerch Bulganiig shuuh hurald oruulaagui shiitgej baigaa ni huuli zuin said bitgii hel engiin ard olnii gaihshiraliig toruuleed baigaa yum l daa, hen gedeg zahialagchaas heden tugrug avsan yum 3-aa yum bol yaj huvaaj avah gej baisan yum, tegeed munguu avsan yum uu? yund zarsan yum, geel asar olon yum bna l daa yarival.... Nyamdorjiig muulah gej yaaraad yahav tsag hugatsaa haruulna., joohon ch gesen uhaan baigaa bol tolgoigoo ajilluul za!!!
      2019 оны 03 сарын 27
  • Zochin (202.21.106.134)
    Zahialagch n hen yumbe. Zahialagchiig n toruulagui bj zahialgat allaha gj yaj medeed bgam. Hergin gants amid gerch enhu shuuh hurald yagad ordogui yum be.
    2019 оны 03 сарын 26 | Хариулах
  • Зочин (202.9.43.107)
    Нямдоржид айж сандарсан юм алга харинч хэргийг задалж жинхэн эздийг олох зорилоготой байна шүү дээ нэгэнт шүүхийн шийд гарсан гэнэ үү хилс шийдсэн хэргийг цуцлах ёстой
    2019 оны 03 сарын 26 | Хариулах
  • Баатархүү (94.214.181.162)
    Нямдорж захиалагч
    2019 оны 03 сарын 26 | Хариулах
  • Зочин (66.181.183.93)
    3 шатны шүүхийн тогтоолоо Нямдорж яаж хэрэгсэхгүй болгох юм бол.3 шатны шүүхийн шүүгч нараа бүгдийг ажлаас нь халах уу
    2019 оны 03 сарын 26 | Хариулах
  • Зочин (202.126.89.15)
    Энэ мэнгэт саад энэ хэрэгт их холбоотой санагдаад байгаа юмдаа захиалагч нь илрэх болхоор л сандраад өөр тийш нь эргүүлээд байгаа хүндээ цаг хугацаа энэ хүнийг хэн байсныг харуулнаа
    2019 оны 03 сарын 26 | Хариулах
  • ffd (112.72.15.18)
    ffddd
    2019 оны 03 сарын 26 | Хариулах
  • Зочин (202.9.44.136)
    Угаасаа л ойлгомжтой болсон доо.Энэ бол угаасаа л зохиомол байсан.Би бол Нямдорж гуайд итгэж байгаа.Гэнэт хууль хүчнийхнийг барьчихсан байхад хууль зүйн сайд ч цаашаа л байсан үе.Одоо хүмүүсийн толгой тархи эргэдэг үе өнгөрсөн.Шуналтай байж болно.Шулам шиг л байж болохгүй л дээ
    2019 оны 03 сарын 26 | Хариулах
    • Баатархүү
      Захиалагч нь гүйцэтгэгчээ гаргах гээд сүүлдээ бүүр цагаандаа гарлаа даа.
      2019 оны 03 сарын 26
  • Салтаандаа толгойгоо хийсэн олон гэр бүл үймүүлсэн Дарханы Замын цагдаад байсан Шугартай яаж тооцоогоо хийхүү туслаарай. Уг нь Завханых гэсэн (202.21.124.134)
    мэдээлэл авий
    2019 оны 03 сарын 26 | Хариулах
  • Babana (66.181.176.64)
    Zaa ta nar unen guitsegdeed irheer ee. Unenii esreg bitgii hutsald... NYAMDORJ MONGOLIIN UNEN ZA!!!!
    2019 оны 03 сарын 26 | Хариулах
  • Zochin (120.21.214.168)
    Nymdorj guitsetgeed nuguuh invilreh geed sandraad bgaa um bishuu
    2019 оны 03 сарын 26 | Хариулах
  • Б (1.25.89.208)
    Нямдорж бол тоийн хутгуур. 49% хувийн хэвшилд шилжсэнээр Нямдоржийн Эрдэнэт уйлдвэрт хийсэн
    2019 оны 03 сарын 26 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 22 мин Шөнийн автобус 22:00-02:00 цагийн хооронд үйлчилж байна 2 цаг 28 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 33 мин Засгийн газар: Төрийн өмчит компанийн тоог 85 болгон цөөлнө 3 цаг 17 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 30 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 47 мин Мэдээж “Ар нь түүз!” 9 цаг 59 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 16 мин Улаанбаатарт өдөртөө 8 хэм хүйтэн 10 цаг 24 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 27 мин Д.Трамп Хятадад Ким Жөн Унтай уулзаж магадгүй гэв 10 цаг 32 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 37 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 42 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top