x

ЖДҮ гэмт хэрэг ба "Нүүрсний" хэрэг

Өнгөрөгч бямба гаригт “Хэвтүүл” хөдөлгөөнөөс ЖДҮХС-гаас зээл авсан албан тушаалтнуудад хуулийн хариуцлага тооцуулахаар хотын төв талбайд тайван жагсаал зохион байгуулав. Хөдөлгөөний тэргүүн Э.Тамир “Энэ удаагийн жагсаалд 400 гаруй иргэд ирж нэгдсэн” гэлээ.

Өмнө нь УИХ-ын таван гишүүний зохион байгуулсан МАНАН бүлгэмийн эсрэг жагсаалд 1500 орчим хүн цугласныг жагсаал зохион байгуулагчид нь “60 мянга орчим иргэд нэгдлээ” хэмээн мэдээлж байсантай харьцуулахад ханатай тоо. Амралтын өдрийн жагсаалд харьцангуй цөөн хүн оролцсон боловч ЖДҮХС-гаас зээл авахаар удаа дараа төслөө өгөөд хоосон хоцорсон иргэд өөрсдөө ирж үгээ хэлсэн нь уг жагсаалыг амь оруулсан гэхэд болно.

МҮХАҮТ-аас гаргасан судалгаагаар  ЖДҮХС-гаас  зээл авахын  тулд иргэд, аж ахуй нэгжүүд төрийн есөн байгууллагаар орж, 30 төрлийн  бичиг баримт бүрдүүлж, нийт 36 шат дамжлага туулан санд төслөө өгдөг байна. Энэ бүх материалыг бүрдүүлэхэд нийтдээ 33 хоногийг зарцуулдаг аж. Харин ЖДҮХС-гаас зээл авсан албан тушаалтнуудад ердөө гуравхан хоног хангалттай байсан гэдгийг бид мэднэ.

“Нүүрсний” хэмээх Л.Гансүхийн хэрэг

2015 оны есдүгээр сарын 22-нд Нийслэлийн Чингэлтэй, Баянзүрх Сүхбаатар дүүргийн Эрүүгийн хэргийн анхан шатны шүүхээс Ерөнхий сайд Н.Алтанхуягийн ахлах зөвлөх асан Л.Гансүхэд Эрүүгийн хуулийн 263.2 буюу “Төрийн албан тушаалтан албаны эрх мэдэл буюу албан тушаалын байдлаа урвуулах” гэдэг зүйл ангиар таван жилийн хорих ял оноожээ. 2016 оны гуравдугаар сарын 23-нд Улсын дээд шүүх ялыг хэмжээг дөрвөн жил болгон бууруулж, Л.Гансүх нь ялынхаа 2/3-ыг эдлээд магадлангаар суллагдсан.

Тухайн үед Л.Гансүх “Би шийдвэр гаргах эрх мэдэл бүхий албан тушаалтан биш ээ. Би ямар ч тушаал шийдвэр гаргаагүй, гарын үсэг зураагүй. Би зүгээр л Ерөнхий сайдад зөвлөх үүрэгтэй улс төрийн ажилтан. Тиймээс надад тулгаж байгаа эрүүгийн хэргийг хүлээн зөвшөөрөхгүй” гэж эсэргүүцсээр байсан боловч шүүх “Та хэдийгээр гарын үсэг зурах, шийдвэр гаргах эрхгүй боловч албан тушаалын нөлөөгөө ашиглан бусдаар шийдвэр гаргуулсан байна аа” гэж хэлээд ялласан. Өөрөөр хэлбэл, “Багануур” ХК-ийн захирлын гаргасан шийдвэрт Ерөнхий сайдын ахлах зөвлөх нөлөөлсөн гэж үзсэн хэрэг.

Болсон явдал гэвэл Л.Гансүх нь Засгийн газраас гаргасан “Нүүрс” хөтөлбөрийг хэрэгжүүлэхдээ Багануур ХК-иас нүүрс ачуулж хотод оруулж ирээд, нүүрсээ шигшээд шигшсэн нүүрсээ гэр хорооллынхонд 80.000 төгрөгөөр худалдаалсан. Тухайн үед портер нүүрсний хар захын үнэ 220 мянган төгрөг байлаа. Харин шигшүүрээс гарсан “шороо” буюу нунтаг нүүрсийг (товарын нүүрс гэж нэрлэдэг) “Багануур” ХХК-ид буцааж ачуулснаар компанийн алдагдлыг хаасан байдаг. Гэвч хуулийн байгууллага цахилгаан станцын зууханд орсон нунтаг нүүрсийг тонн тутмыг нь 20.000 төгрөгөөр үнэлээд Л.Гансүх нарыг “Улсад 3,2 тэрбум төгрөгийг хохирол учруулсан” хэмээн үзэж ял шийтгэсэн байдаг юм.

Үнэндээ бол хөтөлбөрийг хэрэгжүүлсэн “Эл Эс Би” компанийн “Багануур” ХК-тай байгуулсан гэрээнд Л.Гансүх нь хөндлөнгөөс нөлөөлсөн гэх баримт болон гарын үсэг, тамга тэмдэг байдаггүй. Тийм ч учраас одоо хэр нь тэрээр хууль, шүүхийн байгууллага өөрийг нь хэлмэгдүүлсэн хэмээн үзэж, гомдолтой явдаг нэгэн. Эрүүгийн хуулийн 263.2 буюу “Төрийн албан тушаалтан албаны эрх мэдэл буюу албан тушаалын байдлаа урвуулах” гэдэг зүйл ангиар өөрт нь эрх олгогдоогүй албан тушаалтныг “албан тушаалаа урвуулан ашигласан” хэмээн буруутгаж, шүүхээр тасалсан анхны бөгөөд сүүлийн тохиолдол гэх юм билээ. 

“ЖДҮ” хэмээх албан тушаалтнуудын хэрэг

Өнгөрөгч оны арваннэгдүгээр сард УИХ, Засгийн газрын гишүүдийн “сүрэглэн” оролцсон ЖДҮХС-гийн зээлийн асуудал босч ирсэн. Одоогоор хорь гаруй УИХ, Засгийн газрын гишүүд, Улсын ерөнхий аудитор, Ерөнхий прокурорын орлогч гэх мэт төрийн өндөр албан тушаалтнууд нэр холбогдоод байгаа. Тэднээс хоёр сайд (Б.Батзориг, Я.Содбаатар), нэг дэд сайд (БХБ-ын дад сайд Ш.Лхамсүрэн) уг хэргийн улмаас ажил, албан тушаалаа өгсөн ч хуулийн дагуу эрүүгийн хариуцлага хүлээсэн нэг ч хүн байхгүй.

УЕП М.Энх-Амгалан эхний дөрвөн гишүүнийг гэмт хэрэг үлйдсэн нь баримтаар нотлогдсон хэмээн үзэж бүрэн эрхийг нь түдгэлзүүлэн шалгахаар УИХ-д оруулж ирсэн боловч УИХ дахь олонхи “Түдгэлзүүлэлгүй шалга. Шалгагдаж нотлогдоод шүүхэд шилжсэнийх нь дараа бүрэн эрхийг нь ярина” гээд аваад үлдсэн.

Түүнээс хойш даруй хоёр сар өнгөрчихөөд байна. Харин “60 тэрбумын эзнийг буулгачихаад дараа нь ЖДҮ-чидтэй хариуцлага тооцно” гэж яриад байсан “шударгуу” таван гишүүн маань “ЖДҮ бол гэмт хэрэг биш. Ер нь Засгийн газрыг унагах гэсэн улс төрийн ажиллагаа байсан” шахуу юм яриад эхэлсэн. Өөрөөр хэлбэл, зээл авсан гишүүд, албан тушаалтнууд өөрсдөө гарын үсэг зурж, шийдвэр гаргаагүй учраас “албан тушаалаа урвуулан ашигласан” (Эрүүгийн хуулийн 22.1) гэдэг зүйл ангид хамаарахгүй гэнэ. Тэд зүгээр л “Миний төслийг дэмжээд өгөөрэй” гээд утасдахаар нь ХХААХҮ-ийн сайд нь уулгалаад, гэм зэмгүй гишүүдэд тэрбум тэрбумаар нь зээл өгчихсөн юм байх.

Ингэдэг гэдгийг нь мэдээд 2015 онд УИХ-аар баталсан шинэ Эрүүгийн хуульд “Албаны эрх, нөлөөгөө уруулан ашиглах” (өөрөө шийдвэр гаргах эрхгүй боловч шийдвэр гаргах эрхтэй этгээдэд нөлөөлөх) гэдэг зүйл ангийг уг хуулийн 22.2-т бичсэн байсныг 2017 онд Х.Нямбаатар нар хуульд өөрчлөлт оруулахдаа аваад хаячихсан. “Яагаад энэ зүйл ангийг авч хаясан юм бэ, та нар?” гэж асуусан чинь ажлын хэсгийн бас нэг гишүүн нь “Шүүхийн практикаас харвал Л.Гансүхийг 22.1-д (хуучнаар 263.2) заасан зүйл ангиар ялласан учраас “албаны эрх, нөлөө” ч гэсэн энэ зүйл ангидаа багтах юм байна гэж бодоод давхардуулахгүйн тулд хассан юмаа. Даанч Л.Гансүхээс өөр энэ зүйл ангиар шийтгүүлсэн хүн алга” гэнэ ээ. Харин ар дээр нь намынх нь нөхөд “Наадах чинь манай зүйл анги биш байна аа. Хүн хэлмэгдүүлэхгүй шүү, нөхөд өө” гээд гишүүний бүрэн эрхээр халхавчлагдаад сууж байна даа.

Товчхондоо "Нүүрсний" хэмээх Л.Гансүхийн хэрэг, УИХ-ын гишүүдийн оролцсон ЖДҮ гэмт хэрэг хоёр манай хууль, шүүхийн байгууллагуудын гаргадаг ялгаварлал, улстөрчид нь шүүх, хуулийнхныг хүссэнээрээ удирдаж ирсний бас нэг тод жишээ юм даа. Нэг нь иргэдэд хямд нүүрс тараагаад яллуулна, нөгөө хэсэг нь иргэдээсээ боломжийг нь хулгайлаад ял завшина. Мөн үү?

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Зочин (66.181.190.54)
    Davhar vagonoor gargahaar nuursiig hyamdaar zardag buleg bii
    2019 оны 03 сарын 08 | Хариулах
  • лдл (64.119.24.161)
    эд нар бол харин ч сайн хүмүүс. МАН 2020 онд дахиад ч ялна. тэнэг малнууд минь баячуудын угаадаснаас аятайхан ууж чадахгүй бол солонгос руугаа зайлцгаа. МАН бол цорын ганц нам.
    2019 оны 03 сарын 04 | Хариулах
  • Улиастай голын лус савдаг (202.179.26.193)
    МАНгар өгөр коммуниётуудын үхэж байсан үнэн нүүр царай. Энэ юу ч биш 1922-1940 оны аймшиг өнөөдрийн 60 тэрбум ЖДҮ-г хараач
    2019 оны 03 сарын 04 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 22 мин Шөнийн автобус 22:00-02:00 цагийн хооронд үйлчилж байна 2 цаг 28 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 33 мин Засгийн газар: Төрийн өмчит компанийн тоог 85 болгон цөөлнө 3 цаг 17 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 30 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 47 мин Мэдээж “Ар нь түүз!” 9 цаг 59 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 16 мин Улаанбаатарт өдөртөө 8 хэм хүйтэн 10 цаг 24 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 27 мин Д.Трамп Хятадад Ким Жөн Унтай уулзаж магадгүй гэв 10 цаг 32 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 37 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 42 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top