x

ЗГХЭГ-ын дарга Л.Оюун-Эрдэнэ ЖДҮХС-г "ухаж" эхэллээ

ЗГХЭГ-ын дарга Л.Оюун-Эрдэнэ ажлаа авсан өдрөө Хөгжлийн банкны бонд болон "Эрдэнэт"-ийн 49 хувьтай холбоотой мэдээллийг өөрт нь яаралтай өгөх үүргийг ажилтнууддаа үүрэг болгосон тухай өмнө мэдээлсэн. Тэр энэ өдөр ЗГХЭГ-ын ажилтнуудтай уулзахдаа "Эрдэнэт" үйлдвэрийн 49 хувь, Хөгжлийн банкны бондын мөнгөний зарцуулалт гэх мэт олон нийтэд хүлээлт үүсгээд байгаа арваад асуудал дээр төвлөрч ажиллана гэдгээ хэлсэн билээ. 

Түүний хэлсэн үг ажил хэрэг болж эхэлж байгаа бололтой. Тухайлбал, Хөгжлийн банкны ТУЗ-ийн удирдлагуудтай өнгөрөгч Баасан гарагт уулзаж, зээлийн төлөлт, чанаргүй зээлийн эзлэх хувь зэргийг яаралтай нэгтгэж, маргааш буюу хоёрдугаар сарын 12-нд танилцуулахыг үүрэг болгохын зэрэгцээ бондуудын эргэн төлөлтийг шалгана гэдгээ мэдэгдсэн байна. 

Гэвч үүнээс илүүтэй Засгийн газрыг нэг удаа "сэгсрээд" авсан ЖДҮ-ийн зээл, мөн түүний өөрийнх нь олон нийтийн дунд дуулиан болгож амжсан "Эрдэнэт"-ийн 49 хувийн асуудал бас бий. Олон нийтийн хувьд хамгийн эхний хариулт хүлээж буй асуудал ч гэж болно. Энэ талаар Засгийн газрын Хэвлэл мэдээлэл, олон нийттэй харилцах хэлтсээс тодруулахад "ЗГХЭГ-ын дарга Л.Оюун-Эрдэнэ өнгөрөгч амралтын өдрүүдэд Эрдэнэт үйлдвэртэй холбоотой материалуудтай нэг бүрчлэн танилцаж, холбогдох албан тушаалтнуудад үүрэг өгсөн. Мөн зөвхөн ЖДҮХС гэлтгүй бүх тусгай сангийн үйл ажиллагаатай биечлэн танилцаж, дундаж давхаргад зориулагдах чиглэлд анхаарч ажиллаж байгаа" гэсэн байна. 

 

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • Зочин
    Хороо хөгжүүлэх сан байдаг юм байна лээ. Иргэд мэддэггүй шалгаж өгнө үү.
    2019 оны 02 сарын 12 | Хариулах
  • Баяр
    Худлаа солиорч цаг хожиж замхарах зам руугаа явуулж эхэлж байна эд нар хэзээч хариуцлага хүлээлгүй 2020он хүргэх гэж байгаа юм
    2019 оны 02 сарын 11 | Хариулах
  • Баяр
    Худлаа солиорч цаг хожиж замхарах зам руугаа явуулж эхэлж байна эд нар хэзээч хариуцлага хүлээлгүй 2020он хүргэх гэж байгаа юм
    2019 оны 02 сарын 11 | Хариулах
  • Irgen.
    Za ashgui dee. Shudarga unenii salhi sevelzeed mash saihan baina. Hulgaichdiug ard tumend il todoor medegdeed baigaarai. Turiin tolgoid garsan luivarchid sunutugei
    2019 оны 02 сарын 11 | Хариулах
Top