x

АТГ-ыг татан буулгая!

Өнгөрөгч лхагва гаригт (дөрөвдүгээр сарын 4-ний өдөр) Ерөнхийлөгч Х.Баттулгын улс төрийн зөвлөх Н.Алтанхуягийн нэгэн бичлэг интернэтэд тавигдаж, мэдээллийн хэрэгслүүдээр цацагдав. Тэр “2016 оны дөрөвдүгээр сарын 4-нд би Ерөнхийлөгч Ц.Элбэгдоржийн үүсгэсэн “Шударга бусын хонгил”-ын тухай мэдээлэл хийж байсан. (Тухайн үед түүнд АТГ-аас хавтаст хэрэг нээж, гишүүний бүрэн эрхийн асуудал хөндөгдөхдөө тулаад байв. Одоо хэр энэ хэрэг хаагдсан эсэх нь тодорхойгүй) Энэ хонгил одоо ч гэсэн хэвээр байна” гэлээ. Ингэхдээ “Шинээр сонгогдсон Ерөнхийлөгч энэ хонгилыг нураах гээд хүч хүрэхгүй байна. Ц.Элбэгдоржтой хамт бүтээлцсэн УИХ-ын дарга М.Энхболд та өөрийн томилсон хүмүүсээ АТГ-аас нэн даруй татаж авна уу” гэснээс үзвэл нэгдүгээрт, энэ үг Ерөнхийлөгч Х.Баттулгын албан ёсны байр суурь гэж таамаглахад хүрч байна. Хоёрдугаарт, АТГ-ын удирдлагыг өөрчлөх хүсэл эрмэлзэл Ерөнхийлөгчид бий гэдгийг давхар нотолж байна.

Н.Алтанхуяг зөвлөхийн ярьж буй зүйлд үнэний хувь байна. Нэгдүгээрт АТГ, прокурор болон шүүх байгууллагын удирдлагыг Ерөнхийлөгч томилдог. Энэ үүднээсээ АТГ-аас хэн нэгэнд зохиомол хэрэг үүсгээд цааших шат дамжлагаараа прокурор нь зөвшөөрөл өгөөд, шүүх хэргийг нь таслаад явах боломжтой.

Хоёрдугаарт, Ерөнхийлөгч Ц.Элбэгдоржид тэр үед УИХ-д 45 суудалтай АН гэдэг тулах хүч байлаа. Одоогийн Ерөнхийлөгчид энэ хүч байхгүй. Тиймээс УИХ-ын дарга М.Энхболд буюу МАН-ын бүлгийн оролцоогүйгээр дангаараа томилгоо хийж чадахгүй. Учир нь АТГ-ын даргыг Ерөнхийлөгч санал болгосноор УИХ томилдог. Ийм шалтгаанаар өнөөдрийг хүртэл Ерөнхийлөгч АТГ-ын даргыг өөрчилж чадахгүй байгаа. Ямар нэг байдлаар МАН-тай тохиролцоод АТГ-ын даргаа солилоо гэхэд “М.Энхболд+Х.Баттулга” гэсэн өөр нэг хонгилын үзүүр л бий болно. Дараа нь прокуроруудаа, шүүгчдээ томилдог болно. Ингээд “хонгил” дахиад төгсөрнө гэсэн үг.

Тиймээс Ерөнхийлөгчид сануулахад энэ “шударга бусын” хонгилыг нураая гэж байгаа бол АТГ-ын удирдлагыг солих тухай биш, АТГ өөрөө юу юм бэ? гэдгийг ярих ёстой.

Анх энэ байгууллагыг бий болгосон “автор” нь Н.Энхбаяр. Хэрвээ 2009 оны сонгуулиар Н.Энхбаяр дахин сонгогдсон бол (өөрөө ч яг ийм тооцоотой хийсэн биз) энэ “хонгил” Ц.Элбэгдоржийн биш, Н.Энхбаярын нэрээр нэрлэгдэх байлаа. Гэвч төсөөлөөгүй үр дүн гарч, Ц.Элбэгдорж ялалт байгуулснаар Н.Энхбаярын хийсэн ажлын үр шимийг Ц.Элбэгдорж хүртсэн хэрэг. Н.Энхбаяр гэдэг хүн өөрөө өөрийнхөө бүтээсэн махны машинд хэрчүүллээ ч гэж ярьдаг. Харин одоо Х.Баттулга гэдэг хүн дахиад энэ “махны машины” эрэг, шураг болж болохгүй.

АТГ-тай байж авилгатай тэмцэнэ гэдэг бол зүгээр л тухайн үеийн эрх мэдэлтнүүдийн бодож олсон домог юм. Авлига бол ерөнхий утгаараа эрүүгийн гэмт хэргийн нэг л төрөл. Нэг төрлийн хулгай, нэг төрлийн дээрэм. Тэр гэмт хэргийг үйлддэг хүмүүс нь төрөөс томилогдсон болон олон нийтээс эрх авч сонгогдсон албан тушаалтнууд байдгаараа онцлогтой. Үүгээрээ л бусад гэмт хэргээс ялгаатай. Харин гэмт хэрэгтэй тэмцэх чиг үүрэг нь Засгийн газарт бий. УИХ хууль баталж, Засгийн газар тэр хуулийг хэрэгжүүлдэг биз дээ. Гэмт хэргийг хэн үйлдсэн, хэрхэн үйлдсэн нь зарчмын хувьд ямар ч ялгаагүй. Хэн гэмт хэрэг үйлдсэн бэ гэдгээс үл хамаарч хуулийн хариуцлага ялгамжгүй, хийсэн хэрэг болоод учруулсан гэм хорд нь тохирсон л байх ёстой.

Гэтэл хууль тогтоох байгууллага нь дороо гэмт хэрэгтэй тэмцэх тусгай чиг үүргийн байгууллагатай, түүнийхээ даргыг томилох, чөлөөлөх эрх нь УИХ болон Ерөнхийлөгчид давхцаад оччихоор нөгөө “шударга бусын хонгил” гэгч нь бий болчихож байна. Аль нам олонхи байна, хэн илүү эрх мэдэлтэй байна, түүнд үйлчлэх болдог. Яг үнэндээ үүнд Х.Энхжаргал (АТГ-ын дарга) гэдэг хүний шууд буруу ч байхгүй. Түүний оронд хэн ч очсон томилсон хүнийхээ л өмнө л ёсолно. Энэ бол жам.

Тиймээс Ерөнхийлөгч болоод түүний багийнханд сануулахад АТГ-ын шударга бус байдалтай тэмцье, “шударга бусын хонгил”-ыг нураая гэж байгаа бол АТГ-ын даргатай бус, авлигатай тэмцдэг арга барилтайгаа тэмцэх ёстой. Зүгээр л авлигын эсрэг хуульдаа өөрчлөлт оруулаад АТГ-ыг татан буулгая!  

Б.СЭМҮҮН   

 

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Зочин (203.91.115.37)
    Шш
    2018 оны 04 сарын 09 | Хариулах
  • зочин (202.131.238.150)
    Женко БААСАН эмэгтэйг орилуулж чарлуулж өөрийнхөө хүслийг биелүүлэх гэж байж ядаж СОШИАЛ болон ТВ-гээр нэг асуудал үүсгэх юм. АТГ-н даргыг солино гээд хэлчихсэн болохоор нойр нь хүрэхгүй байгаа бололтой. Солиул сольчихооч ээ ЯАСАН их өс хонзон санадаг хүн бэ. Уг нь АТГ ажлаа сайн л хийж байгаа шүү дээ.
    2018 оны 04 сарын 09 | Хариулах
  • irgen bn lalraa (183.177.100.3)
    hiij butesen gaviya baigui nuraadag humuus ene ATG bailaa geed elbegdorj avilgaliin tom hergeesee zugath tom magadlalatai ene baiguullagin arga baril bolood uil ajillagaad TUR uuruu oroltsoh yosgui yum baigaamdaa shalguuldag humuus ni deer ni garaad suuchihaar yaj shalgagdah bileedee bagsh ni shawia shalgadag bolhoos shavi ni bagshaa sgalgadaggui gedeg ugtei en duitseed baigaan bishuu TATAN buulgahiin orond AJLIIG ni hiilgeldee
    2018 оны 04 сарын 09 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 3 цаг 8 мин Шөнийн автобус 22:00-02:00 цагийн хооронд үйлчилж байна 3 цаг 14 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 3 цаг 19 мин Засгийн газар: Төрийн өмчит компанийн тоог 85 болгон цөөлнө 4 цаг 3 мин ТББХ Ерөнхийлөгчийн чөлөөлөгдөх хүсэлтийг дэмжлээ 4 цаг 16 мин З.Мэндсайхан: Оюу Толгойн хэлэлцээрийн баг удахгүй ирнэ 10 цаг 33 мин Мэдээж “Ар нь түүз!” 10 цаг 45 мин И-спорт болон оюуны спортын Азийн анхдугаар наадмыг 2027 онд зохион байгуулна 11 цаг 2 мин Улаанбаатарт өдөртөө 8 хэм хүйтэн 11 цаг 10 мин Аймгуудын өрсөлдөх чадварын 2026 оны тайлангийн үр дүнг танилцуулна 11 цаг 13 мин Д.Трамп Хятадад Ким Жөн Унтай уулзаж магадгүй гэв 11 цаг 18 мин Тайванийн Гадаад хэргийн сайд АНУ-д хоёр дахь удаагаа очжээ 11 цаг 23 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 11 цаг 29 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top