x

Таван аймагт цэвэрлэх байгууламж барих 20 сая ам.долларын санхүүжилт шийдэгдлээ

Монгол Улсын Засгийн газар Азийн хөгжлийн банктай өнөөдөр гурван чиглэлээр гэрээ байгууллаа.

Дээрх гэрээнд Засгийн газрыг төлөөлж Сангийн сайд Ч. Хүрэлбаатар, АХБ-ыг төлөөлөн Монгол Улс дахь Суурин төлөөлөгч Ёланда Фернандез Ломмэн нар  гарын үсэг зурж баталгаажуулсан юм.

Ингэснээр таван аймагт цэвэрлэх байгууламж барих 20 сая ам.долларын зээл, Улаанбаатар хотын гэр хорооллыг эко хороолол болгон хөгжүүлэх 53 сая ам.долларын буцалтгүй тусламж, Гэр бүлийн хүчирхийлэлтэй тэмцэх, урьдчилан сэргийлэхэд чиглэсэн 3 сая ам. долларын буцалтгүй тусламжийн төслийн хэлэлцээрийг Монгол Улс хэрэгжүүлэхээр болж байна.

АХБ-ны Монгол Улс дахь Суурин төлөөлөгч Ёланда Фернандез Ломмэн хэлэхдээ, “Монгол Улсын нийт хүн амын гуравны нэг нь амьдарч буй гэр хороололд ариун цэврийн байгууламж нь шаардлага хангадаггүй, хуурай хог хаягдлын менежмент хангалтгүй, ус хангамжийн хүртээмж хязгаарлагдмал байдаг бөгөөд энэ нь иргэдийн эрүүл мэнд, байгаль орчинд аюул учруулж байна. Тиймээс гэр хорооллыг орлогод нийцсэн, нүүрсхүчлийн хийн ялгарал багатай, амьдрахад таатай эко хорооллууд болгон өөрчлөх тогтвортой бөгөөд цогц шийдлүүдийг энэхүү төслөөр хэрэгжүүлэх юм. Түүнчлэн нийгэм, эдийн засгийн олон сөрөг үр дагаврыг авчирч буй гэр бүлийн хүчирхийлэлтэй тэмцэх анхны төслөө АХБ хэрэгжүүлэх суурийг тавилаа. Үндэсний хэмжээнд хийсэн судалгаанаас харахад 25-49 насны эмэгтэйчүүд гэр бүлийн хүчирхийлэлд илүү өртөж, улмаар бие болон сэтгэлийн хохирол амсахын зэрэгцээ ажил хийж, цалин орлого олох боломжоо алдаж байна. Ядуурлыг бууруулах Японы сангаас санхүүжих энэхүү буцалтгүй тусламжийн төсөл нь гурван аймаг, хоёр дүүрэгт түр хамгаалах байр байгуулах, гэр бүлийн хүчирхийлэлд өртсөн эмэгтэйчүүд, хүүхдүүдийг хамгаалалд авах, тэдэнд үзүүлэх үйлчилгээний чанар, хүртээмжийг сайжруулах зорилготой” гэлээ.

Харин Сангийн сайд Ч.Хүрэлбаатар,“Засгийн газар өнөөдөр АХБ-тай гурван гэрээг байгууллаа. Нийтийн аж ахуйн үйлчилгээгээр хангагдсан, ногоон байгууламж, дэлгүүр хоршоо болон ажлын байрны хүртээмж сайжруулах, байгаль орчинд ээлтэй 20 орчим шинэ эко хороололд 10 мянган айлын орон сууц барина. Эдгээр орон сууцны 1500 нь  түрээсийн орон сууц байх бол 5500 нь орлогод нийцсэн орон сууц байх юм. Харин үлдсэн 3000 орон сууц нь зах зээлийн үнээр борлуулагдана. Ингэснээр нэг метр квадрат байрны үнэ  нэг сая төгрөг болох боломж бүрдэнэ.  Энэ хүрээнд АХБ-наас  80 сая ам.долларын хөнгөлөлттэй зээл, Уур амьсгалын ногоон сангаас  50 сая ам.долларын буцалтгүй тусламжийг үзүүлэх юм. Түүнчлэн Булган, Хөвсгөл, Хэнтий, Дундговь, Сүхбаатар аймагт цэвэрлэх байгууламж барихад тус бүр 4 сая ам.доллар буюу нийт 20 сая ам.долларын гэрээг байгууллаа. Уур амьсгалын ногоон сангаас олгох 95 сая ам.долларын хөнгөлөлттэй зээлийн хэлэлцээрт удахгүй гарын үсэг зурна. Мөн нэмэлтээр 300 сая ам.долларын хөрөнгө оруулалтыг барилгын компаниуд, арилжааны банкууд, төслийн үр дүнг хүртэгчид зэрэг оролцогч талуудаас босгохоор тооцоолоод байна. Эко хорооллуудыг бий болгох энэхүү ажил нь газрыг сайн дурын үндсэн дээр орон сууцаар солих зарчимд тулгуурлан хэрэгжинэ. Төлөвлөж буй эко хорооллын нутаг дэвсгэрт газар өмчилдөг эсвэл түрээсэлдэг иргэн нь гэр горооллын хашаа байшингаас шинэ орон сууцанд шилжин суурьших хөтөлбөрт хамрагдах эсэхийгээ өөрөө сонгоно. Түүнчлэн АХБ анх 2010 онд хоёр аймгийн төвийн ус хангамж, ариутгах татуурга, автозамын сүлжээний хамрах хүрээг нэмэгдүүлэх, төвлөрсөн дулаан хангамжийн үйл ажиллагааг сайжруулах зорилгоор 15 сая ам.долларын буцалтгүй тусламжийг баталсан. Энэ төслийн үргэлжлэл болох 19.43 сая ам.долларын зээлийн санхүүжилтийг 2016 онд баталсан бөгөөд уг төслөөр дөрвөн аймгийн төвд бохир ус цэвэрлэх байгууламж барьж байна. Өвөрхангайн аймгийн цэвэрлэх байгууламж саяхан ашиглалтад орсон” хэмээв.

Хууль зүй, дотоод хэргийн дэд сайд Б.Энхбаяр хэлэхдээ,”Өнөөдөр гэр бүлийн хүчирхийлэлтэй тэмцэхэд зориулан Ядуурлыг бууруулах Японы сангаас 3 сая ам.доллар олгохоор болж байна. Төслийн хүрээнд жендэрт суурилсан хүчирхийлэлд өртөх эрсдэл өндөр хөгжлийн бэрхшээлтэй иргэдийг хамгаалах үйлчилгээний хүртээмжийг нэмэгдүүлэхийг зорьж буй юм. Тодруулбал хөгжлийн бэрхшээлтэй иргэдэд хүртээмжтэй дэд бүтэц бүхий түр хамгаалах байр байгуулах, үе тэнгийн сургагч багш нарыг бэлтгэх, дэмжих бүлэг байгуулах замаар мэдээлэл түгээх зэрэг ажлуудыг хийнэ. Гэр бүлийн хүчирхийлэлтэй тэмцэх тухай хууль хэрэгжсэнээр энэ онд хүн амины хэргийн гаралт 40 хувиар буурсан үзүүлэлт гарлаа” гэлээ.

 Хэнтий аймгийн Засаг дарга Н.Ганбямба: “Манай аймаг 3 метр куб  бохир ус цэвэрлэх хүчин чадалтай цэвэрлэх байгууламжтай  болох нь ээ. Ингэснээр  байгаль орчны тогтвортой байдлыг бэхжүүлэх, иргэдэд үзүүлэх үйлчилгээний хүртээмжийг нэмэгдүүлэх чухал ач холбогдолтой” гэв.

montsame.mn

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 56 мин Шөнийн автобус 22:00-02:00 цагийн хооронд үйлчилж байна 2 цаг 2 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 6 мин Засгийн газар: Төрийн өмчит компанийн тоог 85 болгон цөөлнө 2 цаг 51 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 4 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 21 мин Мэдээж “Ар нь түүз!” 9 цаг 32 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 50 мин Улаанбаатарт өдөртөө 8 хэм хүйтэн 9 цаг 58 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 1 мин Д.Трамп Хятадад Ким Жөн Унтай уулзаж магадгүй гэв 10 цаг 6 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 11 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 16 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top