УИХ-ын чуулганы үдээс өмнөх хуралдаанаар Ерөнхий сайд Г.Занданшатарыг огцруулах шийдвэр гаргасан. Өглөө 11.00 цагт хуралдаан эхлэхэд 111 гишүүн ирцэд орсон боловч 13.00 цагт санал хураалт явуулах үед ирцэд бүртгүүлсэн 111 гишүүнээс 71 нь санал өгсөн. Бусад нь хуралдааны танхимыг орхисон байв. Санал хураалтад оролцоогүй 30 гишүүнийг "татгалзсан" буюу"Ерөнхий сайдыг огцруулахыг дэмжсэнд тооцов.

Хачирхалтай нь, Төрийн байгуулалтын байнгын хорооны хуралдаан дээр "огцруулахыг дэмжихгүй" гэдэг санал өгсөн МАН-ын бүлгийн 19 гишүүн (огцруулах гарын үсэг зурсан) чуулганы нэгдсэн хуралдаан дээр огцруулах санал өгсөн байна.

УИХ-ын гишүүн Д.Ганбат:

-Байнгын хороон дээр Ерөнхий сайдыг огцруулахгүй гэчихээд чуулганы хуралдаан дээр огцруулах санал өглөө. Энэ чинь залилан юм биш үү?

ТББХ-ны дарга Ц.Сандаг-Очир:

-УИХ-ын гишүүн өөрийн итгэл үнэмшлээр санал өгөх эрхтэй. Яагаад, ямар учраас санал өгөв гэж асуух эрх хэнд ч байхгүй. УИХ-ын гишүүний бүрэн эрх.

Жич:

Бүх хүн тэгш эрхтэй, гахай илүү эрхтэй...