Монгол Улсын Их Хурлын Байгаль орчин, хүнс, хөдөө аж ахуйн байнгын хороо болон Эдийн засгийн байнгын хороо хамтран 2025 оны есдүгээр сарын 23-ны өдөр Төрийн ордны “Их Эзэн Чингис хаан” танхимд Ерөнхий хяналтын сонсгол зохион байгуулахаар болжээ. Сонсголын сэдэв нь:

“Халзан бүрэгтэйн” орд газрын ашиглалт, байгаль орчинд үзүүлэх сөрөг нөлөөлөл, эрсдлийг нарийвчлан судлах юм.

Тус сонсголд иргэн, хуулийн этгээд, хэвлэл мэдээллийн байгууллагын төлөөлөл чөлөөтэй оролцох боломжтой бөгөөд оролцох хүсэлтэй иргэд 2025 оны есдүгээр сарын 18-ны өдрийн 17:00 цагаас өмнө бүртгүүлэх шаардлагатай.

Мөн сонсголтой холбогдуулан санал, тайлбар, мэдээлэл гаргах иргэн, байгууллага нь сонсгол болохоос хоёроос доошгүй өдрийн өмнө, буюу есдүгээр сарын 18-ны дотор бичгээр ирүүлэх боломжтой. Хүсэлтдээ дараах мэдээллийг багтаана:

• Овог, нэр

• Регистрийн дугаар

• Оршин суугаа болон шуудангийн хаяг

• Холбогдох утасны дугаар

• Гарын үсэг

Хүсэлтийг дараах хаягаар илгээнэ:
Цахим шуудан: sonsgol@parliament.mn
Шуудангийн хаяг: 14201 Улаанбаатар хот, Сүхбаатар дүүрэг, Жанжин Д.Сүхбаатарын талбай 1,
УИХ-ын Тамгын газрын Хяналт шалгалтын газар
Лавлах утас: 51-261240

Анхааруулга: Танхимын суудлын багтаамжаас шалтгаалан оролцогчийн тоо хязгаартай тул бүртгэл дуусмагц нэрсийг Улсын Их Хурлын албан ёсны цахим хуудаст байршуулна.

Нэвтрэх журам: Оролцогч нь иргэний үнэмлэх эсвэл e-Mongolia аппликейшн дэх цахим үнэмлэхтэй, мөн албаны эсвэл үндэсний хувцастай байх шаардлагатай.

Эх сурвалж: УИХ-ын Тамгын газар