Онцгой байдлын ерөнхий газрын дарга, хошууч генерал Г.Ариунбуян Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд, эрхэмсэг хатагтай Башак Гэнч Юксэл-ийг хүлээн авч уулзлаа. Уулзалтаар хоёр орны гамшгаас хамгаалах салбарын хамтын ажиллагааг өргөжүүлэх, туршлага солилцох талаар санал солилцжээ.

Хошууч генерал Г.Ариунбуян:

• Монгол-Туркийн гамшгаас хамгаалах хамтын ажиллагааны өнөөгийн байдал, онцгой байдлын байгууллагын үндсэн чиг үүргийн талаар мэдээлэл өгч,

• Туркийн ард түмэн хүнд хэцүү цаг үед тусламж, дэмжлэг үзүүлсээр ирсэнд талархал илэрхийллээ.

Монголын талаас гамшгийн удирдлагын нэгдсэн мэдээллийн сангийн шинэчлэл, ойн түймэртэй тэмцэх чиглэлээр Туркийн туршлагыг судалж буйг онцлов.

Элчин сайд Башак Гэнч Юксэл:

• Туркийн Гамшиг, онцгой байдлын газар (AFAD) болон Монголын ОБЕГ хоорондын хамтын ажиллагаанд сэтгэл хангалуун байгаагаа илэрхийлээд,

• Цаашид хамтын ажиллагааг бэхжүүлж, өргөжүүлэхэд биечлэн дэмжлэг үзүүлэхээ амласан юм.

Хоёр улсын гамшгаас хамгаалах салбар дахь хамтын ажиллагаа нь 2005 онд болсон Эдийн засаг, худалдааны хамтарсан хорооны IV хуралдаанаар албан ёсоор эхэлсэн түүхтэй.

Эх сурвалж: Онцгой байдлын ерөнхий газар