НҮБ-ын Энхийг сахиулах ажиллагаанд цэрэг илгээгч орнуудын сайд нарын дээд түвшний уулзалтад Монгол Улсын Батлан хамгаалахын сайд С.Бямбацогт оролцож байна. Тус уулзалт ХБНГУ-д болж байгаа бөгөөд дэлхийн 130 орны 800 гаруй төлөөлөгч, 54 улсын Батлан хамгаалахын сайд, дэд сайд нар чуулж, энхийг сахиулах ажиллагааны ирээдүйн чиг хандлагыг тодорхойлон хэлэлцэж байна.

Монгол Улс 2002 оноос хойш НҮБ-ын энхийг сахиулах үйл ажиллагаанд цэргийн ажиглагч болон бүрэлдэхүүнээрээ оролцож эхэлсэн бөгөөд сүүлийн хорь гаруй жилийн хугацаанд Конго, Баруун Сахар, Судан, Афганистан, Ирак, Косово зэрэг олон улсад 15 гаруй ажиллагаанд оролцсон туршлагатай улс болжээ.

Батлан хамгаалахын сайд С.Бямбацогт энэхүү уулзалтад хэлсэн үгэндээ Монгол Улс энхийг сахиулах үйлсэд улам идэвхтэй оролцохоо илэрхийлж, НҮБ-ын ажиллагаанд хувь нэмрээ нэмэгдүүлэх бэлтгэлтэй байгааг онцлон тэмдэглэсэн байна. Энхийг сахиулах үйл ажиллагаанд оролцох нь олон улсын тавцанд Монгол Улсын нэр хүндийг өсгөхөөс гадна Зэвсэгт хүчний чадавх, туршлагыг нэмэгдүүлэх давхар үр нөлөөтэйг салбарын сайд дурдсан юм.

Эх сурвалж: Батлан хамгаалах яам