x

Ууж идэлтийн уг сурвалж нь бид өөрсдөө

ЖДҮ-ийн зээлийн хэрэгт дахиад шинэ холбогдогчид нэмэгдлээ. Одоогоор УИХ-ын 12 гишүүн, Засгийн газрын хоёр гишүүн ЖДҮ-ийн сангаас зээл авсан нь ил гараад байна. Мөн УИХ-ын гишүүн Л.Энхболдын туслах Энхтайваны Чагнаасүрэн “Хас говь транс” ХХК буюу ББСБ-даа ЖДҮХС-гаас 950 сая төгрөгийн зээл авчээ.

Ерөнхийлөгчийн ах Х.Баттуулын “Милл хаус” ХХК гурилын үйлдвэр Мал хамгаалах сангаас хоёр тэрбум төгрөг хүүгүй зээлээд 1,6 тэрбумыг зориулалт бусаар ашигласан байна. Зээл төлөлт наймдугаар сарын 1-ний байдлаар “тэг” хувьтай гэж “Алтан тариа”-н П.Цэнгүүн захирал жиргэв. ЖДҮ-ийн сангаас авсан зээл нь бас хоёр тэрбум гэж байгаа. Энэ тухай мэдээллийг У.Хүрэлсүх, Б.Батзориг нарын үед ЖДҮХС-гаас зайлуулагдсан хуучин ня-бо нь “анти Хүрэлсүх”-тэнгүүдэд аваачиж өгсөн гэхээр лав худлаа биш байх.

Хамгийн сүүлд УИХ-ын гишүүн Д.Хаянхярваа “Зээл авсан гишүүддээ улс төрийн хариуцлага тооц, Намын бага хурлаа яаралтай хуралдуул” гэж МАН-ын даргад хэлснийхээ төлөө намын бүлгийн даргын ажлаа өгөв. Гэвч бууж өгөхгүй, “өнөөдрөөс эхлэн Засгийн газрыг огцруулахаар гарын үсэг цуглуулна” гэснээс үзвэл асуудал дуусаагүй бололтой. Үүн дээр хаалттай хуралдааны үеэр “Х.Хаянхярвааг огцруулахгүй” гэж санал өгсөн МАН-ын бүлгийн 27 гишүүнд найдахаас өөр замгүй. Ядаж л зээл авч чадаагүйдээ гомдоод зурна биз дээ.

Харин АН-ын дарга одоохондоо нам жим байна. У.Хүрэлсүхийн чуулган дээр хэлсэн “Ганц намын асуудал биш шүү” гэдэг сануулгаас айсан биз. Адилхан нам дотор нь ч гэсэн хулгайч байгаа гэсэн үг. Ядаж л өмнөх УИХ-ын үед уусан идсэнийг нь ухаад эхлэхээр тэгсгээд нам болов. Яагаад дуугаа хураачив гэхээр “МАН дотроо алалдаж байхад маний хэрэг юун” гэх. Яс юман дээр “утсан чинээ улаан амиа” л бодсон хэрэг болов уу. Уг нь бол ийм юман дээр сөрөг хүчин  жинхэнээсээ, тултал нь улс төр хийдэг газар. Даанч төдийгөөс өдий хүртэл туулсан зам нь ав адилхан юм даа. Тиймгүйсэн бол юундаа л ширээн доогуураа орох билээ. Дуугарч байгаа нь хөөрхий боломжоо алдсан жижиг дундынхан.

Саяхан нэг залуугийн тайлан нийгмийн сүлжээнд тавигдсан байна лээ. ЖДҮХС-гаас зээл авч чадалгүй ББСБ-аас мөнгө зээлсэн тухай. 40 м.кв байраа банк бусад тавиад 19 сая төгрөг зээлж, жилийн дотор долоон сая төгрөгийн хүү төлсөн. Жижиг дундынхан ийм л байдаг. Үсрээд 200 саяын зээл хүснэ. Түүнийхээ барьцаа хөрөнгө гэж байдгаа банкинд тавина. УИХ, Засгийн газрын гишүүд шиг тэрбум тэрбумаар нь авахгүй. Яагаад гэвэл зээлийн баталгаа буюу үндсэн хөрөнгө гэж юм байхгүй учраас. Харин манай гишүүд юу гэлээ? “Барьцаа хөрөнгө нь хүрээд зээлийн шаардлага хангасан учраас зээл авсан” гэж Н.Оюундарь гишүүн хэлсэн. Дээрэлхэж чадж байгаа юм шүү.

Одоо МАН дотор жинхэнэ “том гарын” зодоон эхлэх гэж байна. Ерөнхий сайд У.Хүрэлсүх дараачийн далайлтаар УИХ-ын дарга М.Энхболд, Нийслэлийн Засаг дарга С.Батболд нарыг албан тушаалаас нь чөлөөлнө гэв. С.Батболдын асуудлыг НИТХ-ийн хурлаар шийдэх ёстой. Харин М.Энхболд яах бол?

Ямартай ч дээдчүүдийн дунд “үхэх сэхэхээ үзэх” эцсийн тулаан удахгүй эхлэх бололтой. Эсвэл ингэсгээд ханцуй дотроо тохиролцоод нам болж ч мэднэ. МАН ингэж сурсан нам л даа. Учиргүй нэг шуурганаар явчихгүй л болов уу. Гэвч энэ зодооноос “гэм зэмгүй” иргэд юу хожих бол? Яг үнэндээ ЖДҮ болон Засгийн газрын бусад сангуудад үүсээд байгаа дарга нарын бие биедээ найр тавьсан энэ ууж идэлтийн уг сурвалж нь бид өөрсдөө гэдгийг гадарласан болов уу?

2012 оны сонгуулиар МАН сонгогчийн саналыг 20 мянгаар хулалдаж авсан. Сүүлийн сонгуулиар 100 мянга хүрсэн. МАН-ын сонгуулиар тараасан тэр бүх “гарз хохирол” нийлж цуглаад өнөөдөр бидний халааснаас, бидний боломжоос, ЖДҮ-ийн сангаас төлөгдөж байгаа гэдгийг ухаарсан болов уу? Олуулаа нийлээд цөөнхийнхөө боломжийг хулгайлснаа мэдсэн болов уу? Үнэгүй бяслаг зөвхөн хулганы хавханд бий. Харин бид одоо хавханд байна. Засгийн газар хэдэн удаа солигдлоо ч бид 60 тэрбумынхнаас салж чадахгүй. Тэд зарцуулсан мөнгөө ямар ч аргаар хамаагүй буцаагаад нугалаад авна. Хүүхдээ сургууль, цэцэрлэгт оруулахдаа, төрийн байгууллагаас үйлчилгээ авахдаа, эсвэл ажилд орох, албан тушаалын шат, гишгүүр ахих тоолондоо бид татвараа төлсөөр л байх болно. Чөтгөрийн тойрог үргэлжилнэ. Энэ л бодит байдал. Яагаад гэвэл энэ бүхэн бидний хийсэн сонголт. Бид л энэ замыг сонгосон шүү дээ.

Хүнийг хувцсаар нь угтаж, ухаанаар нь үддэг гэдэг. Харин бид “Таныг төлөөлж, таны эрх ашгийн төлөө тэр танхимд чинь сууя” гээд ирсэн хүний ухааныг нь уудлахаас илүү халаасыг нь тэмтэрч үзээд буцаадаг. Мөнгөгүй, өгөхгүй гэвэл бараг л гуйлгачин шиг үзнэ. Өөрсдийнхөө төлөө сонголт хийж байж албатай юм шиг шан харамж нэхнэ. Мөнгөтэй хүн харахаараа аав ээжээ хүртэл мартана. Сайхан үг, хоосон амлалтад балчир хүүхэд шиг хууртана. Үнэн үг хэлсэн хүнд учир шалтгаангүй өширхөнө. Өөрсдийнхөө алдаанд өрөөлийг дандаа буруутгана. Эцсийн эцэст энэ бодлогогүй, харанхуй, гэнэн байдал чинь төрд гарсан хувалзуудыг тэжээж тэтгэх хөрс суурь нь болж байна. Яг үнэндээ нэг нь нөгөөгөөсөө ялгарах юмгүй хог шаарууд эрх мэдлийн төлөө зодолдож байна. Бие биенийхээ муу муухайг ухах тусмаа хурдан цэвэршинэ. Харин бидний толгой доторх хог новшийг хэн цэвэрлэх вэ?

Б.СЭМҮҮН

Зургийг ikon.mn-ээс

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 32 мин Шөнийн автобус 22:00-02:00 цагийн хооронд үйлчилж байна 2 цаг 38 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 42 мин Засгийн газар: Төрийн өмчит компанийн тоог 85 болгон цөөлнө 3 цаг 27 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 40 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 57 мин Мэдээж “Ар нь түүз!” 10 цаг 8 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 26 мин Улаанбаатарт өдөртөө 8 хэм хүйтэн 10 цаг 33 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 37 мин Д.Трамп Хятадад Ким Жөн Унтай уулзаж магадгүй гэв 10 цаг 42 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 47 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 52 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top