Монголын эдийн засаг 2019 онд 5-8,5 хувиар өснө гэж Монгол Улсын төв банк урьдчилан төлөвлөж байна. Энэ онд хэрэгжүүлсэн төрийн мөнгө-зээлийн бодлогын хүрээнд ирэх 2019 онд онд ийм дэвшил гарна гэснийг хятадын Синхуа агентлаг дамжуулжээ.
Олон улсын валютын сангийн санхүүжилтийн өргөтгөсөн хөтөлбөрийн хүрээнд авч хэрэгжүүлсэн мөнгө зээлийн болон төсвийн бодлого, уул уурхайн үйлдвэрлэлийн хөгжил, төрийн болон хувийн хэвшлийнхний хөдөлмөрийн хөлс нэмэгдсэн зэргийг үндэслэн ийм төлөв гарч байна гэж Төв банкны шинжээчид тэмдэглэжээ.
Шинжээчид бас зэсний хүдэр дэх алтны агууламж өндөр байгаа, нүүрсний үнэ тогтвортой байгаа нь уул уурхай, олборлолтын салбар ирэх онд өсөлттэй гарах нөхцөл бүрдүүлж байна гэж үзэж байна.
“Ганцхан 2019 онд түүхий эдийн үнэ унах юм бол ашигт малтмалын олборлолтыг бууруулахад хүргэж мэдэх юм” гэж тэд хэлжээ. Гэхдээ 2020 оноос эхлээд зарим түүхий эдийн үнэ өсч ашигт малтмалын олборлолтыг тогтворжуулж, нэмэгдүүлэх байх гэж харж байгаагаа онцолсон байна.
Монгол Улсын Төв банк 2019-2020 онд инфляцийг найман хувийн хүрээнд хадгалаад, богино хугацааны төлөвөөр зургаан хувийн түвшинд барьж тогтоворжуулахаар шийдвэрлэжээ.
24barimt.mn
