x

Ардын намынхан намайг хугалж дийлэхгүй ээ!

Нийслэлийн Ардын намаас миний эсрэг "Үүл Баатарын балаг" нэртэй эвлүүлэг захиалж хийлгээд интернэтээр цацаж!

Мөн миний бие, энэ контенттой холбогдуулаад зарим зүйлийг тодруулангаа өөрийн бодлыг өчье.

Манай ард иргэд нийтээрээ мэдэх болсон 60 тэрбумын хуйвалдааны гол бай нь миний бие байсныг 60 тэрбумын гэгдэх болсон бичлэгээс та бүхэн сонссон байх. Тэр бол, Нийслэлийн Ардын намын дарга нь; Бат-Үүлийг нэрээ татах байдалд хүртэл нь гүтгэн дайрна, гүтгэлэгтээ хүүг нь татан оролцуулна, нийслэлийн сонгуульд ялахын тулд наад зах нь 60 тэрбум цуглуулна гэх зэргээр хэлээд тэр үйл ажиллагааныхаа арга зүйг том намын даргадаа танилцуулж буй бичлэг.

Монголд анх удаа МАН-аас нэг хүний эсрэг зохион байгуулах үйл ажиллагааны нууц төлөвлөгөө цаг алдалгүй илчлэгдсэн нь энэ бололтой. 60 тэрбум төгрөгөөр зохион байгуулагдах үйл ажиллагаа гэдэг ямар хүчтэй, ямар өргөн цар хүрээтэй болох нь ойлгомжтой билээ.

Өнөөдөр хүртэл тэр үйл ажиллагаа үргэлжилсээр байгаа аж!

Батболд 60 тэрбумын операцийн залгамж халааг аваад "Үүл баатарын балаг" нэртэйгээр үргэлжлүүлж байна. Сундуй нь нийслэлийн намын дарга байхдаа тараадаг байсан тэр гүтгэлгүүдийг, шинэчилсэн найруулга, тавилттайгаар цацаж байна. Батболдын гар хөл болсон нүүрээ нуусан лалрууд нь миний эсрэг гүтгэлгийг онлайнаар нэг хөөрөгдөн түгээж байна. Онлайныг 24 цаг сахиж байгаад ажлаа хийж байна даа.

Ардын нам намайг ардчилал, эрх чөлөөний төлөө тэмцэж эхэлсэн тэр өдрөөс хойш 30 жилийн турш гүтгэлэг, доромжлолоор "цовдолсоор" ирсэн. Би, Монгол Улсаа Зөвлөлт гүрний колончлолоос чөлөөлж, монгол хүнээ эрх, эрх чөлөөтэй болгохын тулд тэмцсэнээс өөр ямар ч гэм хийгээгүй.

Сайн аав, ээжийнхээ буянаар шударга хүн болж хүмүүжсэн юм. 40 мянгатынхаа буянаар андын тангарагтаа үнэнч байдаг эр хүн болж торнисон. Амиа бодож, шуналдаа хөтлөгдсөн хөгийн амьтан болж өсөөгүй юм, би.

Миний ахуй намайг эрх чөлөөнд амиа тавин дурладаг хүн болгон хөглөсөн билээ! Тэгээд эрх чөлөөний төлөө тэмцэхээс өөр хэрэг хийгээгүй ээ!

Ардын нам намайг; хулгайч ,дээрэмчин, анд нөхрөө алсан алуурчин, идээчин угаачин зэргээр нүүр нүдгүй нүдэж гүтгэхдээ хэтрүүлж, муу хүнд байтугай ад зэтгэрт чиг ахдахаар нүгэл хилэнцийг над дээр овоолон доромжилсон юм. Надаар зогссонгүй. Хүүгээ хайрлан өмгөөлснийх нь төлөө аавыг минь гутаах зорилгоор мэргэжил нэгт атаархагчдаар нь хүртэл дайруулан гүтгэж байв. Үеийн нь үхширсэн коммунистууд, буриад цагаачаар нь дуудаад, ална, устгана, Монголоос зайлуулна гэх мэтээр заналхийлж байлаа.

Аавынхаа дэвшүүлсэн гэр хорооллыг хөгжүүлэх зорилгыг дэмжин үлгэрлэх гэж ажилласан хүүгийн маань төслийг улстөржүүлж гацаагаад идээчин, угаачин, офшорчин болгон гутааж дөнгөсөн. Миний хүү төрийн алба огт хашиж үзээгүй! Үеийнхэнтэйгээ мөр зэрэгцэн хувийн хэвшилд зүтгэсэн хүн. Монгол улсын иргэдийн эдэлдэг эрхийг л эдэлж яваа. Тусгай эрх эдэлж аавынхаа татлаа, түлхэлтээр явж байгаагүй.

Амгалангийн дахин төлөвлөлтийн төслийг нь тэндхийн иргэд нь дэмжсэн. Би болиулах гэж иргэдийг нь ятгаад дийлээгүй. Гэхдээ, Чулуудайгийн дахин төлөвлөлтийн төслийн хэрэгжилт нийтэд ил тод, шилэн явагдаж байсан юм шүү! Хэнээс ч нууж хаагаагүй. Даанч, Ардын намынхан л улстөрийн зорилгоор улыг нь шагайхаас өөр, бусад жирийн иргэд мөшгиж сонирхоогүй дээ.

Энэ тухай миний хүү "Цензүргүй яриа" зэрэг хэвлэл мэдээллийн хэрэгслээр зөндөө учирлан тайлбарласан. Гэхдээ юмыг харлуулах нь цайруулахаас олон дахин үр дүнтэй байдгийг мэддэг Ардын намынхан ил, далд дайрсаар мянгантаа гүтгэхэд ямар ч худал үг үнэн болдог ёсоор хүүг маань харлуулж чадсан билээ.

Тийм ээ! Ардын нам намайг зөвлөлт дэглэмийг нурааж, социализмыг халахын төлөө тэмцсэнд өширхөн зуухдаа гурван үеэр минь дайран доромжилсоор өнөөдрийг хүрчээ. Би хэн нэгэнд дайсагнаагүй, эрх чөлөөтэй Монголын төлөө л тэмцсэн. Зарим хүмүүс надаас, 90 онд Зөвлөлтийн коммунист намыг хааж байхад Ардын намыг устгаагүйн бурууг нэхэж ам асуудаг. Зоригийг алагдсан тэр мөчид Ардын намын цагаан байр руу бухимдсан олон түмнийг дайруулаагүйг буруушааж ам асуудаг. 7-р сарын 1-ний хэрэг явдлыг ард түмний бослого болгоогүйн хариуг нэхэж бас ам асуудаг юм.

Би, иргэдийнхээ эрх чөлөөний төлөө, тэр дотроо Ардын намын гишүүдийн ч эрх чөлөөний төлөө тэмцсэн болохоос монголчуудыг хооронд нь алалдуулахын төлөө тэмцээгүй. Одоо ч ийм байр суурьтай! Ардын намынхан намайг яаж ч хорсолтойгоор "цовдолж" байсан байр суурь маань хэвээрээ! Яагаад гэвэл монголчууд хоорондоо алалдах юм бол Монгол ч үгүй, Эрх чөлөө ч үгүй болно.

Ардын нам бол хомопостсоветикуудын улстөрийн "хуаран". Тэд социализмын үеийн ангийн сурталд нэвт автсан хүмүүс бөгөөд үүнийгээ боловсрол хэмээн эндүүрдэг. Чөлөөт ниймийн боловсрол тэдэнд үгүй. Ямар ч Харвард, Оксфорд мэтийн сургалтаар хомопостсоветик улстөрчдийн боловсролыг шинэчлэх боломжгүй болох нь өнгөрсөн хугацаанд харагдсан.

Монголчуудын аз дутахад хомопостсоветик улстөрчид нийгмийг удирдаж, тэдний оюуны хомсдол Монголын хөгжлийг гацаадаг билээ. Үүний нэг тод жишээ нь Нийслэлийн засаг дарга Батболдын гэр хорооллыг дорд үзэж байгаа мунхаглал болно.

Батболдын социалист боловсрол нь:

- Гэр хорооллын хашааны газарт байгаа "капиталын нууц"-ыг,

- Хашааны газрын эздийн ипотек нь макро эдийн засгийн нийт эрэлтийг дэмжих менежментийн нэг гол хэрэгсэл мөн болохыг,

- Нийгмийн гишүүдийнхээ нэг хэсгийг ялгаварлан үйлчилдэг эдийн засгийн инститүц нь эдийн засгийн хөгжлийг гацааж боодог учиртайг мэдэхгүй байна.

Ядахдаа, "гэр хорооллын дахин төлөвлөлт", "сайн хашаа" хоёрын ялгааг ойлгохгүй харанхуй байх даа яахав дээ! Гэр хорооллын дахин төлөвлөлт нь хашааны газрыг үнэ цэнэтэй болгох арга хэмжээ. Сайн хашаа бол хашааны газрыг эдийн засгийн эргэлтэд оруулах дараагийн үе шат. Ийм л энгийн зүйл. УИХ-аар батлуулсан, 2030 он хүртэл Улаанбаатарыг хөгжүүлэх үзэл баримтлал хэмээх баримт бичигт гэр хорооллыг хаус хороолол болгохоор тусгасан байгааг хараагүй аж.

Батболд муу ажиллаж байгаа нь миний буруу биш. Сонгогчид түүнд хангалтай эрх мэдэл өгсөн. Нийслэлийн Ардын нам Батболдынхоо төлөөсөнд намайг гүтгэн гутаагаад өөрсдийгөө аварч гарах гэж байгаа бол том эндүүрч байна. Улстөрийн ийм арга улиг болоод явахаа байсан!

Хүмүүс хэчнээн иррационал (онож бодохдоо тааруухан) ч гэлээ өөртөө хэрэгтэй бизнесийнхээ төлөө явах зөн билигтэй юм. Намайг тракторчидтойгоо хамт төв талбай дээр гарч ирэн тэмцэхдээ угтаа гэр хорооллын хашааны газрыг үнэт капитал болгохын төлөө явсныг гэр хорооллынхон мэднэ. Намайг, моргейжийн хөрөнгийг татаж гэр хорооллыг хаус хороолол болгохын төлөө явааг тэд мэднэ. Тэгэхээр, гэр хорооллынхон намайг дэмжиж дагах нь эргэлзээгүй!

Үгийнхээ төгсгөлд Монголын ардчилалтай холбогдуулан бас хэдэн үг өчье.

Ардын намын олигархууд ардчиллын нэр хүнд унаж буйд маадгар байна. Үнэхээр Ардчиллын хувьд сайнгүй цаг ирсэн гэдгийг би харж байгаа! Ардчиллын олгосон эрх, эрх чөлөөг хүмүүс "худалдахад" бэлэн болсон. Сонгогчид нь санал өгөх эрхээ, сэтгүүлчид нь хэвлэн нийтлэх эрх чөлөөгөө, уурлаж хилэгнэгсэд нь жагсаж цуглах эрх чөлөөгөө, шүүгчид нь хараат бус шүүхээ, ардчиллын партизанууд ардчиллаа "үнэ тохирвол" өгчихөд бэлэн болсон.

Дээрээс нь, дарангуйллын гамшгийг биеэр үзээгүй, мөн ардчиллаа зэрэмдэглэж орхисон эрэмдэг ардчилагчдыг харж өсөөд дур нь гутсан бүхэл бүтэн шинэ үе бий болсон. Тэд ардчилалд хайр найргүй "агсарч" байна. Ардчиллыг устгана гэхэд алга ташиж байна.

Ардчиллын эсрэг, шинэ залуу үеэр манлайлуулсан дуу хүчээ авах тусам ардчиллаа хамгаалан ган хийх хүн бараг байхгүй болсон. Намайг ардчиллаа хамгаалан улиглахад мохож шантарсан олон нөхөд маань "үзэгч"-ийн суудалд суусан. Тэдний өөдгүй зан ардчиллын төлөө тэмцэгчдийн эгнээг шингэлж байгаа. Энэ бүхнийг хараад олигархууд улам бүр даварч буй.

Одоохондоо олигархуудаас ирээдүйн дарангуйлагчид горилогсод нь цөөнгүй тул эрх мэдлээ булаацалдан үзэлцээд тохирч чадахгүй байна. Цаг нь болоход, тэдний хоорондын тэмцэл дундаас хамгийн хүний үнэргүй, араатан шиг нэг нь гадны дэмжлэгтэйгээр дарангуйлагчаар тодрох болно. Монголын түүх ийм жамтай юм шиг байна.Гэхдээ би цовдлуулж дуусах хүртлээ тэмцэнэ. Яагаад гэвэл би жинхэнэ монгол хүний ёсоор "Бусдын эрхэнд жаргахаар өөрийн эрхээр зовох"-ыг илүүд үздэг ээ! Олигархжсан Ардын нам намайг хугалж чадахгүй!

Өнөөдөр эрх чөлөөнөөс дайжиж дарангуйллыг урин залж байгаа тэр залуус хожим нь дарангуйллын хүчирхийллийг биеэр үзэн тэвчихээ болиод эрх чөлөөг эрэн тэмцэх цаг ирэх нь дамжиггүй. Эрх чөлөөг байхад нь түүнээс дайжих боловчиг дарангуйлалд "турсагаа хуулуулах"-ийн цагт орилж босдог нь хүмүүний араншин. Тэр үед монголчууд 90 оных шигээ ардчилалд хайртай болж, ардчиллын төлөө тэмцсэн бидний хөшөөг босгох болно! Дарангуйлагчийн хөшөөг нурааж дээрээс нь дэвсэх болно!

Э.Бат-Үүл /baabar.mn/ 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • зочин (103.212.119.133)
    баатар хүн мөнгө зохицуулж болохгүй гэж үү иим баатар олон байсан бол ч даанч бид азгүй юм даа лалар
    2018 оны 11 сарын 03 | Хариулах
  • зочин (103.212.119.133)
    баатараа инээд хүрээд болдоггүй
    2018 оны 11 сарын 03 | Хариулах
  • зочин (122.201.31.55)
    элбэгдоржийн баатар зөвхөн энэ нэр нь хэн болохы нь хэлээд байнашдээ
    2018 оны 11 сарын 01 | Хариулах
  • Үзэн ядаж байна (66.181.160.8)
    Би хүмүүжилтэй гэх мөртөө лалар гэж хараах яасан их хүмүүжилтэй лалар вэ
    2018 оны 10 сарын 30 | Хариулах
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 32 мин Шөнийн автобус 22:00-02:00 цагийн хооронд үйлчилж байна 2 цаг 38 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 42 мин Засгийн газар: Төрийн өмчит компанийн тоог 85 болгон цөөлнө 3 цаг 27 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 40 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 57 мин Мэдээж “Ар нь түүз!” 10 цаг 8 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 26 мин Улаанбаатарт өдөртөө 8 хэм хүйтэн 10 цаг 34 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 37 мин Д.Трамп Хятадад Ким Жөн Унтай уулзаж магадгүй гэв 10 цаг 42 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 47 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 52 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top