x

76 жижиг тойргийн гайг татвар төлөгчид үүрч эхэллээ

2019 оны төсвийн тухай хуулийг УИХ хэлэлцэж эхэллээ. Төсвийн хуультай хамт Нийгмийн даатгалын сангийн 2019 оны төсвийн тухай, Эрүүл мэндийн даатгалын сангийн 2019 оны төсвийн тухай хууль, 2019 оны төсвийн хүрээний мэдэгдлийг хэлэлцэж эхэлсэн боловч УИХ дахь АН-ын бүлэг уг асуудлаар завсарлага авсан тул төсвийн хэлэлцүүлэг ирэх баасан гаригт үргэлжлэхээр болов. УИХ дахь АН-ын бүлэг ирэх оны төсөв Монгол Улсын хөгжлийн бодлого, Засгийн газрын мөрийн хөтөлбөртэй хэрхэн нийцэж байгаа талаар Ерөнхий сайдаас мэдээлэл авсаны дараа төсвийн төслийг хэлэлцэх шаардлагатай гэсэн юм.

Засгийн газар 2019 онд төсвийн тэнцвэржүүлсэн орлого есөн их наяд 676,5 тэрбум төгрөг, зарлага 11 их наяд 589,8 тэрбум төгрөг буюу 1,9 их наядын алдагдалтай төсөв оруулж ирсэн байна. 2019 онд төсвийн хөрөнгө оруулалтаар хийж гүйцэтгэх төсөл, арга хэмжээний жагсаалтыг хоёр их наяд 546,8 тэрбум төгрөгөөр, үүнээс нэг их наяд 217 тэрбум 580 сая төгрөгийг 2019 онд санхүүжүүлэхээр оруулж ирсэн байна. Тухайлбал, Байгаль орчин, аялал жуулчлалын сайдын багцад 22 тэрбум төгрөгийн хөрөнгө оруулалт тавьсанаас хоёр тэрбумыг нь Хэнтийн Биндэр суманд “Их Монгол Улс-Эзэнт гүрний цогцолбор”-ын барилга барихад, дахиад хоёр тэрбумыг Батноров суманд “Хүлэг баатар Боорчи-Андлалын өргөө цогцолбор”-ын барилгад төсөвлөсөн байх жишээтэй.

Сангийн сайдын багцад 174 тэрбум төгрөгийн хөрөнгө оруулалт тавьснаас Ховд аймгийн Жаргалант сумын татварын хэлтсийн барилгад 1,350 тэрбум, Хэнтий аймгийн Хэрлэн сумын татварын хэлтсийн барилгад 1,350 тэрбум,

Хууль зүй, дотоод хэргийн сайдын багцад 80 тэрбумын хөрөнгө оруулалт төсөвлөснөөс дөрвөн тэрбум 300 орчим саяыг “Хууль зүй, дотоод хэргийн салбарын нэгдсэн контор” (Улаанбаатар, Чингэлтэй дүүрэг) барихад,

Хөдөлмөр нийгмийн хамгааллын сайдын багцад 48 тэрбумын хөрөнгө оруулалт төсөвлөсний 3,2 тэрбумыг Сайншандад “Хөгжлийн бэрхшэлтэй иргэд, ахмад, эмэгтэйчүүдийн хөгжлийн төв”-ийн барилгад,  Дорнод аймгийн Хэрлэн суманд “Хөгжлийн бэрхшээлтэй хүүхэд, иргэдийн төв”-ийн барилгад дөрвөн тэрбумыг, Хэнтий аймгийн Хэрлэн суманд “Хөдөлмөр халамжийн үйлчилгээний газрын иргэдэд үйлчлэх төв”-ийн барилгад 1,5 тэрбум төгрөг төсөвлөсөн байх жишээтэй.

БСШУС-ын сайдын багцад хамгийн их буюу 925 тэрбум төгрөгийн хөрөнгө оруулалт төсөвлөснөөс 681 тэрбумыг нь сургууль, цэцэрлэгийн барилга барихад. Нийслэлт болон 21 аймагт 310 байршилд сургуул цэцэрлэгийн барилга шинээр эхлүүлж, нэг сургууль цэцэрлэг барихад дунджаар хоёр тэрбум төгрөг тавьсан байна. Хүн ам бага оршин суудаг алслагдсан сумд руугаа төсвийн хөрөнгө оруулалт чирсэн хэвээр. Харин гурван ээлжээр хичээллэж байгаа нийслэлийн сургуулиуд ирэх жилүүдэд энэ хэвээрээ л үлдэх юм байна. Тэгсэн хэрнээ 23 суманд соёлын төв барихад 60,5 тэрбум төгрөг тавьсан байх жишээтэй. Үүнээс гадна бараг аймаг болгонд Хөгжимт драмын театрын барилга шинээр барьж өгөх юм байна.

ЗГХЭГ-ын даргын багцад 47 тэрбумын төгрөгийн хөрөнгө оруулалт тавьсанаас долоон тэрбумаар нь долоон суманд ЗДТГ-ын барилга барих нь. Дарга нар нь шинэ ордонд тухлах гэж байгаа сумдын хоёр нь Баянхонгор аймгийнх. Хөвсгөл аймгийн Алаг-Эрдэнэ, Хатгал суманд Захирагчийн албаны барилга барихад нэг тэрбум гаруй төгрөг төсөвлөсөн нь ЗДТГ-ын барилгаас тусдаа бололтой.

Гэхмэтчилэн төсвийн хөрөнгө оруулалтыг 330 сумддаа тараадаг хуучин зуршил эргээд ирлээ. Жилийн жилд төсвөө хамгийн их алдагдалтай байхаар баталдгийн жинхэнэ шалтгаан энэ. Сонгуулийн хуулиа өөрчилж, 76 жижиг тойрогтой болсны гай гамшгийг татвар төлөгчид үүрч эхэллээ.

2018 онд нүүрснээс 2.2 их наяд, алтнаас 1.8 их наяд төгрөгийн орлого олсон, дээрээс нь татварын орлого давж биелж байгаа. Ирэх онд ч мөн тийм байна. Гэтэл төсвөөс тэжээгддэг, урсгал зардал шаарддаг барилга байшингуудаа л нэмээд байгаа болохоос баялаг бий болгох, үйлдвэрлэлийг дэмжих тал дээр нэг ч төгрөг алга. Уул уурхайн сайдын багцад хоёрхон тэрбум төгрөгийн хөрөнгө оруулалт тавьсан нь “Зэсийн баяжмалийн үйлдвэр барих ТЭЗҮ-ийг боловсруулах” зардал гэнэ. Тийм байж “Уул уурхайн салбар Монголыг авч явна. Үйлдвэржилтийг дэмжинэ” гэж ярихын хэрэг байна уу?

Б.ЗАЯА

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Zochin (64.119.26.106)
    Төсөвөө иймэрхшүү зүйлд зарцуулахаар яаж хөгжих вэ дээ. Тендер нэрээр хулгай хийгээд дуусна
    2018 оны 10 сарын 10 | Хариулах
iШинэ мэдээ
Элрэн баларч буй Л.Оюун-Эрдэнийн цаг хугацаа 6 цаг 29 мин “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүлэв 8 цаг 3 мин Монгол Улсын Засгийн газар, НҮБ-ын хамтарсан удирдах хорооны хуралдаан боллоо 8 цаг 28 мин Шар усны үерийн аюулаас урьдчилан сэргийлнэ үү! 8 цаг 46 мин П.Сайнзориг: Шинэ Зуунмод дагуул хотыг байгуулснаар Улаанбаатарын төвлөрөл, түгжрэл бүрэн шийдэгдэхгүй 9 цаг 3 мин Өнөөдөр нутгийн зүүн хэсгээр салхитай хүйтэн байна 9 цаг 22 мин ЗГХЭГ-ын даргын хэлсэн ДОЛООН ХУДАЛ 21 цаг 46 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 21 цаг 56 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 22 цаг 59 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 23 цаг 16 мин "Титаник” киноны Рөүзийн амийг аварсан тавцанг дуудлагаар худалджээ 23 цаг 16 мин Хотын төвийн зогсоолуудад 47,400 автомашин бүтэн өдрөөр байршдаг 23 цаг 24 мин Цусны хорт хавдрыг ялан дийлсэн Икээ Парисын Олимпод өрсөлдөнө 23 цаг 36 мин Ойрын хоёр хоногтоо нутгийн зүүн хэсгээр салхитай хүйтэн байна 23 цаг 50 мин Дотоодын цэрэг өндөр чадвартай хөдөлгөөнт хүчинтэй болно 23 цаг 53 мин Голомт банк “Их засаг” олон улсын их сургуультай хамтран ажиллана Өчигдөр 17 цаг 34 мин Гамшгийн үеийн зарлан мэдээллийн дуут дохиотой дадлага сургуулилалт хийлээ Өчигдөр 17 цаг 30 мин Зарлан мэдээллийн дохиогоор дадлага сургуулилалт хийлээ Өчигдөр 17 цаг 17 мин Дөрөвдүгээр сард болох үндэсний бөхийн барилдааны хуваарь Өчигдөр 16 цаг 41 мин Өнөөдөр 16:00 цагт орон даяар гамшгийн дохио дуугарна Өчигдөр 14 цаг 27 мин
iИх уншсан
Найруулагч П.Лхагвадулам: Сэтгэлээс гардаггүй тийм л мэдрэмж... Чингэлэг чингэлгээр зөөсөн нүүрсний мөнгийг Сү.Батболдын "бо... ОРОС дахь АЛЛАГА Н.Учрал гишүүний эргэн ирэлт ба Эмийн жорын “цахимжилт” 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Элрэн баларч буй Л.Оюун-Эрдэнийн цаг хугацаа ЗГХЭГ-ын даргын хэлсэн ДОЛООН ХУДАЛ Дөрөвдүгээр сард ихэнх нутгаар салхи шуургатай, хүйтэн байх ... Батсүмбэр сумын 100 жилийн ойн барилдаанд улсын заан Б.Серик... Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б... Японд болсон газар хөдлөлтөөс хүчтэй хөдлөлт манай оронд дөр... Монгол Улсын Ерөнхийлөгч У.Хүрэлсүх ОХУ-ын Ерөнхийлөгч В.Пут...
Top