x

АТГ-ыг хүн хорьдог газар уу, хэрэг илрүүлдэг байгууллага уу?

Цагдаагийн албан тушаалтнууд уул уурхайн компанитай холбоотой авлигын хэрэгт шалгагдаж, энэ хэрэгтэй холбоотой 1,3 сая ам.долларыг айлын гэрээс хураасан тухай дуулиан дэгдээд удаагүй байна. Энэ мөнгийг нууж байсан этгээд ямар нэгэн албан тушаалтан биш. Төрийн албан хаагч ч биш, энгийн иргэн” АТГ-ийн Хэвлэл, олон нийттэй харилцах ажилтан, комиссар Т.Мөнхтунгалаг ингэж мэдэгдсэн.

Тэгвэл энэ хэргийг яагаад цагдаагийн байгууллага биш, АТГ шалгаж байгаа хэрэг вэ? Учир нь цагдаагийн албан хаагч төрийн албан хаагч учраас тэдэнтэй холбоотой авлига, албан тушаалын хэргийг хуулиараа АТГ-т харъяалуулсан гэнэ.

Уг нь бол энэ хэрэг ашигт малтмалын лиценз худалдсан, худалдаж авсан хоёр иргэний хооронд үүссэн маргаан. Нэг нь лицензээ худалдсаныхаа дараа тэр нь өөрийнх нь зарсан үнээс хавьгүй илүү үнэ цэнэтэй орд байсныг мэдээд наймаа буцсан, нөгөөх нь лицензийг буцаахгүйн тулд шүүхэд хандсан. 5-6 жил шүүхээр явсан энэ маргаанд цагдаагийн албан тушаалтнууд (шүүх шинжилгээнийнхэн) оролцож, хуурамчаар дүгнэлт гаргасан, эсвэл хуурамч болохыг нь нотлохын тулд хуурамч дүгнэлт гаргасан. Ийм л зүйл болсон аж.

Саяхан АТГ-ынхан сар бүрийн ээлжит мэдээллээ хийхдээ “Иргэний нисэхийн ерөнхий газар гадаадад гэрээгээр сургаж байгаа оюутнуудын сургалтын төлбөрт 2013-2016 онд буюу дөрвөн жилийн дотор 9.8 тэрбум төгрөг төлсөн. ИНЕГ-ын тэтгэлгээр 2015-2017 онд 93 оюутан гадаад улсад суралцан төгссөнөөс 39 нь ажилд ороогүй, 2017 онд 13 оюутан төгсөж ирснээс 12 ажилд ороогүй байна. 2017 онд тус газрын тэтгэлгээр нийт 22 хүн гадаадад суралцахаар явснаас 16 оюутны эцэг, эх нь Зам тээврийн яам, ИНЕГ, “МИАТ” ТӨХК, Улаанбаатар төмөр зам ХНН-т ажиллаж байсан болон одоо ажиллаж байгаа хүмүүс, тэдгээрийн хамаарал бүхий этгээд байна” хэмээн мэдээлсэн. Өөрөөр хэлбэл, 16 хүн дээр шинээр хавтаст хэрэг нээх нь л дээ, АТГ.

Дээр нь сургууль, цэцэрлэгийн захирлууд, эмч, багш нар бүгд АТГ-ын “эрхлэх ажлын хүрээний” ёстой субект болчихоод байгаа. Эцэг эхээс, өвчтөнөөсөө “набор, цэцэг” авсан ч АТГ шалгана. Сүүлийн жилүүдэд АТГ сургуулийн захирал, хичээлийн эрхлэгч нартай л хөөцөлдөөд байснаас яг авлигын том хэргүүдээ шийдвэрлэж чадсан уу? Нөгөө Оюутолгойн гэрээнд оролцсон гурван сайд, “Эрдэнэт”-ийг барьцаанд тавьсан захирлуудын асуудал юу болсон бэ? Таг чиг. Нийгэмд шуугиан үүсээд ирэхээр л хэдэн хүнийг барьж хорьдог, хэргээ илрүүлж чадахгүй болохоороо буцаагаад тавьдаг тийм л ажил хийж байна. “Авлигатай тэмцэх” гэсэн сайхан нэртэй “шүдгүй арслан” л болоод байна.

Хэрвээ АТГ гэмт хэрэгтэй тэмцдэг байгууллага мөн юм бол гэмт хэрэгтэй тэмцэх чиг үүргийг хэрэгжүүлдэг Засгийн газар, Хууль зүйн яамандаа харьяалах ёстой. Гэтэл дарга удирдлагыг нь УИХ-аас томилдог, чөлөөлдөг, УИХ-ын өмнө үйл ажиллагаагаа тайлагнадаг байхаар гэмт хэрэгтэй тэмцэх чиг үүргийг хэн хэрэгжүүлээд байгаа нь тодорхойгүй. АТГ гэмт хэрэг илрүүлэх, үгүй нь сонин биш, дарга удирдлага нь хэний хүн байх вэ, хэний эрх ашгийг төлөөлөх вэ? гэдэг л тэмцэл явж байна.

Өнгөрсөн хавар тавдугаар сард Ерөнхийлөгч Х.Баттулга “АТГ-ын дарга, дэд даргад нэр дэвшүүлэх эрхээ ард түмэнтэйгээ хуваалцаж байна” гээд цахимаар санал асуулга явуулж, хоёр хүнийг нэр дэвшүүлэн УИХ-ын даргад хүргүүлсэн. УИХ-ын дарга хариуд нь “АТГ-ын дарга, дэд даргыг томилох чөлөөлөх эрх нь УИХ-д бий. УИХ АТГ-ын даргыг чөлөөлөх шийдвэр гаргаагүй” гэж хэлээд буцаасан. Нэг нь АТГ авлигын хэрэгтэй тэмцэж чадахгүй байна гээд, нөгөө нь тэмцэж байгаа гээд суугаад байдаг. Яг үнэндээ хууль нь ийм байхад тэнд хэн ч байгаад “Авлигатай тэмцэх” боломжгүй юм байна гэдгийг бид бүгдээрээ 10 жил харлаа, үзлээ. Харин хэн хүчтэй байна, тэрний нөмөрт хоргоддог, хий гэснийг нь хийдэг, хийсэн болж харагдахыг хичээдэг тийм л байгууллага болж.

Саяхан “мандсан” 1,3 сая ам.долларын хэрэг ч гэсэн ялгаагүй мөнгөтэй, эрх мэдэлтэй хүмүүсийн зодоон гэдэг яриа үнэн байх талтай. Авлига авсан гээд байгаа цагдаагийнхнийг барьж хорисны дараа авлига өгсөн гээд байгаа хятадууд нь бүгд хилээр гараад явчихсан. Монголын хилээр ороод ирвэл бариад авах нь тодорхой учраас тэд эргэж ирэхгүй нь тодорхой. Харин уул уурхайн лиценз нь манай бас нэг “олигархийн” гарт очих биз. Манай хууль, хүчний байгууллагууд иймэрхүү “дээрмийн” ажиллагаанд оролцож байсан нь ямар анхных биш дээ.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 2 цаг 44 мин Шөнийн автобус 22:00-02:00 цагийн хооронд үйлчилж байна 2 цаг 50 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 2 цаг 55 мин Засгийн газар: Төрийн өмчит компанийн тоог 85 болгон цөөлнө 3 цаг 39 мин ТББХ Ерөнхийлөгчийн чөлөөлөгдөх хүсэлтийг дэмжлээ 3 цаг 52 мин З.Мэндсайхан: Оюу Толгойн хэлэлцээрийн баг удахгүй ирнэ 10 цаг 9 мин Мэдээж “Ар нь түүз!” 10 цаг 21 мин И-спорт болон оюуны спортын Азийн анхдугаар наадмыг 2027 онд зохион байгуулна 10 цаг 38 мин Улаанбаатарт өдөртөө 8 хэм хүйтэн 10 цаг 46 мин Аймгуудын өрсөлдөх чадварын 2026 оны тайлангийн үр дүнг танилцуулна 10 цаг 49 мин Д.Трамп Хятадад Ким Жөн Унтай уулзаж магадгүй гэв 10 цаг 54 мин Тайванийн Гадаад хэргийн сайд АНУ-д хоёр дахь удаагаа очжээ 10 цаг 59 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 11 цаг 4 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top