x

Монгол улсыг эдийн засгаа золин байж коронавирусийг тогтоосон гэжээ

Монгол Улс дотооддоо коронавирусийн халдварыг алдалгүй, ард иргэдийнхээ эрүүл мэндийг маш сайн хамгаалж байна. 2020 оны 8 дугаар сарын байдлаар тус улсад гадаадаас зөөвөрлөгдөн ирсэн 300 тохиолдол бүртгэгдсэн бөгөөд нэг ч хүн нас бараагүй гэсэн эерэг үзүүлэлттэй байгаа билээ. Монголын хэрэгжүүлж буй хязгаарлалтын стратеги нь бизнесүүд эргэн нээгдэх цаашлаад парламентын сонгуулийг явуулах боломжийг олгосон юм. Гэвч энэ бүх үр дүн үнэтэй. Экспортод тулгуурласан эдийн засгаа сэргээж, уул овоо шиг овоорсон өрөө төлөх хүндхэн асуудалтай нүүр тулгараад байгаа нь дээр дурдсан үр дүн, боломжуудын төлөөс юм.

Монгол улс энэ оны 1 дүгээр сараас эхлэн ДЭМБ-тай нягт хамтран ажиллаж, байгууллагууд хоорондын хамтын ажиллагааг уялдуулсан онцгой байдлын удирдлагын системийг идэвхжүүлсэн. Энэхүү систем нь Онцгой байдлын ерөнхий газар тэргүүтэй Улсын онцгой комиссын үйл ажиллагааг бэхжүүлсэн юм.

Тус улс 1 дүгээр сарын сүүлчээс аялагчид, зорчигчдод эрүүл мэндийн үзлэг хийж, улмаар 3 дугаар сараас олон улсын нислэг, галт тэрэгний хөдөлгөөнийг зогсоосон юм. Гадаадаас ирж буй бүх хүн шинжилгээнд хамрагдаж, 3 долоо хоногийн тусгаарлалт болон 2 долоо хоногийн нэмэлт хувийн тусгаарлалтад байх шаардлагыг нэвтрүүлсэн байна. Үүний зэрэгцээ 2 дугаар сард Цагаан сарын баярын үеэр хөл хорионы дэглэм тогтоож, Улсын их баяр наадмыг хүртэл үзэгчгүй зохион байгуулсан.

Монгол Улсын эрх баригчдын хэрэгжүүлсэн дээрх арга хэмжээнүүд ард иргэдийн дунд коронавирусний халдвар тархахаас амжилттай хамгаалж чадсан юм. Одоогийн байдлаар гадаадаас 60 мянга гаруй монгол эх орондоо ирснээс халдварын 300 тохиолдол /дийлэнх нь ОХУ-аас ирсэн/ илэрч, 289 нь эдгэрээд байна. Тавдугаар сард ресторан, зочид буудал, амралтын газрууд гээд дийлэнх бизнесүүд эргэн нээгджээ. Монголд халдвар тархахаас сэргийлэхэд хүн ам бага, тусгаарлалтын арга хэмжээ зэрэг зүйлс тус болсон боловч аялал жуучлалын хязгаарлалтыг сулруулах нь халдварын тохиолдол нэмэгдэхэд хүргэж болзошгүй юм.

Ард иргэдийн өдөр тутмын амьдрал, эдийн засгийн үйл ажиллагаа орон даяар бараг хэвийн болсон хэдий ч хил хаалттай, дэлхийн эдийн засгийн өсөлт буурсан зэрэг нь Монголын эдийн засагт хүчтэй нөлөөлж байна. Энэ оны эхний 6 сарын байдлаар Монголын ДНБ 9.7 хувь, экспорт 40 гаруй хувиар буурч, төсвийн алдагдал ДНБ-ийн 10 хувьтай тэнцэх хэмжээнд хүрчээ. Монголын экспортын дийлэнх хувийг эзэлдэг нүүрс, зэс, газрын тос зэрэг байгалийн баялаг болон хөдөө аж ахуйн бүтээгдэхүүний эрэлт олон улсад буурсан нь тус улсын эдийн засагт нөлөөлөв.

Үүнээс гадна Рио Тинто компанийн хэрэгжүүлж буй зэс, алтны Оюутолгой төсөл Монголын Засгийн газартай үүсээд буй маргаан болон техникийн улмаас үйл ажиллагаа нь саатаж, зардлын хэтрэл гэх мэт асуудалтай тулгараад байна. Хил хаасны улмаас Оюутолгой ордын зэсийн экспорт саатжээ. Мөн хязгаарлалтын улмаас уг төслийн гол мэргэжилтнүүд ирж чадахгүй байгаа нь саатлыг улам даамжруулж, нөхцөл байдал тодорхойгүй байдалд оржээ. Бас ноолуурын эрэлт буурсан нь монгол малчдад хүртэл нөлөөлжээ.

Монгол Улсын экспортын 90 гаруй хувь нь БНХАУ руу гардаг учир эдийн засгийн хувьд тус улстай нягт холбоотой байдаг. Худалдааг сэргээх зорилгоор хилийг эргэн нээх арга хэмжээ авсан хэдий ч коронавирусийн тархалтаас болгоомжлох болон зах зээлийн тасалдал гэх зэргээс үүдэн экспорт буурсан хэвээр байна. Монголын Засгийн газрын өр ДНБ-ий 77 хувьтай тэнцэх хэмжээнд хүрсэн нь бас нэгэн санаа зовоосон асуудал болжээ.

Дэлхийн эдийн засгийн нөхцөл байдал хэзээ сайжрах нь тодорхойгүй, мөн байгалийн баялгийн экспортоос хэт хамааралтай, Засгийн газар болон хувийн хэвшлийн өрийн хэмжээ маш өндөр зэргийг нь харгалзан Монгол Улс урт хугацааны эдийн засгийн эрсдэлд орж болзошгүй гэж Олон улсын валютын сан анхааруулсан байна. Мөн тус улс Засгийн газрын богино хугацааны санхүүгийн шаардлагыг хангахын тулд Азийн хөгжлийн банк, Дэлхийн банк, Олон улсын валютын сангаас олон улсын тусламж авжээ. Гэвч Монгол ойрын хугацаанд эдийн засгаа сэргээж чадахгүй бол өрийн дарамтад орох эрсдэлтэй юм.

Монгол 2020 оны 6 дугаар сарын 24-нд товлосон ёсоор парламентын сонгуулиа зохион байгуулсан. Коронавирусний улмаас эрх баригчид сонгуулийн сурталчилгааны хугацааг богиносгож, олон нийтийн цуглааныг хориглосон хэдий ч тус улс БНСУ-ын туршлагаас суралцаж, сонгуулийг дуулиан багатайгаар зохион байгуулж чадсан билээ. Улс төрийн тогтвортой байдлыг эрхэмлэсэн сонгогчид, гол намуудад ээлтэй сонгуулийн тогтолцоо, коронавирусний тархалтын үед Засгийн газар сайн ажилласан зэрэг нь МАН-ыг 62 суудал авахад гол нөлөө үзүүлэв.

Сонгуулийн сурталчилгааны үеэр бүх нам, нэр дэвшигчид хязгаарлалтын арга хэмжээг хэвээр үлдээнэ гэж амлаж байсантай холбоотойгоор цар тахал тийм ч онцлох асуудал биш байв. Харин эх орондоо эргэн ирэх хүсэлтэй, хилийн чанадад гацсан 10 мянга гаруй монголын асуудал илүү чухал байсан юм. Зарим нэр дэвшигчид Монголд халдвар авчрахаас сэргийлэх зорилгоор тусгай үүргийн нислэгийг хориглохыг дэмжиж байсан бол зарим нь иргэдээ боломжоороо татахыг уриалж байв. МАН-ын үнэмлэхүй ялалт тусгай үүргийн нислэгийг үргэлжлүүлэх эрх мэдлийг баталгаажуулсан  бөгөөд 8 дугаар сард 4000 иргэн эх орондоо ирэх төлөвтэй байна.

Монгол Улс олон нийтийн эрүүл мэндийг хамгаалах үйл хэрэгт хөрш орнууд, олон улсын байгууллагуудтай нягт хамтран ажиллаж, чамлахааргүй амжилтад хүрээд байна. БНХАУ, БНСУ, Япон тэргүүтэй орнууд Монголд тоног төхөөрөмж, маск зэрэг хандив олгосон. Мөн Монгол Улсын Ерөнхийлөгч Х.Баттулга БНХАУ-д цар тахал дэгдсэний дараахан тус улсад айлчилж, ийм хүнд үед тус улсад айлчилсан анхны төрийн тэргүүн болсон билээ.

Олон улсын зах зээл болон бусад орнууд, ялангуяа БНХАУ-аас эдийн засаг нь их хамааралтай байдгийн улмаас олон сорилттой нүүрс тулгарч буйг дээр дурдсан зүйлүүд харуулж байна. Монголын их хэмжээний өр нь цар тахлын улмаас үүдэн гарах эдийн засаг, нийгмийн үр дагаврыг бууруулах зорилготой Засгийн газрын хөтөлбөрт сөргөөр нөлөөлж, дэлхийн эдийн засаг хүндхэн байгаа энэ үед Монгол Улсыг илүү эмзэг болгох эрсдэлтэй.

Эх сурвалж: montsame.mn / ОТТОВА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 56 мин Шөнийн автобус 22:00-02:00 цагийн хооронд үйлчилж байна 1 цаг 2 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 6 мин Засгийн газар: Төрийн өмчит компанийн тоог 85 болгон цөөлнө 1 цаг 51 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 4 мин З.Мэндсайхан: Оюу Толгойн хэлэлцээрийн баг удахгүй ирнэ 8 цаг 21 мин Мэдээж “Ар нь түүз!” 8 цаг 32 мин И-спорт болон оюуны спортын Азийн анхдугаар наадмыг 2027 онд зохион байгуулна 8 цаг 50 мин Улаанбаатарт өдөртөө 8 хэм хүйтэн 8 цаг 57 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 1 мин Д.Трамп Хятадад Ким Жөн Унтай уулзаж магадгүй гэв 9 цаг 6 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 11 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 9 цаг 16 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top