x

Ичсэн хүн хүн алсан ч яадгийн

Монгол Улсаас БНСУ-д суух Элчин сайдад нэр дэвшсэн Б.Хурцын асуудлаар нээлттэй сонсгол хийхээр зарлаад байсан УИХ уг асуудлыг сар шахуу хойшлуулсны эцэст хаалттай хуралдаанаар томилгоо хийв.

Ерөнхий сайд У.Хүрэлсүх ТЕГ-ын дарга Б.Хурцыг үүрэгт ажлаас чөлөөлж, Д.Гэрэлийг томилсныхоо дараа түүнийг БНСУ-д суух Элчин сайдаар томилуулахаар арваннэгдүгээр сарын 2-нд Ерөнхийлөгч Х.Баттулгад саналаа хүргүүлсэн. Ерөнхийлөгч уг саналыг нь хүлээж авсан тул арваннэгдүгээр сарын 8-нд УИХ-д оруулсан байна. 

Б.Хурцыг Элчин сайдаар томилох асуудлыг УИХ өнгөрөгч сарын 16, 17-нд хоёр өдөр хэлэлцээд УИХ-ын гишүүдийн олонхийн саналаар томилгооны асуудлаар нээлттэй сонсгол хийхээр болсон билээ. Гэвч сонсгол зохион байгуулах ажил сар шахам хойшлогдсоны эцэст өнгөрөгч баасан гаригт УИХ хаалттай хуралдаж, Б.Хурцыг Монгол Улсаас БНСУ-д суух Онц бөгөөд бүрэн эрхт Элчин сайдаар томилов. Хуралдаанд оролцсон 42 гишүүнээс 29 нь хуралдааныг хаалттай горимд шилжүүлэхийг дэмжиж саналаа өгсөн байна. Мөн 26 гишүүн (Н.Амарзаяа, О.Баасанхүү, Ё.Баатарбилэг, С.Батболд, Б.Бат-Эрдэнэ, М.Билэгт, Д.Дамба-Очир, Б.Дэлгэрсайхан, Б.Жавхлан, Г.Занданшатар, Л.Мөнхбаатар, Г.Мөнхцэцэг, Н.Оюундарь, Б.Пүрэвдорж, Я.Санжмятав, Д.Сарангэрэл, Г.Солтан, Д.Тогтохсүрэн, Г.Тэмүүлэн, Н.Учрал, Д.Хаянхярваа, Ц.Цогзолмаа, Б.Чойжилсүрэн, М.Энхболд, Н.Энхболд, Л.Элдэв-Очир) Б.Хурцыг БНСУ-д Элчин сайдаар томилохыг дэмжив.

Уг асуудлыг хаалттай хэлэлцүүлэхээр санал хураалсан О.Баасанхүү гишүүн ингэх болсон үндэслэлээ “Өмнө энэ асуудлыг нээлттэй хэлэлцсэнээрээ бид дэлхийн шившиг болсон. Нээлттэй хуралдвал улсын нууц задрах гээд байна” хэмээн тайлбарлав. Чуулганы хуралдаан хаалттай явсан учраас хаалганы цаана үнэхээр улсын нууц асуудал хэлэлцсэн уу, эсвэл Б.Хурцын атганд орсон улстөрчдийн “төмсөг”-ний том, багын асуудал яригдсан уу гэдгийг сэтгүүлчид болоод олон нийт мэдэж чадсангүй. Ямартай ч ичгүүртэйгийн хувьд бол ичгүүртэй зүйл болоод өнгөрлөө. Гэхдээ яг юунаас ичсэн бэ гэдгийг нь би ч, та ч, ер нь хэн ч таашгүй.

Уг нь бол Б.Хурц явлаа гээд маньд гарзтай юм биш. Тэр тусмаа ямар ч үнэ төлөөд хамаагүй хуулийн байгууллагаас холдуулах, зайлуулах ёстой хүн юм гэдгийг өмнөх хэлэлцүүлгийн үеэр бүгд л харсан, үзсэн. Нээлттэй хэлэлцүүлэг дээр чихдэж ирээд байцааж чаддаггүй юм гэхэд ядаж л нэр дэвшүүлсэн этгээд нь ичсэндээ саналаа татчих болов уу гэтэл тэгсэнгүй. Ичсэн хүн хүн алж чадна гэдгийг энэ удаагийн УИХ нэгмөсөн үлгэрлэж байна. Ичингүүтээ “Эрдэнэт”-ийн 49 хувийг дээрэмдсэн. Ичингүүтээ “Талын зам”-ыг “Хөгжлийн зам” болгосон. Ичингүүтээ “Гудамж” төслийг, “Гэр хорооллын барилгажилт”-ийг зогсоож, Хамтын тэтгэврийг хуулийг “Насны нүнжиг”-ээр сольсон. Ичингүүтээ Б.Хурцыг Элчин сайдаар томилчихлоо. 

Хууль тогтоох байгууллага, хууль тогтоогчид нь ингэж “ичдэг”, ичсэндээ юу хамаагүй хийдэг юм бол ерөөсөө бүгдээрээ, нийтээрээ “ичээд” л амьдаръя. Ядуу байх нь ичгэвтэр учраас баячуудаа нухацгаая. Ажилгүй байгаадаа ичээд ажил хийдгүүдээ талцгаая. Харанхуй байх нь ичгэвтэр учраас гэрэл гэгээ тусгасан болгоныг намная. Ичингүүтээ эхнэрүүдээ зодож, хөршүүдээ сандаая. Ичсэн хүн хүн алсан ч яадгийн...

Б. Сэмүүн

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 3 цаг 8 мин Шөнийн автобус 22:00-02:00 цагийн хооронд үйлчилж байна 3 цаг 14 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 3 цаг 19 мин Засгийн газар: Төрийн өмчит компанийн тоог 85 болгон цөөлнө 4 цаг 4 мин ТББХ Ерөнхийлөгчийн чөлөөлөгдөх хүсэлтийг дэмжлээ 4 цаг 17 мин З.Мэндсайхан: Оюу Толгойн хэлэлцээрийн баг удахгүй ирнэ 10 цаг 34 мин Мэдээж “Ар нь түүз!” 10 цаг 45 мин И-спорт болон оюуны спортын Азийн анхдугаар наадмыг 2027 онд зохион байгуулна 11 цаг 3 мин Улаанбаатарт өдөртөө 8 хэм хүйтэн 11 цаг 10 мин Аймгуудын өрсөлдөх чадварын 2026 оны тайлангийн үр дүнг танилцуулна 11 цаг 13 мин Д.Трамп Хятадад Ким Жөн Унтай уулзаж магадгүй гэв 11 цаг 18 мин Тайванийн Гадаад хэргийн сайд АНУ-д хоёр дахь удаагаа очжээ 11 цаг 24 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 11 цаг 29 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top