УИХ дахь МАН-ын бүлгийн өнөөдрийн хуралдаанаар Тавантолгойн ордыг хэрхэн хөдөлгөх талаар Засгийн газраас боловсруулсан саналыг төслийг үргэлжлүүлэн хэлэлцэж байна.

Өнгөрөгч даваа гаригт Ерөнхий сайд У.Хүрэлсүх Тавантолгойн асуудлаар боловсруулсан саналаа намын бүлэгтээ танилцуулсан бөгөөд бүлгийн дарга Д.Хаянхярваа “Засгийн газрын саналтай дор хаяж долоо хоногийн хугацаанд танилцах шаардлгатай. Үүний дараа бүлэг хариугаа өгнө” гэсэн билээ. Засгийн газрын зүгээс Тавантолгойн ордод үндэсний компаниудыг татан оруулах, БНХАУ-тай хамтран, олон улсын зах зээл дээрээс хөрөнгө босгох гэсэн гурван хувилбарыг дэвшүүлсэн бөгөөд МАН бүлэг урьдчилсан байдлаар олон улсын зах зээл дээрээс хөрөнгө босгох хувилбарыг сонирхож байна гэдгээ хэлсэн. Тэгэхээр өнөөдөр МАН-ын бүлгийн хуралдаанаас уг асуудал дэмжигдэх үгүй нь шийдэгдэх юм.

Б.ЗАЯА