x

Эсгүүрийн эсгий гутал

Д.Дэлгэрмөрөн сүүлийн найман жил эсгүүрийн эсгий гутал хийж байгаа аж. Тэрээр 1992 онд МУБИС-д Монгол хэлний багшийн ангид элсэн орж 1996 онд тус мэргэжлээр төгсөөд мэргэжлээрээ дөрвөн жил ажиллаад эсгий урлалыг сонирхож эхэлсэн гэж байв. Түүнд эсгий урлал хийж буй үйл явцыг найз н.Алтанзул, н.Мөнхсоёл хоёр зааж байжээ. Тухайн үед эсгий гутал хийх нь түүнд таалагдсан гэсэн юм. Д.Дэлгэрмөрөнд гутал хийх нь ойр хялбар санагддаг байжээ. Түүний аав гутал хийдэг хүн байсан болохоор багаасаа гутал хийх үйл явцыг харж өссөн болохоор гутал хийх үйл явцыг маш хурдан сурсан гэв. Мөн түүний өвөө нь гутлын үйлдвэрийн дарга байсан бөгөөд тэрээр гурван үеэрээ гутал хийж байна гэж хэлэхэд хилсдэхгүй байх гэж байлаа.

Яг одоо хийж байгаа гутлаа хийтлээ олон туршилт хийж байсан тухайгаа дурсаж байсан юм. Олон төрлийн хэлбэр дүрс, загвараар эсгий гутал хийсэн ч түүний хувьд эсгий гутлын хамгийн сайн чанарын төгс шийдлийг саяхан гаргаж авсан гэж байлаа. Уламжлалт эсгий гуталнууд битүү загвартай. Эсгий нь өөрөө ханатал агшаагүй угаасны дараа хэлбэр хэмжээгээ алддаг байсан бол гар аргаар эсгийгээ боловсруулж эсгүүрийн гутал хийхэд эсгий өөрөө ханатал агшиж угаалга эдэлгээ сайн даадаг болсноороо онцлог болсон гэлээ. Мөн тэрээр гутлынхаа эсгийг гар аргаар хийдэг. Ялангуяа, самнаад хялгасыг нь ялгасан ноосыг худалдаж аваад өөрсдөө хавтангаа бэлдэж эсгүүр шоглоомоо тавьж хийдэг гэв. Одоо “GoGo “ гэх эсгий урлалын брэндийг бий болгохыг зорьж байна.

Түүний ажиллуулж байгаа үйлдвэр нь гурван ажилтантай, тэд сард 70 гаруй гутал хийдэг байна. Д.Дэлгэрмөрөнгийн хийсэн гутлын онцлог нь 100 хувь гар үйлдвэрлэлээр хийдэг гэдгээрээ онцлог. Эсгий гутал болгон өөрийн гэсэн чамин гоёлтой. Тэр гоёлыг ч гэсэн тус үйлдвэрийн ажилчид гараараа урлан оёдог юм байна. Нэг хос гутал хийхэд хоёр өдөр зарцуулдаг. Бэлэн материалаар хийдэггүй, тухайн гуталд орж байгаа бүх зүйлийг гар аргаар боловсруулдаг болохоор тэр аж. Мөн эсгий гутлаа зориулалтын эсгий буддаг ноосны будгаар  буддаг. Хүссэн өнгийн гутлаа хийж чаддаг гэв. Тэрээр гутлынхаа санааг гадаадын цахим хуудаснаас авдаг. Залуусын дунд моод болж байгаа. Пүүз, бойтог, сандайлыг хийсэн байлаа.

Мөн өөрийн хийсэн гуталнууддаа чанарын баталгаа гаргаж өгч чадна гэдгээ ч хэлсэн юм. Угааж цэвэрлэх бүх төрлийн эдэлгээг даах сайн чанарын гар аргаар хийсэн эсгүүрийн эсгий гутал гэж байлаа. Мөн залуустаа зориулан өөрсдийн сонирхдог бүх загвараар эсгий гутал хийлгэх боломжтойг хэлж байсан юм. Д.Дэлгэрмөрөн “Хүмүүс эсгий гутал гэхээр дандаа эсгий таавчиг гэж боддог. Яагаад эсгий гутлыг таавчиг гэж хардагийг их гайхдаг. Би энэ бодолд нь их дургүй. Монгол ахуй эсгий хэрэглээ гэдэг зүйл нь цаглашгүй баялаг. Эсгийгээр бид юуг ч хийж болно. Гутлаас эхлээд сайн чанарын хувцас ч хийж байгааг бид бүхэн харж байна. Би хүмүүсийг гадаадын чанар муутай зүйл хэрэглэж байхаар өөрийн улсад үйлдвэрлэсэн цэвэр гар аргаар хийсэн зүйлсийг хэрэглээсэй гэж хүсдэг” гэж байлаа. Дан ганц зуны гутал ч биш өвлийн гутал хийдэг. Мөн тэрээр эко бүтээгдэхүүнд дуртай. Түүний хийж байгаа энэ ажил нь цэвэр байгалийн буюу эко аргаар хийгддэг гэдгээрээ онцлог. Түүний цаашдын мөрөөдөл нь өөрийн гэсэн эсгий гутлын брэндийг монгол түмэндээ хүргэхийг  зорьж байна. Эрүүл мэнддээ анхаардаг хүн хөлөө чийггүй, хуурай, дулаан байлгах ёстой. Үүнтэй уялдан гутлынхаа сонголтыг зөв хийдэг байгаасай хэмээн өөрийн бодож явдаг зүйлээсээ бидэнтэй хуваалцсан юм.

Эх сурвалж: “Зууны мэдээ” сонин

2020.6.18  ПҮРЭВ № 119 (6344)

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 28 мин Шөнийн автобус 22:00-02:00 цагийн хооронд үйлчилж байна 1 цаг 34 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 39 мин Засгийн газар: Төрийн өмчит компанийн тоог 85 болгон цөөлнө 2 цаг 23 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 36 мин З.Мэндсайхан: Оюу Толгойн хэлэлцээрийн баг удахгүй ирнэ 8 цаг 53 мин Мэдээж “Ар нь түүз!” 9 цаг 5 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 22 мин Улаанбаатарт өдөртөө 8 хэм хүйтэн 9 цаг 30 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 33 мин Д.Трамп Хятадад Ким Жөн Унтай уулзаж магадгүй гэв 9 цаг 38 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 43 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 9 цаг 48 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top