x

Эргэн төлөлтийг хойшлуулах шийдвэр иргэндээ хохиролтой тусч болох уу?

Коронавирусын улмаас эдийн засагт учирсан хүндрэл, иргэдийн ажил орлого буурсантай холбогдуулан Монголбанк 2020 оны нэгдүгээр сарын 31-ний өдрөөс хойш доголдол үүссэн ипотекийн зээлийн зээлийн үндсэн болон хүүгийн төлбөрийг зургаан сараар хүртэлх сараар хойшлуулах, 2020 оны дөрөвдүгээр сарын 01-ний өдрөөс эхлэн банк хоорондын бага дүнтэй гүйлгээний шимтгэлийг 20-100 хувь бууруулах шийдвэрлэсэн билээ.

Мөн иргэнд олгосон хэрэглээний зээлийн ангиллыг бууруулахгүй байхаар зээлийн гэрээний нөхцөл, хуваарьт өөрчлөлт оруулах боломжийг банкуудад олгохоор шийдвэрлэсэн байдаг. Үүний тулд Монголбанк хоёр удаагийн шийдвэрээр бодлогын хүүгээ 11-9 хувь болгон бууруулсан байдаг. Ингэснээр санхүүгийн хүндрэлд орсон зээлдэгчийн хэрэглээний зээлийн хугацааг 12 сар хүртэлх хугацаагаар нэг удаа сунгаж зээлийн сарын эргэн төлөлтийн хэмжээг бууруулах боломжтой гэж үзсэн байдаг.

Гэвч Монголбанкны шийдвэр гараад багагүй хугацаа өнгөрсөн ч арилжааны банкууд дээр очоод хэрэгжихгүй байгаа талаар иргэдийн гомдол тасрахгүй байна. Энэ асуудлыг лхагва гаригт хуралдсан УИХ-ын Өргөдлийн байнгын хорооны хуралдаанаар хэлэлцэж, Монголбанкны мэдээллийг сонсон. Мөн тодорхой үүрэг чиглэл ч өгөөд байна.

Баян-Өлгий аймгаас иргэн Ц.Түвшин:

-“Зээлээ хойшлуулах гээд банкинд хүсэлтээ өгөхөд зээлийн графикт өөрчлөлт оруулаад, хойшлуулсан хугацаагаар үлдсэн зээлийн нийт дүнгээс хүү тооцож авна гэж байна. Энэ нь эдийн засгийн тооцоолол хийж чадахгүй иргэдийг луйвардсан хэрэг болж байна. Зээлийн эргэн төлөлтийг хойшлуулах шийдвэрийг арилжааны банкууд хэрэгжүүлэхдээ өөрт ашигтай байдлаар эргүүлж, иргэдийг хохироож байна. Банкны эргэн төлөлтөө хойшлуулах хүсэлт өгснөөс зээлээ төлөхгүй алданги тооцуулах нь хэд дахин бага төлбөр төлөхөөр тооцоо гарч байна. Гурван сая төгрөгний цалингийн зээлтэй хүн 3 сар зээлээ хойшлуулахад хуримтлагдсан хүүнд 180 мянган төгрөг нэмж төлөхөөр тооцоо гарч байна” 

Улаанбаатар хотоос иргэн Д.Равдан:

-“Ипотекийн зээлээ хойшлуулахаар банкинд хүсэлтээ өгсөн боловч банк “Хойшлуулсан хугацаанд зээлийн хүүгээ үлдсэн нийт зээлийн дүнгээс тооцож авна. Зээлийн төлөлт хийгдэх сүүлийн гурван сар дээр нэмж тооцно” гэж байна. Би сард сая төгрөгийн ипотекийн зээл төлдөг. Хүүнд 800 мянга, үндсэн төлбөрт 200 мянган төгрөг ойролцоогоор төлж байгаа. Гэтэл энэ аргачлалаар бодоод үлдсэн зээлийн нийт дүнгээс нь гурван сарын хугацаанд хүү тооцож авна гэвэл ойролцоогоор 2,1 сая төгрөгийн хүү нэмж төлөхөөр байна. Бид зээлээ дуртайдаа хойшлуулах гэж байгаа юм биш, эдийн засгийн нөхцөл байдал, цаашдын орлогынхоо тогтвортой байдлыг хангахын төлөө зээлээ хойшлуулах асуудлыг ярьж байна. Гэтэл банк эргээд биднийг хохироосон ийм шийдвэрийг гаргаж болохгүй” гэсэн байна.

Энэ хоёр хүний өргөдлөөс Монголбанкны дээрх шийдвэртэй холбоотойгоор арилжааны банкууд болон иргэдийн дунд үүсээд байгаа зөрчлийг ерөнхийд нь харчихаж болно. Банкууд зээлийн эргэн төлөлтийг хойшлуулсан хугацаагаар хүү тооцож авна гэсэн нь иргэдийн бухимдлыг төрүүлж, эсрэгээрээ банкууд илүү ашиг хийж буй мэтээр үзэгдэх болсон билээ.

Мөн зарим банкуудын зээлийн эргэн төлөлтөө хойшлуулахаар хүсэлт гаргасан иргэдэд “Орлогоо буурсан нотолгоогоо авчир” гэх мэт шаардлагыг тавьж, ипотекийн зээлтэй иргэний хамтран зээлдэгчийн данснаас зээлийн эргэн төлөлтийг шууд татсан тохиолдол ч гарсан байна.

Монголбанкны Нөөцийн удирдлага, санхүүгийн зах зээлийн газрын захирал А.Энхжин энэ талаар “Өнөөдрийн байдлаар ипотекийн зээлтэй 97 мянган зээлдэгч байна. Зээлийн төлбөрөө хойшлуулах хүсэлтээ иргэд ирэх тавдугаар сарын 01-нээс өмнө гаргана. Банкууд иргэдээс ямар нэг нотолгоо, баримт шаардахгүйгээр зээлийн төлбөр хойшлуулах хүсэлтийг нь хүлээж аваад шийдвэрлэнэ. Хэрвээ  чирэгдэл  учруулж байгаа бол Монголбанкнаас арга хэмжээ авна” гэв.

Гэвч хэлэх нэг хэрэг, хийх өөр хэрэг. Ядаж л ямар хууль, дүрэм, журмын хүрээнд арга хэмжээ авах вэ гэдэг нь тодорхой болж байж банкууд хөдөлж таарна. 

Ерөнхийдөө арилжааны банкууд нэгдсэн мэдээлэлгүй, дээр нь Монголбанк гаргасан шийдвэрээ хэрэгжүүлэхтэй холбоотойгоор нарийвчлан журамласан зүйл байхгүй байгаа нь ийм нөхцөл байдалд хүргэж байгааг Байнгын хорооны дарга М.Оюунчимэг хэллээ. Мөн шаардлагатай гэвэл хуульд өөрчлөлт оруулсан ч болно гэв.

Хэдийгээр Монголбанкнаас авч хэрэгжүүлж байгаа дээрх арга хэмжээ, зээл хойшлуулах шийдвэрүүд нь зээлийн төрлөөсөө хамаараад гурав, зургаа, 12 сараар хэрэгжүүлэхээр байгаа ч мөн хугацаанд эдийн засагт эргэн сэргэлт гарч ирнэ гэх магадлал тун бага гэдгийг эдийн засагчид хэлж байгаа. Тиймээс арилжааны банкууд, иргэдийн дунд үүсээд байгаа энэ маргаан, зөрчилдөөнийг зогсоохын тулд Монголбанк нэг бол гаргасан шийдвэрээ эргэж харах, эсвэл арилжааны банкуудад өгөх үүрэг даалгавар, мөрдөх дүрэм журмыг тодорхой болгох хэрэгтэй болж байна.

Харин Байнгын хорооны зүгээс хэрэглээний болон ипотекийн зээлийн эргэн төлөлтийн хугацааг хойшлуулахтай холбоотойгоор Монголбанк арилжааны банкууд нэгдсэн  байдлаар дагаж мөрдөх журмыг гаргаж мөрдүүлэх үүрэг чиглэлийг өгчээ. Ингэхдээ хэрэглээний зээлийн эргэн төлөлтийг хойшлуулсан хугацаанд тооцох хүүгийн төлбөр нь иргэдэд дарамт учруулахгүй байхаар аргачлалыг боловсруулж, журамд тусгах шаардлагыг тавьсан байна.

Мөн ипотекийн зээлтэй иргэд арилжааны банкуудад зээлийн төлбөрөө хойшлуулах хүсэлт гаргасан тохиолдолд банкуудад ачаалалгүй, иргэдэд хүндрэлгүй байхаар оновчтой зохион байгуулах, шаардлагатай бол хууль, эрх зүйн орчинд өөрчлөлт оруулах саналаа ч УИХ-д ирүүлэх зэргээр ажиллахыг үүрэгдсэн байна. Хэрвээ тэрэндээ тулбал банкны хууль тогтоомжоос аваад олон зүйлд өөрчлөлт орж таарна.

Сануулахад ипотекийн зээлийн эргэн төлөлтийг хойшлуулах хүсэлтээ иргэд банкиндаа гаргахад /тавдугаар сарын 01-нээс өмнө/ ердөө 13-хан хоног үлдээд байгаа. Тэгвэл Монголбанк УИХ-аас өгсөн үүрэг даалгаврыг биелүүлэхэд үүнээс ч бага хугацаа үлдсэн гэсэн үг. Хэрвээ заасан хугацаанд энэ дүрэм журам нь бэлэн болохгүй бол Монголбанкнаас гаргасан шийдвэр, Засгийн газраас авсан арга хэмжээ ч "дүр эсгэсэн" зүйл болж үлдэх нь байна.  

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 16 мин Шөнийн автобус 22:00-02:00 цагийн хооронд үйлчилж байна 1 цаг 22 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 26 мин Засгийн газар: Төрийн өмчит компанийн тоог 85 болгон цөөлнө 2 цаг 11 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 24 мин З.Мэндсайхан: Оюу Толгойн хэлэлцээрийн баг удахгүй ирнэ 8 цаг 41 мин Мэдээж “Ар нь түүз!” 8 цаг 52 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 10 мин Улаанбаатарт өдөртөө 8 хэм хүйтэн 9 цаг 17 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 21 мин Д.Трамп Хятадад Ким Жөн Унтай уулзаж магадгүй гэв 9 цаг 26 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 31 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 9 цаг 36 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top