x

Тэднийг бурхан өршөөг

  • “Хятад улс тулгарсан энэ аюулыг ялан дийлж чадна. Шинэ төрлийн вирусийн халдварын эсрэг тус улсын авч хэрэгжүүлж байгаа арга хэмжээ, хийж буй тэмцэл ийм итгэлийг төрүүлж байна” гэж ДЭМБ-аас мэдэгдсэнчлэн өмнөд хөршийнхөн маань энэ тэмцэлд ялалт байгуулах нь тодорхой буй за

  • Уханьчуудад ёстой л тэвнийн тус ч тус болохоор байна даа, монголчууд минь

  • Энэ аюулт халдварыг голомтод нь дарж авахгүй, алдах юм бол хүн төрөлхтөнд учруулах хөнөөлийг нь төсөөлшгүй. Аймшиг

Уржигдар Уханьд үлдсэн байсан манай 31 иргэн эх орондоо ирлээ. Бөөн баяр. Манайхан дуу, клип хүртэл энэ богино хугацаанд ам­жаад хийчихсэн байхыг сонслоо, үзлээ. Зарим нэг маань нулимсаа барьж дийлэхгүй байгаа нь ч харагдлаа. Би ч гэсэн энэ үйл явдалд маш их баярласан. Ойл­гомжтой шүү дээ, тэр аюултай халдварт өвчний голомт дунд үлдчихээд байсан иргэдээ аваад ирлээ шүү дээ. Монгол хүн бүр л сая нэг бүтэн амьсгаа авч байх шиг санагдсан. Ямартаа ч бид ингээд элэг бүтэн болоодохлоо. Юутай сайхан. Гэвч бидний зүрх сэтгэлийн хөндүүр ингээд бүрэн арилчихлаа гэж би хувьдаа бодохгүй байна. Яагаад гэж үү, яагаад гэвэл эмчлэх арга чарга нь олдохгүй байгаа аюултай халдварт вирусийн эсрэг өмнөд хөршийнхөн маань ёстой л эрэгчин, эмэгчнээ үзэн тэмцэж байна. Манай танай, чиний миний гэлтгүй хүн л бол хүн шүү дээ. Уханьд өдөрт хорь, гучаараа хүн үхэж байна. Хэдий хүрч байж энэ аюул зогсохыг бүү мэд. Ёстой л бурхан мэддэг хэрэг байх. Гэхдээ бурхны мэддэг хэрэг гээд бид зүгээр хараад сууж байж боломгүй санагдаад байна. Тэр тусмаа мөнхийн хөрш маань ийм хүнд нөхцөлд орчихоод байхад тэр тусмаа монголчууд бид хамгийн түрүүнд ойлгож, чадах ядахаараа тус дэм болох ёстой улс мөн үү гэвэл мөн гэж бодогдох юм. Энд бид шинээр халдварласан, нас барсан хүмүүсийн статистик л сонсож байгаа болохоос яг үнэндээ тэнд хятадууд ямар хэцүү нөхцөлд, яаж “амь дүйн” тэмцэж байгааг төдийлөн анзаарч, тоохгүй байх шиг санагдсан хэрэг л дээ.

Хэн нэгний зовлонг ойлгоно гэдэг тэр хүнд өгч чадах хамгийн том тус, бэлэг гэдэг. Тэгэхээр ядаж л хөршдөө тулгараад байгаа зовлонг бид өөрийн мэт ойлгон хүлээн авч байвал мөн ч тустайяа. Энэ чинь өөрөө хүний ёс шүү дээ. Уханьд Лян Вудонг хэмээх эмч хүн эмчилж явсаар өөрөө халдвар авч нас барлаа гэсэн мэдээг өчигдөр сонсоод сэтгэл ихэд эмзэглэж, элдвийг бодоход хүрлээ. Өнгөрсөн онд тэтгэвэртээ гарсан байсан энэ эмч өөрийн биш хүмүүсийн амь насыг чухалчилсан байгаа биз. Үүнтэй зэрэгцэн 86 настай бас нэг эмч халдвараар зовж шаналагсдад туслахаар халаад, малгайгаа өмсөөд эмнэлэгтээ эргэн ирж байгааг бид бүхэн харсан. 

Мэдээж үүн шиг хэдэн арван жишээ байгаа биз. Зөвхөн эл хоёр жишээнээс өмнөд хөршийнхөн маань хөгшин, залуу гэлтгүй ямар хүнлэг, ямар зоригтой, бие биенээ гэсэн дүүрэн хайр, басхүү бат итгэлтэйгээр энэхүү аюулыг сөрөн тэмцэж байгааг ямар ч хүн ойлгож, ухаарч болохоор... Хүний амьдралын утга учир, үнэ цэн гэдэг чухам энд л оршдог аж. Шинэ төрлийн корона вирусийн цар тахал дэгдсэнээс хойш яг нэг сар өнгөрлөө. Ази хүн, тэр тусмаа хятад хүнээс дэлхий нийт зайгаа барьж эхэлснийг бид сонсож байна. Илтээр ийн ялгаварлан “гадуурхаж” буйн учир шалтгаан нь ч зөв юм. Энэ аюулт халдварыг голомтод нь дарж авахгүй, алдах юм бол хүн төрөлхтөнд учруулах хөнөөлийг нь төсөөлшгүй. Аймшиг. Харин Хятад, уханьчуудад нүүр­лэсэн энэ хүнд, хэцүү цаг дор Азичууд хамгийн сайн ойлгож, зов­лонг нь зүрх сэтгэлээрээ хуваал­цаж байгааг харах хэчнээн дотно байв аа. Энэ өдрүүдэд телевизээр харж байсан мэдээнүүдээс нэгэн дүр зургийг би л лав хэзээ ч мартахгүй ээ! Японы бүх хотын эмийн сангууд хаалга, цонхон дээрээ “Уханьчууд минь тэсээрэй”, “Бид та нартай хамт шүү” гэсэн бичиг хадсанаас гадна, амны хаалтад дугаарлаж зогссон япончууд хятад хүнд бүгд найр тавьж өмнүүрээ оруулж бай­гааг харсан юм. Цээж өөд шууд огшоод ирж байна билээ. Энгийн үг, үйлдлээр хүмүүс бие биесээ хайрлаж, дэмжиж, туслаж бай­гаагаа илэрхийлж болдог байх нь. Тэгвэл Уханийн ард түмнийг ядарч, зовж байхад нь тавласан эсрэг үйл явдал ч энэ өдрүүдэд бас гарлаа. Хэнээс, хаанаас гээч. Нөгөө хүнлэг, ардчилсан үзэл санааны эх орноос, Төрийн сайдынх нь амнаас! АНУ­ын Худалдааны сайд Вилбур Росс гэгч нөхөр “Коронавирусийн халдвар АНУ-­д ажлын орон тоо олноор бий болгох боломж авчирч байна” хэмээн хэлсэн нь дэлхий дахины дургүйцлийг дээд цэгт нь тулгалаа. Учир нь үл олдох халдварт вирус тархан хүн олноороо нас барж, улс орон, тивээрээ бужигнаж, сандарч байхад ийм юм донгосч л байдаг. Хятадаас өөр оронд энэ виру­сийн халдвар гарсан бол яана. Дэлхийн эрүүл мэндийн байгуул­лагаас яг энэ үгийг хэлнэ билээ.

“Хятад улс энэ тулгарсан аюулыг ялан дийлж чадна. Энэ шинэ төрлийн вирусийн халдварын эсрэг тус улсын авч хэрэгжүүлж байгаа арга хэмжээ, хийж буй тэмцэл ийм итгэлийг төрүүлж байна” гэж тус байгууллагаас мэдэгдсэнчлэн өмнөд хөршийнхөн маань энэ тэмцэлд ялалт байгуулах нь тодорхой буй за. 

Харин монголчууд биднээс япончуудаас дутахгүй сэтгэл гарна гэдэгт би итгэдэг. Мэдээж бидний өгөх юмны хэмжээ, боломж хязгаартай. Сэтгэл гаргавал юухнаар ч хүнд нөхцөлд буй уханийн иргэдэд тус дэм үзүүлж чадна шүү дээ. Саяхан түймэрт автсан австраличуудад Засгийн газар маань 45 мянган “ногоон”­оор тусалсан. Ногоон тивийнхэн ямар их баярласан билээ. Ёстой нөгөө тэвдэж явахад тэвнийн тус ч тусад ордог гэдгийг энэ явдал харуулсан шиг одоо Уханийн ард түмэнд ёстой л тэвнийн тус ч тус болохоор байна даа, монголчууд минь. Уханьчуудыг бурхан өршөөг!

Эх сурвалж: "Засгийн газрын мэдээ" сонин 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 42 мин Шөнийн автобус 22:00-02:00 цагийн хооронд үйлчилж байна 1 цаг 48 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 52 мин Засгийн газар: Төрийн өмчит компанийн тоог 85 болгон цөөлнө 2 цаг 37 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 50 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 7 мин Мэдээж “Ар нь түүз!” 9 цаг 18 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 36 мин Улаанбаатарт өдөртөө 8 хэм хүйтэн 9 цаг 43 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 47 мин Д.Трамп Хятадад Ким Жөн Унтай уулзаж магадгүй гэв 9 цаг 52 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 57 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 2 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top