Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхээс Ерөнхий сайд асан С.Баяр, Ч.Сайханбилэг, Б.Бадрал нарыг өнөөдөр батлан даалтад гаргаж, хилийн хориг тавих захирамж гаргасан юм.

Цагдан хорионы шүүгчийн уг захирамжийг Нийслэлийн прокурорын газраас эсэргүүцэж, прокурорын эсэргүүцэл ирүүлсэн байна. Хуулийн дагуу прокурорын гомдлыг хянан хэлэлцэх шүүх хурал өнөөдөр өдөр 15:00 цагт болж  ерөнхий сайд асан Ч.Сайханбилэг, С.Баяр, Татварын ерөнхий газрын Татварын удирдлага, хамтын ажиллагааны газрын дарга асан Б.Бадрал нарын таслан сэргийлэх арга хэмжээг өөрчилсөн шүүгчийн захирамж үндэслэл тодорхойгүй бус гэсэн үндэслэлээр уг шүүгчийн захирамжийг хүчингүйд тооцож, прокурорын гомдлыг хангаж шийдвэрлэлээ. 

Ингээд өглөөний шүүхийн шийдвэр цуцлагдаж С.Баяр, Ч.Сайханбилэг, Б.Бадрал нарыг тус бүрийн цагдан хорих хугацааг 1 сараар сунгасан болно. 

Шүүх хуралд дээрх хүмүүсийн өмгөөлөгч нар ирээгүй аж.