x

2020 онд дэлхийн эдийн засагт хямрал нүүрлэнэ

Дэлхий дахинд ирж байгаа 2020 онд дахиад л эдийн засгийн хямрал нүүрлэнэ гэж улс орнуудын олон шинжээч, мэргэжилтнүүд хэлж, энэ хямралын нөлөөлөл, үргэлжлэх хугацаагаараа 2008-2009 оны хямралыг ч давж гарах байх гэж байна. Олон улсын валютын сан бүр аравдугаар сард дэлхийн эдийн засгийн өсөлт удааширч байгаа тухай мэдээлсэн. Дэлхийн банкны төлөв ч ингэж гарч байна.
Үнэхээр та бидний баяр баясалтайгаар дөнгөж саяхан угтсан 2020 онд манай гаргийн эдийн засаг, санхүүгийн байдал ямар байх нь вэ. Хэдийгээр зарим нэг эдийн засагч санал нийлэхгүй байгаа ч энэ 2020 онд дэлхийн эдийн засагт асар хүчтэй хямрал нүүрлэнэ гэж санхүү, эдийн засгийн олон шинжээч, мэргэжилтэн хэлж байна.

 Ийм хямрал үнэхээр нүүрлэх үү, ингэж хямарна гэсэн ямар шинж тэмдгүүд байна гэж шинжээч, мэргэжилтнүүдээс асуухад тэд долоон шинжийг онцлон нэрлэлээ. Үнэхээр ч энэ түгшүүрт шинж тэмдэгүүдийг бид амсаад эхэлчихсэн байгаа юм байна. Дэлхий дахиныг хамарсан санхүүгийн хямрал болох тухай дохио өгч байгаа үндсэн долоон шинж тэмдэг, эрсдэлийг тэд ийн нэрлэжээ. Эдгээрийг нягталж үзвэл дэлхий дахинд эдийн засаг, түүний хөгжлөөрөө тэргүүлж байгаа АНУ, Хятадтай холбоотой байна.

Нэг дэх шинж тэмдэг: Дэлхийд эдийн засгаараа тэргүүлдэг бүхий л орон, ялангуяа АНУ, Хятадын эдийн засгийн өсөлт эрс удааширч байгаа.

Хоёр дахь шинж тэмдэг: АНУ, Хятадын хоорондох худалдааны хэлэлцээрийн хувь заяа тодор­хойгүй хэвээр байна.

Гурав дахь шинж тэмдэг: Америкийн богино хугацааны бон­дын ашигт ажиллагаа урт хугацааныхаа ашгаас давсан.

Дөрөв дэх шинж тэмдэг: Аме­рик-Хятадын худалдаан дахь харилцан тавьж байгаа татварын уршиг

Тав дахь шинж тэмдэг: Олон улсын худалдаанд экспортын шинэ захиалга буурсаар байгаа нь худалдааны идэвх буурч байгааг харуулж байна.

Зургаа дахь шинж тэмдэг: Сүүлийн жилүүдэд эдийн засаг нь эрчимтэй хөгжиж байгаа Хятадад ч түгшүүртэй байдал ажиглагдаж эхэллээ. Төсвийн алдагдал нь өсч, банкны тогтолцоо нь тогтворгүй болж, улсын нийт өр нь Дотоодын нийт бүтээгдэхүүнээсээ 300 хувь даваад байна.

Долоо дахь шинж тэмдэг: Америкийн корпорацуудын өрийг EBITDA буюу татвар төлөх, ашиг хуваарилахаас өмнөх нийт ашигтай нь харьцуулахад харьцангуй өндөр байна.

Эдийн засгийн шинжээчид энэ онд нүүрлэж мэдэх хямралын шинж тэмгүүдийг өнөөгийн нөхцөл байдалтай уялдуулан задлан тайлбарлалаа.

Оросын Плехановын нэрэмжит эдийн засгийн их сургуулийн профессор, ОХУ-ын Эдийн засгийн сайд асан Андрей Нечаев:
-Тэргүүлэх бүхий л орнуудын эдийн засгийн өсөлт буурч байна. “Европын зүтгүүр” гэдэг Германы эдийн засгийн өсөлт бараг тэгтэй тэнцэж, 2020 онд нэг хувь орчим байх нь. Өөр нэг ноцтой зүйл бол Америкийн богино хугацааны бондын ашиг урт хугацааны бондынхоос давж гараад байна. Энэ бол хөрөнгө оруулагчид богино хугацаатай цаас шүтэж байна гэсэн үг. Өөр нэг зүйл бол АНУ, Хятадын хоорондох худалдааны хэлэлцээр хэзээ нааштай дуусах нь тодорхойгүй байгаа нь дэлхий дахины том эрсдэл. Энэ тогтворгүй байдал, харилцан ногдуулж байгаа өндөр татвар нь үйлдвэрлэгчид, экспортлогчдод маш их дарамт болж эрсдэл учруулж байна.

Эдийн засгийн дээд сургуулийн “Хөгжлийн төв” хүрээлэнгийн эрдэм шинжилгээний ахлах ажилтан Сергей Пухов:
-АНУ-ын тэргүүлэх үзүүлэлтүүдийн динамик нь эдийн засгийн өсөлт саарч байгааг харуулж байна. Америкийн Худалдан авах ажиллагааны менежерүүдийн хүрээлэнгийн ISM-PMI бизнесийн үзүүлэлт өнгөрсөн арваннэгдүгээр сард 48.1 хувь болж уналаа. Евро бүсийн тухайд 2012 оноос хойш анх удаа эдийн засаг нь бизнесийн мөчлөгийн дөрвөн үе шат дараалан унав. Хэрэв Герман, Испани, Австри, Финландын бизнесийн уур амьсгал 2020 онд доройтсоор байх юм бол энэ тив “бага зэргийн” уналт гэхээсээ илүү бүрэн уналтад орох магадлалтай байна.

Орчин үеийн хөгжлийн хүрээлэнгийн тэргүүлэх шинжээч Никита Масленников:
-Экспортын шинэ захиалга дэлхий даяар 15 дахь сар дараалан унаж байна. Энэ бол бизнесийн идэвх буурч байгааг харуулж байна. Гол түгшүүр Хятадын эдийн засагтай холбоотой. Тэдний төсвийн алдагдал өсч, экспорт нь таван сар дараалан хасах үзүүлэлттэй гарч байгаа. Дээр нь инфляц 4.5 хувьд хүрч үнийн өсөлтийг байнга хатуу барьж байдаг Засгийн газрын хяналтаас гарахад хүрлээ.
Хятадын ардын банк өөр бас нэг ноцтой зүйл мэдээлж байгаа нь орон нутагт банкны систем тогтворгүй байгааг хэллээ. Одоо 6.2 хувийн өсөлттэй байгаа Дотоодын нийт бүтээгдэхүүний өсөлт 4.15 хувь болоход нийт 20 их наяд ам.долларын активтай том болон дунд зэргийн 30 банкны 17 нь дампуурна гэнэ. Хятадын эдийн засгийн өсөлт ингэж буурах нь дэлхийн эдийн засгийн өсөлтийг тодорхойлох нь мэдээж.

АНУ-ын хувьд улсынх нь өр 23 их наядтай тэнцэж, төсвийн алдагдал нь нэг их наяд боллоо. Энэ нөхцөл байдлыг бууруулахын тулд гарцаагүй ихээхэн нөөц хэрэгтэй гэж Холбооны нөөцийн тэргүүн Жереми Пауэлл хэлж байна.

“БКС Ерөнхий сайд” хүрээлэнгийн ахлах шинжээч Сергей Суверев:
-Америкийн корпорацуудын өрийг EBITDA буюу татвар төлөх, ашиг хуваарилахаас өмнөх нийт ашигтай нь харьцуулахад 2008-2009 оны хямралын үеийнхээс харьцангуй өндөр болчихлоо. Хятадын эдийн засагт зээлийн ачаалал хэт өсч байгаа нь сэтгэл түгшээж байна. Хятадын нийт өр Дотоодын нийт бүтээгдэхүүнийх нь 300 хувьтай тэнцэж байна. Энэ бол эдийн засгийн өсөлт буураад ирэхэд бага ашиг орлоготой маш олон аж ахуйн нэгж дампуурах эрсдэл дагуулах их өндөр үзүүлэлт. Бага хүүтэй зээл нь зээлийн болон санхүүгийн асар их хөөс үүсгэсэн бөгөөд энэ нь Засгийн газраас мөнгөний болон санхүүгийн дэмжлэг үзүүлэх нөөц боломж шавхагдахын цагт дэлбэрч болзошгүй юм.

“Нээлттэй Брокер” хүрээлэнгийн хөрөнгө оруулалтын менежер Тимур Нигматуллин:
-Хятад өнөөдөр хотжуулах, дэд бүтэц, үйлдвэр завод барьж байгуулах хөгжлийн тийм загвараа шавхаж байна. Магадгүй энэ улсад төр засгийн дэглэм өөрчлөгдөж, барууны ардчиллын жишигт нийцэх хүртэл хөгжлийн өөр шинэ загвар олж чадахгүй ч байж мэднэ. Ийм шинэчлэл шилжилтийг Зөвлөлт холбоот улс даван туулж чадаагүйг санаж байна уу.
Хятадын Дотоодын нийт бүтээгдэхүүний өсөлт удааширч байгаатай зэрэгцээд АНУ өөрийнхөө хэт халж хөөсөрсөн эдийн засгийг хөргөж эхэлж байна. Энэ хоёр тэргүүлэх эдийн засгийн зэрэгцэн явж байгаа энэ үйл явц, бие биедээ нөлөөлөн дэлхий дахиныг хямралд хүргэнэ. АНУ, Хятад хоёр дэлхийн Дотоодын нийт бүтээгдэхүүний 40 хувийг үйлдвэрлэдэг юм шүү дээ.

Олон улсын валютын сангийн шинэ удирдагч Кристалина Георгиева ч бас дэлхийн эдийн засгийн өсөлт урьд байгаагүй удааширч байгааг тэмдэглээд “Ноцтой уналт болж томоохон корпорацуудын өр 19 их наяд ам.доллар хүртэл өсч, тэргүүлэх эдийн засагтай найман орны өрийн 40 хувьд хүрнэ. Энэ бол өнөөдөр шинж тэмдэг нь хэдийнээ ажиглагдаад эхэлчихсэн санхүүгийн хямралын эрсдэлийг нэмэгдүүлж байна.

ОУВС-гийн тэргүүн бас худалдааны дайны асуудалд онцгой ач холбогдол өгч “Худалдааны дайнд ялагч гэж байхгүй, бүгд ялагдана. Худалдааны дайн, сөргөлдөөнөөс болоод дэлхий дахины эдийн засаг 2020 онд нийт 700 тэрбум ам.доллар алдана” гэсэн байна.

Х.Өлзийбаяр "Ардчилал таймс" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 28 мин Шөнийн автобус 22:00-02:00 цагийн хооронд үйлчилж байна 1 цаг 34 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 39 мин Засгийн газар: Төрийн өмчит компанийн тоог 85 болгон цөөлнө 2 цаг 23 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 36 мин З.Мэндсайхан: Оюу Толгойн хэлэлцээрийн баг удахгүй ирнэ 8 цаг 53 мин Мэдээж “Ар нь түүз!” 9 цаг 5 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 22 мин Улаанбаатарт өдөртөө 8 хэм хүйтэн 9 цаг 30 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 33 мин Д.Трамп Хятадад Ким Жөн Унтай уулзаж магадгүй гэв 9 цаг 38 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 43 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 9 цаг 48 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top