x

Ахмад сонгогчдыг “уургалах” МАН-ын гурван бодлого хэрэгжиж эхэллээ

Өнгөрсөн оны сүүлийн улиралд улс төр судлаач, эрдэмтэд МАН-ын захиалгаар иргэдийн улс төрийн байр суурийг тодорхойлох судалгаа хийжээ. Тус судалгаагаар МАН-д үнэнч ахмад сонгогчид “улаан” сонголтоос нүүр буруулж, өөр улс төрийн хүчнийг илүүд үзэж буй нь тодорхой болсон аж. Харин эл судалгааны үр дүнд МАН-ынхан дүгнэлт хийн ахмадад, тэр дундаа хөдөөгийн сонгогчдод чиглэсэн халамжийн бодлого түлхүү хэрэгжүүлэх зорилго тавьсан нь сүүлийн өдрүүдэд илүүтэй мэдрэгдэж байна. 

Өнөөдөр нийгмийн гол сэдэв болж буй тэтгэврийн зээлийг тэглэх амлалт ч үүний нэг хэсэг. Хэдийгээр ҮАБЗ хэлэлцэж, Ерөнхийлөгч мэндчилгээндээ дурдсан боловч цаад утгаараа МАН-д ашигтай шийдэл болох нь ойлгогдоно. Тэгээд ч ҮАБЗ-ийн гурван гишүүний хоёр нь МАН-ыг удирдаж буй эрхмүүд гэдгийг дурдах нь зүй. Тэр утгаараа ҮАБЗ дээр МАН-ын хоёр дарга дээрх санаачилгыг гаргасан байх өндөр магадлалтай. Ерөнхийлөгч ч тэтгэврийн зээлийг тэглэх үндэслэлээ “Салхитын мөнгөний ордоо эдийн засгийн эргэлтэд оруулах замаар тэтгэврийн зээлийг нэг удаа тэглэх тухай ҮАБЗ-ийн гишүүд санал нэгдэн шийдвэр гаргасан” хэмээн тодорхойлсноос үзвэл хаанаас дэвшүүлсэн санал болох нь тодорно. УИХ-ын дарга засгийн “гал тогоог” хариуцаж байхдаа өөрийн биеэр Салхитын мөнгөний ордыг улсад хураан авч, тус ордын дээжийг төв банкинд гардуулсан зэргээс энэ нь улам лавширна. Нөгөөтэйгүүр улс төрийн хүрээнийхэн Ерөнхийлөгч 2020 оны сонгуулиар МАН-ыг дэмжиж, 2021 онд МАН Х.Баттулгыг дэмжих тохироо явлаа гэсэн хардлага тээж эхэллээ.

Аль нь боловч ахмад сонгогчид руу чиглэсэн МАН-ын бодлого гараанаас хөдлөв. Үүгээрээ МАН 233 мянган сонгогчийн саналыг бүтэн халааслахгүй юмаа гэхэд талынх нь санаа бодлыг эргүүлж чадвал халамжийн зорилго биелнэ. Дээр нь аав, ээжийнх нь зовлонг нимгэлэх гэж буйд талархсан иргэд МАН-д саналаа өгнө гэж тооцвол парламентын сонгуульд ялахад чухал нөлөөтэй гэж тооцсон биз. Үүнээс гадна эрх баригчдын ахмадын нийгмийн халамжийг нэмэх нэг чиглэл нь тэтгэврийг 50 мянган төгрөгөөр өсгөх шийдвэр байв. Засгийн газрын шийдвэрийн дагуу оны эхнээс 21.2 мянган ахмадын тэтгэвэр 50 мянган төгрөгөөр нэмэгдэнэ. 1990 онд төрүүлсэн хүүхдийн тоогоороо тэтгэвэрт гарсан ахмадуудыг ялгаварлаж байсан шударга бус хуулийг зассанаар 130 гаруй мянган хүн өнөөгийн тэтгэврийн дундаж хэмжээнд хүрэхүйц тэтгэвэр авах болсон нь МАН-д саналаа өгөх сонгогчийн тоог нэмнэ. Үүн дээр 420 мянган ахмадын тэтгэврийг нэмэхэд зориулж 150.6 тэрбум төгрөг хуваарилсан нь санал “зулгаахад” түлхэц болно. Мөн энэ оноос малчин, хувиараа хөдөлмөр эрхлэгчид НДШ-ээ нөхөн төлж тэтгэвэр тогтоолгох болсны цаад утга нь ахмадуудад чиглэсэн сонгуульд оноо цуглуулах бас нэг бодлого.

Уг нь үүнийг УИХ 2019 оны эхнээс хэрэгжүүлэхээр хуулийг нь баталж, төлөвлөсөн ч ОУВС-гийн шаардлагад уягдаад хойшлуулсан. Сангийн сайд Ч.Хүрэлбаатар 2019 оны төсвийг хэлэлцэх үеэр “Малчид, хувиараа хөдөлмөр эрхлэгчийн НДШ-ийг нөхөн төлүүлэх шийдвэрийг ОУВС-гийн хөтөлбөрт хамрагдаж байгаа үед хэрэгжүүлж болохгүй. Улсын төсөв дийлэхгүй” хэмээн хойшлуулж байсан.

Гэтэл МАН ОУВС-гийн хөтөлбөр дуусаагүй байхад бодлогоор хэрэгжүүлэхээр зүтгэлээ. Өөрөөр хэлбэл сонгуулийн жил тохиож буйтай холбогдуулан ахмадад чиглэсэн нэг “шугам”-аа нээхээс өөр аргагүй болсон гэж дүгнэж болно. Малчин гэдгийн цаана хөдөөгийн сонгогч байгаа нь тодорхой учраас сонгуулийн өмнө “нүдээ олсон” ажил болж харагдана. Мөн малчдад тавих шаардлага, хувиараа хөдөлмөр эрхлэгчийн бүрдүүлэх материал ялгаатай байгаа нь хөдөөгийн малчин сонгогчид зориулсан бодлого гэдгийг илэрхийлж байгаа.

Ийн МАН захиалсан судалгааныхаа мөрөөр “залруулга” арга хэмжээ авч эхэллээ. Тэдэнтэй өрсөлдөхөөр цээжээ дэлдэн буй АН-ын оноо цуглуулах оновчтой бодлого хаа байна вэ. Ахмадаа алагчилсан зөвлөмжийг ҮАБЗ гаргаж МАН хэрэгжүүлэхээр зүтгэж эхэлснийг улс төрд ганцаараа тоглолт хийж буй О.Баасанхүү шүүмжилж АН-ынхнаас урьтан оноо цуглуулаад эхэлчихлээ. Угаасаа ахмадууд “улаан” сонголттой хэмээн АН-ыг гомдоллож байх зуурт МАН алдаагаа залруулж “улаан сонголтоо уургалахаар” чармайж байна. Цаашилбал ахмадын халамжаар залуу үеийг ч цаламдахаар бэлтгэж байна. Харин ирэх сонгуульд ямар ч дүрмээр ялна гэж том дуугарч буй АН-д “улаан”-ыг урвуулах байтугай “цэнхэр” сонголтоо хадгалж үлдэх бодлого байна уу. 

"Засгийн газрын мэдээ" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 1 цаг 42 мин Шөнийн автобус 22:00-02:00 цагийн хооронд үйлчилж байна 1 цаг 48 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 1 цаг 52 мин Засгийн газар: Төрийн өмчит компанийн тоог 85 болгон цөөлнө 2 цаг 37 мин ТББХ Ерөнхийлөгчийн чөлөөлөгдөх хүсэлтийг дэмжлээ 2 цаг 50 мин З.Мэндсайхан: Оюу Толгойн хэлэлцээрийн баг удахгүй ирнэ 9 цаг 7 мин Мэдээж “Ар нь түүз!” 9 цаг 18 мин И-спорт болон оюуны спортын Азийн анхдугаар наадмыг 2027 онд зохион байгуулна 9 цаг 36 мин Улаанбаатарт өдөртөө 8 хэм хүйтэн 9 цаг 43 мин Аймгуудын өрсөлдөх чадварын 2026 оны тайлангийн үр дүнг танилцуулна 9 цаг 47 мин Д.Трамп Хятадад Ким Жөн Унтай уулзаж магадгүй гэв 9 цаг 52 мин Тайванийн Гадаад хэргийн сайд АНУ-д хоёр дахь удаагаа очжээ 9 цаг 57 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 10 цаг 2 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top