Баянзүрх дүүргийн 13-р хороонд байрлах "Уудам Монгол" дунд сургуулийн сурагчид хоолны хордлогын шинж тэмдэгтэй ХӨСҮТ-д хүргэгджээ.
Өчигдөр буюу есдүгээр сарын 11-ний өдөр тус сургуулийн 103 сурагч, 9 багш, ажилчид өдрийн хоолондоо тахианы зутан шөл, котлет идсэн байна. Тэднээс 10 сурагчид хордлогын шинж тэмдэг илэрчээ.
Мэргэжлийн хяналтын газраас сургууль болон хоол үйлдвэрлэсэн газраас арчдас авч шинжилгээнд хамруулсан бөгөөд шинжилгээний дүгнэлт хараахан гараагүй байна.