2019 оны есдүгээр сарын 15-ны өдрийг "Цэвэр агаартай-Автомашингүй өдөр" болгон зарласан. Энэ өдөр Баруун дөрвөн замаас Зүүн дөрвөн зам, Хүүхдийн 100, Энхтайваны өргөн чөлөө, МУИС, Залуучуудын гудамжийн замыг 07.00-18.00 цаг хүртэл хөдөлгөөн хаах юм байна. Харин 14-ны ням гаригт нийслэл даяар их цэвэрлэгээтэй.
Түүнчлэн 14,15-нд төв талбайд “Цэвэр агаартай-Авто машингүй өдөр” уриан дор дулаан, цахилгаанд холбогдох техникийн нөхцөл олгох, орон байраа дулаалах, ногоон зээлийн сангаас зээл авах, цахилгаан болон хийн халаагуур, сайжруулсан хатуу түлшний талаарх мэдээллийг иргэд, аж ахуйн нэгжид өгөх юм байна.
Мөн агаар, орчны бохирдлыг бууруулах чиглэлээр үйл ажиллагаа явуулдаг цахилгаан халаагуур, сэргээгдэх эрчим хүч, гэрийн дулаалга, хийн түлш, сайжруулсан хатуу түлш үйлдвэрлэдэг болон импортоор оруулж ирдэг ААН-үүд бүтээгдэхүүнээ танилцуулж, шаардлага хангасан иргэдэд газар дээр нь зээл олгохоор арилжааны банкуудтай тохиролцжээ.
