Жюү жицүгийн насанд хүрэгчдийн Ази тивийн аварга шалгаруулах тэмцээнийг Монгол Улсад анх удаа зохион байгуулж байна. Бөхийн өргөөнд болж буй тэмцээнд 24 орны 400 гаруй тамирчид жюү жицүгийн Ne Waza, Fighting JiuJitsu, Contact JiuJitsu, Duo System гэсэн дөрвөн төрлүүдэд өрсөлдөж, шилдгүүдээ тодрууллаа.
Баасан гаригт үндсэн төрөл болох Ne Waza төрлийн жингийн барилдаан болж, медальтнууд тодорчээ. Казахстаны тамирчин Молдир Мекенбаева мөнгөн медальт хүртсэн байна. Тэрбээр 52 кг-ын жинд өрсөлдөж, аваргын төлөөх барилдаанд нутгийн тамирчинд ялагдан Ази тивийн дэд аварга боллоо.
Молдир Мекенбаева 2016 онд 49 кг-ын жинд барилдаж, дэлхийн аварга, дараа жил нь дэд аварга болжээ. 2019 онд Филиппинд болсон Азийн наадамд эхний барилдааныг Монголын М.Баярмаатай хийж, ялагдал хүлээсэн түүний хувьд энэ жилээс эхлэн 52 кг-ын жинд барилдаж байна. Азийн наадмыг гоо үзэсгэлэнгээрээ чимсэн Молдир Мекенбаева Казахстаны жюү жицүгийн шигшээ багт багтаж, математикийн чиглэлээр суралцаж, хэд хэдэн кинонд тоглоод амжжээ. Түүний хувьд чөлөөт цагаараа найзуудтайгаа жюү жицүгийн бэлтгэл хийдэг шигшээ шатар тоглодог аж.
Харин манай бөхчүүдээс эмэгтэйчүүдийн 70 кг-ын жинд ОУХМ М.Сугар алтан медаль хүртэв. Контакт жюү жицүгийн төрөлд эрэгтэйчүүдийн 56 кг-д Б.Алтансүх мөнгөн медалийн эзэн болсон бол Файтинг төрлийн эрэгтэйчүүдийн -77 кг-д Т.Мөнх аваргын алтан медалийг хүртлээ.
