Тээврийн хэрэгслийн эзэмшигч авто тээврийн болон өөрөө явагч хэрэгслийн албан татварыг тогтоосон хугацаанд буюу ирэх сарын 1-нээс өмнө төлөхийг нийслэлийн Мэдээлэл, технологийн газраас санууллаа.
Автомашины улсын дугаар нь 0 болон 5-аар төгссөн бол та тавдугаар сард буюу энэ сард багтаан татвар төлөх ёстой.
Авто тээврийн хэрэгсэл эзэмшигч иргэд ухаалаг утасны SMARTCAR аппликейшн болон тээврийн хэрэгслийн нэгдсэн цахим үйлчилгээний www.smartcar.mn, www.e-tax.mta.mn цахим хуудсанд хандаж, авто тээврийн хэрэгслийн албан татвар, агаарын бохирдол, зам ашигласны төлбөрийг аль ч банкны онлайн гүйлгээний эрхтэй төлбөрийн карт, QPay үйлчилгээгээр төлөх бүрэн боломжтой. Мөн ГЭРЭГЭ киоск машинаар дурын банкны картаар төлж болох юм.
Иргэн та авто тээврийн болон өөрөө явагч хэрэгслийн албан татвар, агаар бохирдлын төлбөр, авто зам ашигласны төлбөрийг онлайнаар төлсөн бол төлбөрийн баримтаа хэвлэж, тээврийн хэрэгслийн гэрчилгээндээ хавсаргаарай. Эсвэл өөрт ойрхон татвар хураах дурын цэгт төлбөрийн баримтаа шалгуулж, тамга даруулан баталгаажуулах боломжтой юм.
Таны тээврийн хэрэгслийн төлөх татварын дүн арилжааны банкуудад нэхэмжлэх үүссэн тул өөрт ойр дурын банканд хандан татвараа төлж болно. Мөн доорх татварын цэгээр үйлчлүүлж болох аж.
| Д/д |
Байршил |
Цагийн хуваарь |
| 1 |
Татварын хэлтэс /БЗД, БГД, СХД, СБД, ЧД, ХУД, НД, БХД, БНД/ |
Даваа ~ Баасан: 08:30 - 17:30 |
| 2 |
АТҮТ /цирк салбар, таван ган салбар/ |
|
| 3 |
НҮНТ /Дүнжингарав, Мишээл, Драгон төв, 6 буудлын Оргил төв/ |
|
| 4 |
Техник хяналтын үзлэгийн төв /БЗД, БГД, СХД/ |
Даваа ~ Баасан: 08:30 - 20:30 |
| 5 |
Нисдэг машин худалдааны төв |
Даваа ~ Баасан: 08:30 - 17:30 |
