Хятадын “Тяньжин фүүдс” компанийн хүлэмжийн төслийг зогсоохыг шаардлаа

2019/05/20

Хүлэмжийн аж ахуй эрхэлдэг 20 гаруй компани нэгдэн үндэсний хөдөлгөөн байгуулж байгаагаа мэдэгдэн өнөөдөр мэдээлэл хийлээ.

Асрал агро парк" ХХК-ийн төлөөлөл Х.Алтанцацралт: "БНХАУ-ын "Тяньжин фүүдс" гэх компани Монгол Улсад 50 га газарт хүлэмжийн аж ахуй эрхлэх гэж байгаа гэх үнэн худал нь мэдэгдэхгүй мэдээлэл гарч байна.

Бид хоёр сар орчим энэ үйл явцыг анхааралтай ажигласан. БНХАУ-тай дипломат харилцаа тогтоосны 70 жилийн ойг угтан манай төр, засгийнхны зүгээс 10 бүтээлч ажил хийхээр төлөвлөж байгаа юм байна. Үүний нэг болох Улаанбаатар хот Тяньжин хоттой хамтран 50 га газарт хүлэмжийн аж ахуй эхлүүлэх асуудал удаа дараа яригдлаа. Тиймээс бид ийм их хэмжээний газрыг гадны компанид өгч болохгүй талаар хүсэлт, шаардлагыг холбогдох байгууллагуудад хүргүүлсэн. Энэ хугацаанд хотын дарга хэвлэлийн хурал хийж "Ерөөсөө ийм асуудал яриагүй" гэж мэдэгдсэн. Ингээд бид тайвшраад байж байтал өнгөрсөн долоо хоногийн Пүрэв гарагт ХХААХҮЯ-наас сайдын гарын үсэгтэй албан бичиг ирүүллээ.

Уг албан бичгээр дамжуулан хятадын компани импортын хүнсний ногооны 6.5 хувьтай тэнцэх хэмжээний ургац хураах урьдчилсан төлөвлөгөөтэй байгаа талаар мэдэгдсэн. Энэ нь та бүхний орлогод нөлөөлөхгүй хэмээн тайлбарласан байна.

Хүнсний асуудал маш чухал. Хятадаас хэзээ ханаа ургасан, генийн өөрчлөлттэй эсэх нь тодорхойгүй ногоо орж ирдэгт манайх хяналт тавьж чаддаггүй. Тиймээс бид үндэсний хөдөлгөөн байгуулж байгаагаа албан ёсоор мэдэгдэж байна.

60 сая малтай хэр нь гурван сая иргэн маань мах авч идэж чадахгүй байгаа нөхцөл хэдхэн хоногийн өмнө үүссэн. Үүний цаана Хятадын худалдаачид байсан. Үргэлжлүүлээд хүнсний ногоогоо гадны наймаачдад алдах нь байна.

Хятадын төрийн өмчит, дээрээс нь манай төрийнхнөөс дэмжлэг авч буй компани Монголд 50 га газарт хүлэмжийн аж ахуй эрхэлж эхэлбэл ямар ч дэмжлэггүй Монголын хүлэмжийн аж ахуй эрхлэгчид болон өрхийн тариаланчид дампуурна" хэмээв.

Монгол Улсын хэмжээнд 2018 онд 27.7 га өвлийн, 63.9 га зуны нийт 91.6 га талбайд хүлэмжийн аж ахуй эрхэлж 5,705 тонн нарийн ногоо хураан авжээ.

Зөвхөн Улаанбаатар хот орчимд 135 аж ахуйн нэгж, төрийн бус байгууллага, өрхийн тариаланч хүлэмжийн аж ахуй эрхэлж, жилийн турш 40 гаруй төрлийн нарийн ногоо тариалж, нийслэл болон хөдөө орон нутгийн иргэдэд нийлүүлдэг аж.

Грийн сити гарден" ХХК-ийн төлөөлөл Ж.Эрхэмбаяр: "Бидний сонссон мэдээллээр "Тяньжин фүүдс" компанийн төлөөлөл өнгөрсөн долоо хоногт ирж, хүлэмж барих газраа үзэж, танилцсан байна лээ. Тэгээд одоо судалгаагаа хийж, зургаадугаар сарын 5-наас хүлэмжийн суурийн ажилдаа орох гэж байгаа гэсэн.

Бидэнд өвлийн халаалтын улиралд тариалалт хийхэд өртөг өндөртэй байдаг. Гэхдээ ойрын таван жилдээ Улаанбаатар болон улсын хэмжээнд өвлийн хэрэгцээг хангадаг болохоор зорин ажиллаж байна. Энэ үед хятадын компани 50 га-д хүлэмж барьчихвал бид болон өрхийн тариаланчид ямар ч өрсөлдөх боломжгүй болж байгаа юм" хэмээн тайлбарлалаа.

Хүлэмжийн аж ахуй эрхлэгчдийн зүгээс доорх шаардлагуудыг тавьж байна.

Хятадын төрийн “Тяньжин фүүлс” компанийн хүлэмжийн төслийг зогсоох
Нийслэлээс олгох гэж байгаа 50 га газрыг монголын тариаланчдад олгох
Уг төсөл хэрэгжсэн тохиолдолд Монголын тариаланчдад БНХАУ-д нарийн ногоо тариалах 50 га газар олж өгөхийг шаардаж байна.

ХХААХҮ-ийн сайдаас хүлэмжийн аж ахуй эрхлэгчдэд хүргүүлсэн албан бичиг:

iСанал болгох

УИХ-ын гишүүнийг эгүүлэн татсанаар улс төрийн намд хариуцлага бий болно

Улаанбаатар хотын бохир усны "Туул-1" коллекторын бүтээн байгуулалт 25 хувьтай үргэлжилж байна

Эрүүгийн хуульд өөрчлөлт оруулах ажлын хэсэг анхны хуралдаанаа хийлээ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

iРедакцийн сонголт

“Хоёр тал” биш, нэгэн дээвэр дор

iШинэ мэдээ

Иран дайсагнаагүй орнуудын хөлөг онгоцыг Ормузын хоолойгоор нэвтрүүлнэ 39 мин Усны нөөцийг хамгаалах, хууль эрх зүйн зохицуулалтын асуудлаар хэлэлцүүлэг зохион байгууллаа 2 цаг 20 мин УИХ: Хууль боловсруулах ажлын хэсгүүдийн хуралдааны тов 2 цаг 20 мин Өнөөдөр цахилгаан шугам тоноглолд хийгдэх засвар үйлчилгээний хуваарь 2 цаг 24 мин Гуравдугаар сарын 26-наас 31-нийг хүртэлх цаг агаарын урьдчилсан төлөв 2 цаг 28 мин Трамп Тегераныг хэлэлцээр хийхийг "маш их хүсэж байна" гэсний дараа Ираны арми АНУ-ыг "өөртэйгөө хэлэлцээр хийж байна" гэж мэдэгдэв 16 цаг 47 мин Улсын дугааргүй хөдөлгөөнд оролцсон зөрчлийг ухаалаг камераар илрүүлж байна 16 цаг 49 мин Татан буугдсан банк болон Хөгжлийн банкнаас 127.8 тэрбум төгрөг төвлөрүүлжээ 16 цаг 49 мин Засгийн газар эдийн засгийн хямралаас сэргийлэх төлөвлөгөөг хэлэлцлээ 16 цаг 50 мин Арвайхээр сумын 4 дүгээр сургууль “Мянган ном” төслийг хэрэгжүүлж байна 16 цаг 51 мин Бүх багийг үүрэн холбооны сүлжээнд бүрэн холбох төлөвлөгөөг хэрэгжүүлнэ 16 цаг 51 мин Налайх дүүрэгт дулааны станц, эмнэлэг барих болон эдийн засгийн тусгай бүс байгуулахыг даалгав 16 цаг 52 мин "Дэлхийн адууны өдөр"-ийг жил бүрийн долоодугаар сарын 11-13-нд тэмдэглэнэ 16 цаг 53 мин Засгийн газрын ээлжит хуралдаанаар гаргасан шийдвэрүүд 16 цаг 54 мин Эрүүгийн хуульд өөрчлөлт оруулах ажлын хэсэг анхны хуралдаанаа хийлээ 19 цаг 18 мин Улаанбаатар хотын бохир усны "Туул-1" коллекторын бүтээн байгуулалт 25 хувьтай үргэлжилж байна 19 цаг 24 мин Цаг агаарын урьдчилсан мэдээ: Зарим нутгаар цас орж, шуурга шуурна 19 цаг 35 мин Татварын байцаагчид хахууль өгөхийг завдсан иргэнийг 3 сая төгрөгөөр торгожээ 19 цаг 36 мин Баянхошуу, Шархад дэд төвд 5000 айлын орон сууц барих төсөл хэрэгжиж байна 19 цаг 39 мин "Чингис хаан" нисэх буудал руу 24 цагаар үйлчлэх автобусны чиглэл, цагийн хуваарь 21 цаг 15 мин

iИх уншсан

Хадны завсарт хавчуулсан халиуны зулзага Тамхины хуулин дээр тээг тавиад байгаа улстөрчдийг зарлацгаа... Хаврын тариалалт хаяанд... Харин бид бэлэн үү? Н.Лүндэндорж: Шүүхэд итгэх иргэдийн итгэл ганхаж байгаад хуу... Фронтын генерал ба индрийн маршал Маршал Чойбалсан Дэмчигдонров ванг Хятадад тушаасан нь “Хоёр тал” биш, нэгэн дээвэр дор Сургуулийн орчин дахь дээрэлхэлттэй дэлхийн улс орнууд хэрхэ... О.Номинчимэг: Төрийн өмч дарга нарын "шидэт уут" биш, ард тү... Монголчуудыг АНУ-ын “Визийн бонд” хөтөлбөрт хамруулсан нь ма... АНУ-ын улсын өр түүхэнд анх удаа 39 их наяд ам.доллароос дав... "Чингис хаан" нисэх буудлыг транзит зочид буудалтай гүүрэн г... Г.Уянгахишиг: УИХ-ын гишүүнийг эгүүлэн татах нөхцөлийг зөвхө... “Оюу толгой” ХХК-иас ус бохирдуулсаны төлбөр авахыг Усны газ... Х.Нямбаатарын ар шил дээр Ж.Энхбаяр "исгэрч" байна "Сэлбэ 20 минутын хот" төслийн бүтээн байгуулалт үргэлжилж б... "Туулын хурдны зам"-ын барилгын ажил эхэллээ П.Наранбаяр боловсролын салбарт юу үлдээв Б.Одбаяр: Туулын хурдны замыг барихдаа голын экосистемийг ал... Ерөнхийлөгч У.Хүрэлсүхийг Өлгий цэргийн хүрээний хүндэт хару...